Vikolwa 7:49 - KITABU KITAKATIFU

⁴⁹ ‘Mwami Nyasaye avoora, Ligulu liveeye kuli endeve yange yu vwami, ni lirova liveeye endeve yu kuviika ku ivirenge viange. Kunangwa, ninyumba ya lugano ki ya munyala kunyumbakira? Ni hayi ha inzi sosera?

Vikolwa 7:49 Iomraidhean Croise

1 Avami 22:19

Mikaya yaazizagilira kovora, “Kalunu huliri cha Yahova avola! Ndoli Yahova niyikaye koendeve yeeye yu vwami mwigulu naveeye harara nizingelosi veve vosi nivasingiyi ku zimbega zizie ziombi;

1 Avami 8:27

“Navuzwa, ukaveeye unyala O, Yahova Nyasaye, komenya ligali mu lirova? Kali ligulu liosi siliveeye linene linyala kuduuka ivi omenye mulio, kunangwa Litembeli yili lia inzi mali kwumbaka linyala kuva linene likuduuka?

2 Kyetsinyinga 6:18

“Navuzwa ivi O, Nyasaye, oveeye unyala komenya ligali mu lirova harara na vandu? Kali ligulu liosi siliveeye linene linyala kuduuka ivi omenye mu mba. Kunangwa Litembeli yili lia inzi mali kwumbaka linyala kuva linene liduka ivi?

Zaburi 11:4

Yahova aveeye mu Litembeli lilie Litakatifu, endeve yeeye yu vwami eveeye mwigulu. Ahenzaa avandu havundu hoosi nukumanya via vakora.

Isaya 66:1

Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?

Jeremia 23:24

Siaveeyeho nu umundu unyala kwivisa hanyala kuvula kumulora mba. Simumanyi inzi mbeeye havundu hoosi mwigulu kandi kulirova?

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Matayo 23:22

kandi lwa mulala yisuhaa ku ligulu, yisuhaa ku endeve yu Vwami ya Nyasaye, kandi ku uyu wikala kuyo.

Matayo 24:2

Navuzwa yavativulira, “Muloraa ivindu yivi viosi? Agiligali muvooleraa, si lilakatigale hano ligina kali lilala ni lisiingiyi mu vogono vwalio mba; goosi galakavunguluki.”

Yohana 4:21

Yeso yamuvolera, “Mukali, usuuviri inzi; ing'inga yiza lwa avandu valivula kusigamira Baba mu Kiguru yiki anoho mu Jerusalemi.

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.