Vikolwa 7:5 - KITABU KITAKATIFU

⁵ Nyasaye siyaamuha ku ekedonye chi kivala yiki keve umwandu gwigwe; mba, navuzwa yamulaga alamuha kivala yiki keve chiche kandi chi ikisukulwi chiche. Ing'inga yene yeyo Aburahamu si yaali nu mwana mba.

Vikolwa 7:5 Iomraidhean Croise

Litanga 12:7

Maku Yahova yaloleka ku Aburamu namuvolera, “Yiki nicho kivala cha nziza kuhaana ku visukululwi vivio.” Maku Aburamu yumbakira Yahova uvwali naloleki kuye ahene yaho.

Litanga 13:15

Inzi ndakuha harara nivisukululwi vivio kivala cha ololaa yiki choosi, kandi kilakave chicho mihiga ni mihiga.

Litanga 15:18

Ku lidiku liene yilio, Yahova yalomba lilagana na Aburamu; Yavoola, “Inzi ndagaa kuhaana ku visukululwi vivio kivala yiki choosi kutura ku lwako lwu mugera gwa Egebeti kuduuka ku mugera gwa Efurate,

Litanga 16:2

Kunangwa, Sarai yavolera Aburamu, “Yahova yakola inzi kuva mugumba. Vugula mukaana mutugwa wange uyu ove harara naye mbula alanzivulira mwana.” Aburamu yaavugilira kokora kuli Sarai yamuvolera.

Litanga 17:8

Inzi ndakakohe harara nivisukululwi vivio kivala yiki cha oveeye mu mugeni. Kivala choosi cha Kanaani kilakave chi visukululwi vivio mihiga ni mihiga, kandi inzi ndakave Nyasaye wavo.”

Litanga 23:4

“Inzi mbeeye vuzwa mugeni omenyi hano hagati hinyu. Muyanze munguliziri kedonye chu mulimi kunangwa nduuki kuyaviramu muviri gwu mukali wange.”

Litanga 26:3

Omenye hano, na ndava harara na ivi, kandi ndakugasiza. Ndakuha kivala yiki choosi harara nivisukululwi vivio. Ndalonda lilagana lia ndalomba na baba woovo Aburahamu.

Nehemia 9:8

Ivi wanyoola mwoyo gwigwe gwaali musuuvirifu ku ivi, na ivi walomba lilagana naye. Ivi wamusuuviriza kumuha kivala cha Avakanaani; ikivala cha Avahiti na Avaamori, ikivala cha Avaperezi, Avajebusi na Avagirigashi, kuva ikivala ichi visukululwi vivie vilakamenye mu. Ivi walinda lilagana liilio, kigira oveeye musuuvirifu.

Ezekieli 33:24

Yavoola, “Mwana wu Mundu, avandu vamenya mu madaala manene mang'anye gi kivala cha Isiraeli vavoola ndi: ‘Aburahamu yaali vuzwa mundu mulala, navuzwa yahevwa kivala choosi. Kunyi koveeye avanyingi, kunangwa kalunu kivala keveeye chiitu.’

Kwidzulitsa 10:11

Kandi Yahova yambolera, ‘Singira, utange logendo lulwo, wimiliri avandu kunzira yavo, kunangwa vaduuki kwingira nokwidikila mu kivala cha ndasuuviriza kuhaana ku avaguuga vinyu.’

Kwidzulitsa 11:9

Mulamenya ing'inga indambi mu kivala kitugi kandi kenoru cha Yahova yasuuviriza kuhaana ku avaguuga vinyu harara nivisululwi viavo.

Kwidzulitsa 2:5

Mutatangizi uvulwani navo mba, kigira sindamuha kali imiita ndala yi kivala chavo mba, kigira ndaamara kuhaana ku visukululwi via Esau kivala cha Edomu kuva miandu jaavo.

Kwidzulitsa 34:4

Maku Yahova yavolera Musa, “Yiki ni kivala cha ndaasuuviriza Aburahamu, Isaka na Yakobo ndi ndahaana ku visukululwi viavo. Umali kokelola, navuzwa sindaleka uzie yo mba.”

Kwidzulitsa 9:5

Sigaveeye kigira muveeye avalahi kandi mukoraa agaveeye amalungi mba, nandio Yahova amuleeka mwidikiri mu kivala chavo mba. Navuzwa gaveeye kigira vaveeye avadamanu kandi kigira Yahova Nyasaye winyu yenya aduukizi lisuuvirizwa lia yisuhira avaguuga vinyu, Aburahamu, Isaka na Yakobo.