Vikolwa 7:10 - KITABU KITAKATIFU

¹⁰ namuhonyia kutura mu vudinyu vwivwe. Lwa Josefu yaloleka imbiri wu mwami wa Egebeti, Nyasaye yamuha liiva liu kuyaanziza kandi ovogeri. Kunangwa Mwami wa Egebeti yamukola ave mwamihi mu kivala yicho kandi munyumba yeeye yu vwami yoosi.

Vikolwa 7:10 Iomraidhean Croise

Litanga 39:21

Navuzwa Yahova yaali harara na Josefu, kandi yamuyanza ligali, kandi namugasiza imbiri wu mulindi winyumba ya vahambe.

Litanga 42:6

Josefu, kuli munene wi kivala cha Egebeti, yaguliza vuswage ku avandu kutura mu lirova liosi. Kunangwa avamwavo Josefu vaza ma nivasigama imbiri weve nivahenza hasi.

Litanga 44:18

Yuda yazia ku Josefu namuvolera, “Mwaza, yaanza umbugiliri molome na ivi, utava nu vutima na inzi mba. Ivi oveeye kuli mwami mwene.

Litanga 48:16

Engelosi yasoola kutura ku vudamanu vwosi, yaanza uvagaasizi! Lieta liange harara na mita ga vaguuga vange, Aburahamu na Isaka gagulikwi avayaayi yava! Vave ni zinzivulu zia vana vanyingi kandi visukululwi vinyingi!”

1 Avami 8:50

Samiiha vwoni vwavo vwosi, kandi liebaala liavo liosi ku ivi, kandi olombe vasigu vaavo vavakolere vulahi.

Zaburi 22:24

Yahova siadunyiraa kandi sialekaa avadedekere mu kivi chavo mba. Siagirung'anaa kuvaleka mba, lwa vanira kuye avakoonye, avativuliranga.”

Zaburi 37:40

Yahova alavakonya kandi alavasoola, alavahonyia kutura ku avadamanu kigira vazizaa kuye vanyoore likingwa.

Tsing'ano 16:7

Niiva ulayaanziza Yahova, ulalomba vasigu vovo kuva valina.

Tsing'ano 2:6

Yahova niye uhaanaa vogeri, kutura kuye ahaanaa limanya kandi limanyiriza.

Tsing'ano 3:4

Niiva ulakola yaga, ulayaanziza Nyasaye harara na vandu.

Jeremia 39:12

“Zia wenye Jeremia, umbuguli ma umulindi vulahi ligali. Utamusaliriza mba, navuzwa umukolere kolondekana ni lienya lilie.”

Yakobo 5:11

Henza, kuvavalizaa kuva avuvugasu kigira viikuzira. Mwamala kuhulira amakuva gu vwikuziri vwa Ayubu, kandi mumanyi kuli Mwami yamukolera mu limalirika. Kigira Mwami yizuuyi zimbavasi kandi livererera.

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.