Vikolwa 5:5 - KITABU KITAKATIFU

⁵ Lwa Anania yahulira makuva yago, yagwa hasi nakuza. Avandu vosi avahulira makuva yaga vaali nuvuti vonene ligali.

Vikolwa 5:5 Iomraidhean Croise

2 Avami 2:24

Vahaanzuka ni vavoola, “Tula hano vwangu, ivi wu gwavuusu! Tula hano ivi wu gwavuusu!” Elisha yagirungana navuumika kandi navalaama mu lieta lia Yahova. Ahene na hene yaho, ziduba zingali ziviri ziatula mu mulitu ni zitandulanyia avayaayi arubaini na mbiri kuvo mu vidonye.

1 Kyetsinyinga 13:12

Maku Daudi yatia Nyasaye ligali, navoora, “Nyara ndi kuhila Lisandugu lie Lilagana yengo kalunu?”

1 Kyetsinyinga 15:13

Kigira munyi vandu va Levi si mwali ho kulileeta ku ing'inga yu kutanga, Yahova Nyasaye witu yakuha amageri kulwukuvula kumusigamira kuli gakuduukiraa.”

Zaburi 119:120

Mbeeye nuvuti vonene kigira ivi; nzizuuyi uvuti kigira likalaga liilio.

Zaburi 64:9

Maku avandu vosi valatia; valaganagana ku aga Nyasaye amali kokora, nukulandiza amakuva givikolwa vivie.

Jeremia 5:14

Yahova Nyasaye Wuvunyali yambolera, “Kigira vamali kovora makuva yaga, ndakora makuva gange gave kuli muliru mu minwa jiinyu, na avandu valava kuli zingu, na muliru gulavasamba ligali.”

Ezekieli 11:13

Lwa ndaali nemporofetaa, Pelatia yagwa hasi nakuza. Ndaagwa hasi mamumama kandi nimbanzuka nimbora, “Awa Mwami munene Yahova! Uzizaa kwita vuli mundu watigala mu Isiraeli?”

Kyavalevi 10:3

Maku, Musa yavolera Haruni, “Yiki nicho kindu cha Yahova yamoloma ku lwa yavoola, avandu vosi vandumikira, kuduuka vahane luyali ku vutakatifu vwange; inzi indavuula vukumi vwange ku avandu vange!” Navuzwa Haruni yachiring'ana.

Vikolwa 13:11

Kalunu Mwami alaleeta maduywa ku ivi: ulavakula, na si ulalola vulavu vwi liuva ku ing'inga iduuki mba.” Nonoho lilumbi ni kisundi viamukunika, natanga kuhunahuna niyenya umundu wu kumugumira mukono amwimiliri.

Vikolwa 2:43

Viokogenyia kandi vilolekizu vinyingi viakolwa na avatumwa, kuduuka avandu vosi ni vaava nuvuti mu mioyo jaavo.

Vikolwa 5:13

Siyaali ho numulala ichova wu muganda gwa vandu vasuuvira uwaluvilira kuhambana navo mba, kali ndio avandu vandi vavizominya.

1 Vakorintho 4:21

Muyanziliraa ki? Nzizi ku munyi ni mbimbu, anoho nu mwoyo gwu vuyanzi?

2 Vakorintho 13:10

Kigira yaga, ng'odaa ibarwa yiyi nimbeeye ihale kutura ku munyi kunangwa lwa ndakaaze, ndavuli kuva mululu ku munyi lwa nditumikira uvunyali vwu Mwami yamba. Yee, vunyali vwu kwumbaka munyi; sivoveeye vwu kusambula mba.

2 Vakorintho 13:2

Nyenya kwiganihiza yavo avaakoraa vwoni mu madiku gaavita, harara na vandi vosi; mbiganihizaa kalunu lwa ndaveeye ho, kuli ndaakola lwa ndaali mu ligeniha liange lia kaviri ndi, niiva ndaaza kandi sindavavererera mba.

2 Vakorintho 7:11

Loli ga Nyasaye yakola kigira vovereri, vwinyu, vuluviliri vwa mwanyoola; liiva liamwaali nalio kumanyia ndi muvura imbila, vutima vuti, liegomba kolola ndi vulungi vwekoleki, liegomba lia havulavu, vwihaani vwa mwanyoola, kandi kuli mwetegeka kuhaana mageri ku vandu vaakora vudamanu. Munyi mwayimanyia ndi simuveeye nimbala ku makuva yaga goosi mba.

Kwidzulitsa 13:11

Maku avandu vosi va Isiraeli valahulira agekoleka; na valatia ligali, kandi sihalava ho numulala hagati hinyu uwilana kokora kindu kidamanu kuli yiki kandi mba.

Kwidzulitsa 21:21

Kunangwa avasaza vi lidaala vosi valamulasa na magina kuduuka akuzi. Kuduuka mutulizi uvudamanu yivu hagati hinyu. Vuli mundu mu Isiraeli alahulira agaamali kwekoleka, na alava nu vuti ligali.

Joshua 22:20

Mwizurizi kuli Akani muyaayi wa Zera yasura kuhulira lilaga lia Yahova yavolera kunyi, kudiviza vindu viosi iviakalagirwa mu lidaala linene lia Jeriko! Yahova yaaha avandu vosi va Isiraeli amageri ku agene yago. Akani siyaali niyie yeng'ine uwakuza kigira uvwoni vwivwe mba. Avandu va Isiraeli vandi vanyingi kandi vaakuza kigira uvwoni vwa Akani.”

Likunula 11:13

Ku ing'inga yene yeyo, liali ho ni lidegera linene ligali lie lirova. Ikidieli kilala ku likomi chi lidaala chaagwa hasi, kandi avandu 7,000 viitwa ni lidegera lie lirova yilio. Avandu vatigara, vaali nu vuti ovonene ligali; kandi vakuminya Nyasaye wu mwigulu.

Likunula 11:5

Umundu niyenyaa kuvasaliriza, muliru gutulaa mu minwa jaavo nu kudiviza avasigu vaavo kandi, mundu woosi ogeriza kuvasaliriza gamudukira kwitwa munzira yiyi.