Vikolwa 5:14 - KITABU KITAKATIFU

¹⁴ Navuzwa livaliza lia avandu vasuuvira Mwami, avasaza na avakali, yamedeka ligali.

Vikolwa 5:14 Iomraidhean Croise

2 Samweli 6:19

Yavagavulira viukulia kuvo vosi. Yaaha musaza sa mulala kandi mukali samulala imango yu mugadi, kedonye chi inyama isambe, kandi mazabibu. Maku avandu vosi vazia yengo.

Ezara 10:1

Lwa Ezara yaali nasigami mu lisaala imbiri wi Litembeli lia Nyasaye, nalira kandi niyiyamaa uvwoni vwa avandu ku Nyasaye, muganda munene gwa vandu va Isiraeli vasaza, avakali kandi avana vaza nivamukumbiriza kandi nivalira vululu ligali.

Nehemia 8:2

Kunangwa musaalisi Ezira yaleeta kitabu chi Lilaga imbiri wi livugana lia vasaza, avakali na avana avaari vanyara kuhulira nukumanyiriza.

Kutwula 35:22

Vandu vosi vaali nilienya, vombi avakali na vasaza, valeta magina guvuguli, zing'ano ziosi, zimingiri ni viju vindi viosi viezahabu. Vuli mundu yaleeta kindu chi zahabu kuva ikihaanwa ku Yahova.

Isaya 45:24

“Vosi valavoora ndi, vulungi kandi zinguru vituraa ku inzi, navuzwa vosi avadunyiraa inzi, valaduuka mu zisoni.

Vikolwa 11:24

Baranaba yaali mundu mulahi, wizura Roho Mutakatifu ni lisuuvira. Avandu vanyingi vasuuvira mu Mwami Yeso.

Vikolwa 2:41

Kunangwa avanyingi vasuuvira amakuva geege, nivabatizwa lidiku liene yilio. Avandu vaduuka ahimbi zielefu zivaga komeeda livaliza liu muganda gwa avasuuviri.

Vikolwa 2:47

Vizominya Nyasaye, na vandu vosi vavyaanza. Vuli lidiku Mwami yavameedaa ku muganda yigu vandu vandi vahonywa.

Vikolwa 22:4

Ndadambiza avandu valonda amigizu gu Mwami Yeso yaga. Ndaagumira, avasaza na vakali, nimbahila mu vuhambe.

Vikolwa 4:4

Navuzwa avanyingi avahulira likuva, vasuuvira kandi livaliza lia avasuuviri liali ahimbi zielefu zitano.

Vikolwa 6:7

Likuva lia Nyasaye liazizagilira kulaanda. Livaliza lia vandu avasuuviraa vameedeka ligali mu Jerusalemi; kandi avasaalisi vanyingi vavugilira lisuuvira yili.

Vikolwa 8:12

Navuzwa lwa vandu vasuuvira amilwazo ga Filipo agi Ivangeri yu Vwami vwa Nyasaye kandi gi lieta lia Yeso Kristo, vabatizwa avasaza na avakali.

Vikolwa 8:3

Navuzwa Saolo yageriza kudiviza Likanisa ligali. Yingira mu vuli inyumba, natuliza vandu avasuuviraa, avasaza na vakali, navahira muvuhambe.

Vikolwa 9:2

naasava ahevwe zibarwa ziu kwimanyia mu masinagogi ga Damasiko, ku nanyoora yo avasaza anoho avakali vava ni valonda amigizu gu Mwami Yeso, aduuki kuvagumira nu kuvaleeta Jerusalemi ni vavoheywi.

Vikolwa 9:31

Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

Vikolwa 9:35

Vosi avamenya mu Liida nu mu Saroni valora Aineya, navo vosi vagirung'ana nivazia ku Mwami.

Vikolwa 9:42

Amakuva ge kekolwa yiki galanda hoosi mu Jopa, na avandu vanyingi vasuuvira Mwami.

2 Vakorintho 6:15

Kristo na Setani vanyara kuhulirizana ndi? Uyu usuviraa anyoolekana ndi mu lisanga na uyu utasuviraa?

Vagalatia 3:28

Kulwayago, sihaveeyeho kandi ni liavukana hagati ha Avayuda na vandu vizihiiri, mutugwa nu muvoholore anoho musaza nu mukali kandi mba. Vosi muveeye kindu kilala mu lihambanywa na Kristo Yeso.