Vikolwa 5:16 - KITABU KITAKATIFU

¹⁶ Avandu vanyingi vaza avaari nivatuli mu madaala gaali ahimbi na Jerusalemi, ni valeta avalwaye vaavo, kandi yavo avagumirwa na mademoni; navo vosi vahonywa.

Vikolwa 5:16 Iomraidhean Croise

Matayo 2:16

Lwa Herodi yalora vageri vaamugadi, yavihilirwa ligali ma yaatuliza lilago ndi avana vayaayi vosi vu mulidaala lia Bezelehemu na vikivala chaali ahimbi, viitwi; avaari nivaduuki mihiga giviri kandi vosi avaari nivakikiri kuduuka. Yaga gaakolwa kolondekana ning'inga ya vaali vamuvooleye.

Matayo 4:24

Kunangwa, ulusuma lwa Yeso lwalanda mu Siria mwosi. Avalwaye vosi avaari ni zinguzu zie zing'ano ziosi nu vusaliri lugano, avaari na mademoni nindulumi kandi avaalema vaahirwa kuye, naye yavahonyia vosi.

Matayo 8:16

Lwa gwaduuka mugolova, vamuleetera avandu vanyingi ava mademoni gaali ni gaagumira. Naye kulivoola likuva vuzwa, yaagakunga. Na yahonyia vosi avaari avalwaye.

Luka 5:17

Lwa Yeso yaali niyigizaa, Avafarisayo na avigizi vi Lilaga kutura mutudaala twosi twa Galilaya, Ivuyuda na Jerusalemi, vaali nivikaye ho. Zinguru ziu Mwami ziali harara na Yeso kohonyia valwaye.

Luka 6:18

Vosi vaali ni vazi kuhulira Yeso kandi kohonywa zinguzu ziavo. Yahonyia yavo vosi avanyangizangwa na mademoni.

Luka 9:11

Navuzwa lwi viduma via avandu vamanya yaga, vamulondelera. Yeso yavingiriza navavoolera amakuva guvwami vwa Nyasaye, kandi yahonyia yavo avaari ni lienya vahonywe.

Yohana 14:12

Muvooleraa agiligali, uyu usuviraa mu inzi alakola miyinzi ja inzi ngolaa. Yee, alakola kali minene ligali kuvita kigira inzi nziza wa Baba.

Vikolwa 4:30

Nyira mukono gugwo ohonyie avandu kandi okole vilolekizu ni viokogenyia viloleke mu lieta liu Mutumikiri woovo Mutakatifu Yeso.”

Vikolwa 5:15

Kolondekana na mativuli gi miyinzi javatumwa vakora, avandu vahiraa avalwaye vaavo kuzinzira, ni vavaaliza ku vidali kandi ku majambi, ndi niiva Petero avita, mbula chiriri chiche kigwiri valala kuvo.

Vikolwa 5:17

Maku, Musaalisi Munene na avache veve, avasangi vumuganda gwa Vasadukayo vahene yaho, vakendekera avatumwa ligali.

1 Vakorintho 12:9

Roho mulala mwere ahaanaa ku mulala lisuuvira, kandi ahaanaa ku wundi zingulu zio kohonyia.

Yakobo 5:16

Kunangwa, mwiyamirane uvwoni vwinyu aveene naveene kandi musaalirane aveene naveene, ku muduuki kohonywa. Lisaala liu umundu umulungi likonya ligali mu likora lie zinguru lialio.