Vikolwa 5:28 - KITABU KITAKATIFU

²⁸ “Kwamwiganihiza vudinyu ligali mutigiza ku lieta liu mundu uyu mba; na kalunu, heenzi aga mukoli! Mulandizi amigizu ginyu mu Jerusalemi mwosi, na mwenya koleta kisaalia chilikuza liu mundu uyu ku kunyi!”

Vikolwa 5:28 Iomraidhean Croise

1 Avami 21:20

Lwa Ahabu yalora Elija, yavoola, “Unyooye kandi, O, musigu wange?” Elija yativura navoora, “Yee, mali kokonyoola. Ivi wihaani mwene kokora agaveeye madamanu mu zimoni zia Yahova.

1 Avami 22:8

Mwami Ahabu yativura navoora, “Akikiri ho musaza mulala wa kunyala koteeva likuva lia Yahova, Mikaya muyaayi wa Imula. Navuzwa ndamuvihilira ligali, kigira siaporofetaa ku kindu kilahi ku inzi mba; nitali vudamanu vwere.” Jehoshafati yavoola, “Utavoola ndio mba!”

Jeremia 26:15

Navuzwa mumanye yaga: niiva mulanzita, munyi navandu vilidaala yili mulava nilihiolo liukwita umundu utaveeye nimbara, kigira ni Yahova uwanduma nduuki kumwiganihiza.”

Jeremia 38:4

Maku vatumikiri vazia ku mwami ni vamuvolera, “Mundu uyu gaduukanaa yiitwi. Limoloma makuva kuli yaga liloomba avasikari mu lidaala kohenda mwoyo, kandi avoora makuva malala mere ku avandu vosi avatigara mu lidaala yili. Siagelizaa kokonya avandu mba, navuzwa agelizanga kuvasaliriza.”

Amosi 7:10

Kunangwa Amazia, Musaalisi wa Bezeli, yatuma likuva ku Jeroboamu, mwami wa Isiraeli, navoora, “Amosi akokoleeye zimbemba hagati ha avandu va Isiraeli. Limoloma lilie lilononyia kivala cha avandu va Isiraeli.

Matayo 21:44

Uyu ugwa ku ligina yili alavunikana ividonye; na ni ligwira umundu woosi, lilamusionolanyia.

Matayo 27:25

Avandu vosi vavoola, “Amasahi geege gave ku kunyi, kandi ku vana viitu!”

Vikolwa 5:40

Valanga avatumwa viirane mu kiyaalo ni vahaana amalago vakuywi, ni vaviganihiza vatigiza kandi ku lieta lia Yeso mba. Maku vavaleka vazie.

Vikolwa 7:52

Yaali ku ho nu muporofeti wa avaguuga vinyu vavura kudambiza? Vita avatumwa va Nyasaye, avalandiza ku maziambiri iliiza liu Mutumikiri mulungi. Na kalunu, munyi mumali kumuzaama nu kumwita.