Vikolwa 7:35 - KITABU KITAKATIFU

³⁵ “Musa uyu niyie wa avandu va Isiraeli vasuura lwa vavoola: ‘Nivwaha wakuviika ove mwimiliri kandi mukalagi wiitu?’ Kuvitira mu engelosi waloleka kuye mu kisaka chaali ni chaadukaa muliru, Nyasaye yatuma Musa uyu ave mwimiliri nu muvohololi wavo.

Vikolwa 7:35 Iomraidhean Croise

Zaburi 75:7

Navuzwa Nyasaye mwene niyie oveeye mukalagi; Agehizaa zinguru zia valala, kandi anenehiza zinguru zia avandi.

Zaburi 77:20

Ivi wimilira avandu vovo kuli mwayi wi chayo cha magondi, kandi watovola Musa na Haruni kuva vimiliri vaavo.

Kutwula 14:19

Engelosi wa Nyasaye, uwaali imbiri wa avandu va Isiraeli, yatura yo niyiirana inyima wavo. Munara gwi lilesi gwisuunda kuduuka lwa gwaali

Kutwula 14:24

Kunangwa mumavwevwe Yahova yahenza hasi kutura mumunaara gwu muliru kandi gwa malesi ku liihi lia vandu va Egebeti naavagoyanyia ligali.

Kutwula 2:14

Mundu zana yativura, “Nivwaha wakokola kuva mwamihi nu mukalagi ku kunyi? Wenyaa kunzita kuli wita Umwegebeti?” Na Musa yatia navoora, “Ng'ani makuva yaga gamanyikani ligali.”

Kutwula 32:34

Kunangwa kalunu uzie, kwimilira avandu vaduuki havundu ha mali kokovoolera. Wizulizi ndi engelosi wange alakwimilira; navuzwa mu ing'inga yiza lwa ndihaana mageri ku avandu yava kigira uvwoni vwavo.”

Kutwula 33:2

Ndatuma engelosi kumwimilira, kandi ndakunga vandu va Kanaani, Amori, Hiti, Perizi, Hivi, na Jebusi.

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Livalidza 20:16

navuzwa kwalilira Yahova ahaane vokonyi kukunyi. Yahulira lilira lietu na yatuma engelosi wa kwimilira kutura Egebeti. Kalunu koveeye ha Kadeshi lidaala liveeye kulwako ni kivala chicho.

Marko 12:26

Na kigira amakuva gi lisimuguka lia vakuzu: mukikiri kosoma mu kitabu cha Musa mu zimbaso zivoolaa amakuva gi kisaka ichaduka umuliru? Kuli Nyasaye yamoloma na Musa namuvolera, ‘Inzi ni Nyasaye wa Aburahamu, Nyasaye wa Isaka na Nyasaye wa Yakobo?’

Luka 19:14

Navuzwa avandu veve vamudunyira mbitilira nivatuma avandu inyima weve kumulondelera ni vavoolera Mwami Munene: ‘Sikwenyi mundu uyu ave mwamihi wiitu mba.’

Yohana 18:40

Kunangwa vahanzuka kandi nivavoora, “Awa! Mundu uyu mba! Kunyi kwenyaa Baraba!” Baraba yaali munuri.

Yohana 19:15

Navo vahanzuka, “Mu mwiti! Mu mwiti!” Pilato yavateva “Inzi mbambe mwami winyu?” Avasaalisi vanene vativura, “Kunyi sikoveeye nu mwami wundi natali Kaisari!”

Vikolwa 2:36

“Avandu vosi ava Isiraeli gavadukiraa vamanye ligali ndi Yeso uyu wa munyi mwavamba, niyie wa Nyasaye amali kokora ave Mwami kandi Mesia.”

Vikolwa 3:22

Kigira Musa yavoola, ‘Mwami Nyasaye winyu alamutumira muporofeti kuli yatuma, naye alava mulala ku avandu vinyu vene gamudukira muhuliri goosi gamuvooleraa mukore.

Vikolwa 5:31

Nyasaye yamunenehiza kuduuka ha mukono gwigwe mulungi kuli Mwimiliri kandi Muhonyi, aduuki kuhaana ku avandu va Isiraeli vwiyangu vwu kwiganira, ma vanyoore lisamiifwa liu vwoni vwavo.

Vikolwa 7:30

“Lwa Musa yaali niyakamara mihiga arubaini, engelosi wu Mwami yaloleka kuye mu kisaka chaali ni chaadukaa muliru mu changalangwi, ahimbi ni Kiguru cha Sinai.

Vikolwa 7:51

Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Vakolosai 1:15

Kristo aveeye ligondo lia Nyasaye utalolekaa; utanga kwivulwa, na kandi aveeye umunene ku vilombe viosi;

Vahebraina 2:2

Uvutumwa vwahaanwa ku vaguuga viitu ni zingelosi vwa loleka kuva vwi ligali kandi mundu woosi wavula kovolonda anoho kuvuhulira, yanyoora mageri agadukanaa naye.

Likunula 15:3

Vaali nivimba ulwimbu lwa Musa umutumwa wa Nyasaye, kandi ulwimbu lwu Mwana wi Ligondi, ni vavoola: “Mwami Nyasaye Wuvunyali, miyinzi jijo jiveeye minene kandi jokogenyia! Ivi Mwami wizihiiri ziosi, zinzira zizio ziveeye ziu uvulungi ni zieligali!

1 Samweli 10:27

Navuzwa vandu valala avikivihiri vavoola, “Mundu uyu anyala kokokolera malahi ki?” Vachaaya Saolo kandi si vamuleetera ku kihanwa choosi mba. Navuzwa Saolo yakiring'ana.

1 Samweli 12:8

Lwa Yakobo harara na vinyumba yeye vazia Egebeti, na Avaegebeti nivavadambiza, avaguuga vinyu vanira ku Yahova vanyoore vokonyi, na yatuma Musa na Haruni, vavatuliza mu Egebeti kandi naavidikiriza mukivala yiki.