Vikolwa 5:15 - KITABU KITAKATIFU

¹⁵ Kolondekana na mativuli gi miyinzi javatumwa vakora, avandu vahiraa avalwaye vaavo kuzinzira, ni vavaaliza ku vidali kandi ku majambi, ndi niiva Petero avita, mbula chiriri chiche kigwiri valala kuvo.

Vikolwa 5:15 Iomraidhean Croise

Kohelethu 3:3

Ing'inga yu kwita kandi ing'inga yo kohonyia, ing'inga yu kusambula kandi ing'inga yu kwumbaka.

Matayo 14:36

Vamugoonya aleke vadiiri vuzwa ku lukigiti lwi inguvu yeeye; navo vosi avaludiira vahonywa.

Matayo 9:21

Yakola ndio kigira yaganagana mu mwoyo gwigwe ndi, “Nindiira vuzwa kunguvu yeeye, ndahonywa.”

Marko 6:55

Kunangwa vanyagura mariviti, mu kivala yicho choosi, ni vataanga kugingira avalwaye vaavo ku majambi, ni vavaleeta havundu hoosi aha vahulira Yeso aveeye.

Yohana 14:12

Muvooleraa agiligali, uyu usuviraa mu inzi alakola miyinzi ja inzi ngolaa. Yee, alakola kali minene ligali kuvita kigira inzi nziza wa Baba.

Vikolwa 28:9

Kigira kekolwa yiki, avalwaye vosi avaari mu kisulu yicho vaza kandi ma nivahonywa.

Vikolwa 5:16

Avandu vanyingi vaza avaari nivatuli mu madaala gaali ahimbi na Jerusalemi, ni valeta avalwaye vaavo, kandi yavo avagumirwa na mademoni; navo vosi vahonywa.