Vikolwa 5:4 - KITABU KITAKATIFU

⁴ Nukikiri kuguguliza gwaali gugwo; kandi inyima wu kuguguliza, kandi mabese gagwo gaali googo utumikiri kuli mwene uyanzaa mba. Kigira ki otovooye mu mwoyo gugwo kokora kindu kuli yiki? Siovoleeye avandu ovovehi mba, navuzwa ovoleeye Nyasaye!”

Vikolwa 5:4 Iomraidhean Croise

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

1 Kyetsinyinga 29:3

Kuvita yaga goosi, Inzi mali kuhaana livikiru liange mwene lie zahabu ni feza ku Litembeli kigira vuyanzi vwange kwetegekera liumbaka lie Litembeli lia Yahova Nyasaye wange.

1 Kyetsinyinga 29:5

kandi yu kusiaha iviju viosi via vasiza valomba. Kunangwa kalunu nivwaha ulalira kuhaana nu vuhaani vwosi Vwu mwoyo ku Yahova?”

1 Kyetsinyinga 29:9

Avandu vaali nu vuyanzi vonene ligali kigira vaali nivamali kuhaana kuli valalira. Mwami Daudi naye kandi yayanza ligali.

Ayubu 15:35

Yava nivo avandu vi mioyo jaavo jizula uvugadi, kandi avalohizaa koleta uvuchamu no kokora uvudamanu.”

Zaburi 139:4

O, Yahova, kali ningikiri komoloma likuva liosi, ivi umanyi cha nziza kovora.

Zaburi 7:14

Henza kuli avandu vachamu vaganagana kokora vudamanu. Valohizaa zinzira zia vavikira mu avandu mu kivi kandi vakora uvugadi.

Kutwula 16:8

Maku Musa yavoola, “Ni Yahova ulimuha inyama ya mulia hamugorova kandi migadi josi kuli mwenya lidiku lia mugamba, kigira umali kuhulira lielilira lienyu. Lwa mwiliriraa ku kunyi, mwiliriraa ku Yahova.”

Kutwula 35:29

Avandu vosi va Isiraeli vakali na vasaza valeta kihanwa ku Yahova, vihaanwa viukwihaana kigira miyinzi josi ja Yahova yavalaga vakole kuvitira ku Musa.

Kohelethu 5:5

Vwakaveeye vulahi kuvula kulaga kuvita kulaga ma uvula kuduukiza lilagana liilio.

Isaya 59:4

Munyi muzizaa mukiyaro, navuzwa simuveeye nilikalaga liuvulungi kolovega lwinyu mba. Mweredaa ku ovovehi kuguuta ichiina. Mwetegekiza zing'anagani zienyu ziuvudamanu kusaliriza avandi.

Ezekieli 38:10

Yaga nigo ga Yahova Wuvunyali avooreraa Goga: “Lwi ing'inga yeyo iliduuka, ulakatange kuganagana kolohiza vudamanu.

Livalidza 16:11

Lwa wililiraa ku Haruni harara nu muganda gwugwo, gaveeye giligali ndi mwibaara ku yahova.”

Luka 10:16

“Oyo uhulira munyi, ahuliraa inzi; kandi oyo usulaa munyi asuraa inzi, kandi oyo usulaa inzi asuraa uwanduma.”

Vikolwa 5:3

Petero yamuteeva, “Anania, kigira ki oleki Setani akwamihi mu mwoyo gugwo uduuki kovoolera Roho Mutakatifu ovovehi, mu livaasa kedonye cha mabese gonyooye ku mulimi?

Vikolwa 5:9

Navuzwa Petero ya muvooleraa, “Kigira ki ivi numusaza woovo mutovooye kogeriza Roho wu Mwami? Henza! Avandu vaziyi kuyavira musaza woovo vaveeye ha kiliango, navo valakuginga nu kukuhira ichova.”

1 Vakorintho 8:8

Navuzwa iviukulia sivinyala kukuhira ahimbi ku Nyasaye mba. Ni koleka kulia sikulagotiza kindu choosi mba, kinga nikuva ni kulia sikulavoola kindu choosi mba.

1 Vatesalonike 4:8

Kunangwa, uyu usuulanga amigizu yaga siasuraa mundu, navuzwa asuraa Nyasaye, uhaanaa kumunyi Roho weve Mutakatifu.

Filemona 1:14

Navuzwa sinyenyaa kokora ikindu choosi vugira livugilira liilio mba. Sinyenyaa kukuniga ku ongonye mba, kigira uvulahi vuvwo kuduuka vutuli ku liyaanza liilio mwene navuzwa sigaveeye kigira linigwa mba.

Yakobo 1:15

Maku likayirwa lilie lidamanu zana yilio liverekaa ma liivula uvwoni, nuvwoni lwa vumala kuviruka, vwivulanga likuza.

1 Samweli 8:7

na Yahova yavoola, “Uhulirize ku vindu viosi via vandu vakovolera. Siaveeye ivi wa vamali kwambakana, navuzwa inzi niyie wa vamali kwambakana kuli Mwami wavo.