Vikolwa 7:36 - KITABU KITAKATIFU

³⁶ Niyie wimilira avandu yava kutura mu Egebeti niyakamara kokora vilolekizu kandi viokogenyia mu kivala cha Egebeti, mu Inyanza Inzakanyu kandi mu changalangwi ku mihiga arubaini.

Vikolwa 7:36 Iomraidhean Croise

Nehemia 9:10

Ivi wakola vilolekizu viokogenyia ku mwami wa Egebeti, ku vatumikiri veve kandi ku avandu vi kivala chiche, kigira wamanya kuli vadambiza avandu vovo. Ivi wahevwa ilieta liuluyali lia ukikiri nalio kuduuka kalunu ndi.

Zaburi 95:10

Avandu yavo vaambihiliriza ku mihiga arubaini. Ndavoora, ‘Vaveeye avandu vataveeye avasuuvirifu! Vasuura kuhulira malago gange.’

Zaburi 95:8

“Mutadinyia magoti ginyu mba, kuli avaguuga vinyu vaakora ha Meriba, kuli vaali ku lidiku yilio muchangalangwe na Maasa.

Kutwula 12:41

Lidiku liu kumalirika lie mihiga 430, zihiiri ziosi zia avandu va Yahova ziatula mu kivala cha Egebeti.

Kutwula 14:21

Musa yanyira mukono gwigwe kunyanza, kandi Yahova yakola inyanza niyiirana inyima harara ni imbuza enene yikivihiri kutura Ivugwi. Yahuuza uvudiku vwosi ma nigirung'anyia inyanza kugwa lirova liumu. Amazi gavukana,

Kutwula 16:35

Avandu va Isiraeli valia imaana ku mihiga arubaini, kuduuka lwa vaduuka mu kivala cha Kanaani wa vamenya.

Kutwula 3:20

Navuzwa ndatumikira zinguru ziange na ndahaana amageri ku vandu va Egebeti kulwukuvakolera vindu viukutihiza uwene yeyo. Inyima wa yaga, Mwami alamulakuula muzie.

Kutwula 33:1

Yahova yavolera Musa, “Tuli havundu hano, ivi harara na avandu vawaleeta kutura Egebeti, kandi muzie mukivala cha ndasuuviriza kuhaana ku Aburahamu Isaka na Yakobo kandi kuvisukululwi viavo.

Yohana 4:48

Yeso yamuvolera, “Munyi nimutaloli vilolekizu ni viokogenyia, simunyala kusuuvira mba.”

Vikolwa 13:18

Yikuzira navo mihiga arubaini mu changalangwi.

Vikolwa 7:42

Kunangwa Nyasaye yagirung'ana kutura hagati haavo, na avaleka vasigamiri zing'ereng'ani ziu mwigulu, kuli gang'odwa mu kitabu cha vaporofeti: ‘Munyi avandu va Isiraeli! Siaveeye inzi wa mwitira zinyama no kondetera visiuviliru mihiga arubaini mwigendanyama!

Kwidzulitsa 8:4

Zinguvu zienyu siziakunguha kandi virenge vienyu siviaviimba ku ing'inga yi mihiga arubaini yiji mba.

Vahebraina 3:8

mutadinyia mioyo jinyu kuli avaguuga vinyu vakora lwa vibaara ku Nyasaye, kuli vaali lidiku yilio mwigendanyama lwa vageriza Nyasaye.

Vahebraina 3:9

Nyasaye avoora, vababa vinyu vambiika ku kegero kandi nivangeriza, kali niiva valora miyinzi jange ku mihiga arubaini.

Vahebraina 8:9

Lilagana yili si lilakave kuli lia ndalomba harara na vaguuga vaavo ku lidiku lia ndavavugura nu mukono gwange kandi nimbimilira vatuli mu kivala cha Egebeti. Sivali avasuuvirifu ku lia ndalomba navo mba, ninzi sindavakola vave kindu mba, ndavaleka; Mwami avoora.