Vikolwa 7:55 - KITABU KITAKATIFU

⁵⁵ Navuzwa Sitefano, ni yizuuyi Roho Mutakatifu mba, yumika mwigulu, nalora uvukumi vwa Nyasaye, kandi Yeso nasingiyi ha mukono mulungi gwa Nyasaye.

Vikolwa 7:55 Iomraidhean Croise

Zaburi 109:31

Kigira Yahova akingaa avadaka, kandi avahonyiaa kutura ku yavo avavakalagiraa likuza.

Ezekieli 10:18

Maku uvukumi vwa Yahova vwatula mu vwingiliru vwi Litembeli ma nivuzia igulu wa vakerubi.

Ezekieli 10:4

Uvukumi vwa Yahova vwatula ku vakerubi nivuzia mu vwingiliru vwi Litembeli. Maku amalesi gakunikaa Litembeli, no vong'ereng'anu vwu vukumi vwa Yahova vwakunika mugizi gwi Litembeli.

Ezekieli 11:23

Maku vukumi vwatula mu lidaala linene kandi nivuzia mu kiguru Ivugwi walio.

Ezekieli 3:23

Kunangwa ndaazia mu livona, na wene yeyo ndaalora uvukumi vwa Yahova, kuli ndaali nembololi ku mugera gwa Kebari. Ndaagwa hasi mamumama,

Mika 3:8

Navuzwa, ku lwa inzi, Yahova yizuliza mu inzi Roho weve kandi zinguru zizie, kandi yambeza likalaga liu vulungi nuvuluviliri ukwilwazira avandu va Isiraeli vwoni vwavo.

Marko 16:19

Lwu, Mwami Yeso yaali niyakamoloma navo, yavugurwa kuzia mwigulu, ni yikala ha mukono mulungi gwa Nyasaye.

Yohana 11:41

Kunangwa avandu vasuunda ligina. Yeso yahenza mwigulu navoora, “Ngusandizaa Baba kuva ivi umbuliraa.

Yohana 12:41

Isaya yavoola vindu yivi kigira yalora uvukumi vwa Yeso, kandi navoora amakuva geege.

Yohana 14:3

Kandi lwa mba ninzia kumulombera ovogono, ndirana kandi. Ndamuvugura inzi mwene, kunangwa aha inzi mbeeye munyi kandi muve ho.

Vikolwa 2:4

Vosi vizura Roho Mutakatifu, kandi ni vatanga komoloma mu zinimi zindi, kuli Roho yavaha livoora.

Vikolwa 4:8

Maku, Petero, niyizuuyi Roho Mutakatifu, yavativulira, “Munyi aviimiliri navakulundu va vandu;

Vikolwa 6:10

Navuzwa sivali vanyara kumuguuta mba, kigira ovogeri vwivwe kandi kigira Roho Mutakatifu wamwimilira mu livoora lilie.

Vikolwa 6:3

Kunangwa, avaamitu, mutovole avandu saba ku munyi avaveeye nilizominywa lilahi, aviizula Roho Mutakatifu novogeri, kuvaviiki ku miyinzi yigu vagulindi.

Vikolwa 6:5

Livoora yili liayaanziza kiduma choosi cha vandu avasuuviri. Vatovora Sitefano, mundu wi lisuuvira linene kandi wizura Roho Mutakatifu, Filipo, Purokoroni, Nikanora, Timona, Paramena na Nikolao, uwatula Andiokia, uwaali ni yavugula lisuuvira lia Vayuda mu litanga.

Vikolwa 6:8

Sitefano, mundu wa Nyasaye yagasiza ligali kandi wizura zinguru zinyingi, yakola vilolekizu kandi vindu viokogenyia hagati ha avandu.

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Vahebraina 8:1

Kalunu kivuni kenene cha makuva ga kovora ni yiki: koveeye nu Musaalisi Munene wu lugano yilu, wikala ha mukono mulungi gwendeve yu vwami vwa Nyasaye Wuvunyali, mwigulu.

2 Petro 1:17

Kwaali ho lwa yanyoora uluyali nu vukumi ku Nyasaye Baba. Lwa mwoyo gwaaza kuye kutura mu vukumi ovonene nigovoora, “Uyu niyie umwana wange umuyanze wange, unyanzizaa!”

Likunula 21:11

Liang'ereng'ana nu uvukumi vwa Nyasaye; lidaala liang'ereng'ana ovong'ereng'anu kuli vwi ligina lie Jasiperi, lilengeru ligali kuli igilasi.