Vikolwa 4:34 - KITABU KITAKATIFU

³⁴ Sihaaliho nu mundu ku vosi wadaka kindu, kigira vosi avaari ni vaveeye ni milimi anoho zinyumba vaziguliza,

Vikolwa 4:34 Iomraidhean Croise

Matayo 19:21

Yeso yamuvolera, “Niwenya kuva umudukiru, zia ugulizi ivindu vivio viosi ohe avadaka, na ivi ulava nu utungi mwigulu, ma uzi ononde.”

Marko 10:21

Yeso yamuhenza nu vuyanzi namuvolera, “Udaki vuzwa kindu kilala. Zia ugulizi viosi via oveeye navio na uhaane ku avadaka, na ivi ulava ni livikiru mwigulu; ma uzi ononde.”

Luka 12:33

Mugulize vindu vienyu viosi, muhaane ku avadaka. Mwelombere zimuya zitakunguhaa mba, muve nilivikiru mwigulu ahu mwivi ataduuka, anoho ahizisere zitononyia mba.

Luka 16:9

Yeso yaazizagilira kovora, “Kandi ndio inzi muvooleraa, mwelombere avalina na avandu munzira yu uvugadi nu uvutugi vwilirova liu vwoni yili kunangwa lwa vuva nivufeye, munyi muduuki kwingira mu vomenyo vutaveeye nekeheri, mwigulu.

Luka 22:35

Maku Yeso yateeva aviigi veve, “Lwa ndamutuma ing'inga yila kuzia vugira kebeti, musigo, nivilato, mwaadaka kindu?” Navo vamuvolera, “Awa.”

Vikolwa 2:45

Vaguliza uvutugi vwavo ni vindu viavo ni vagavulana mabese vosi, samulala kuli yenya.

Vikolwa 4:37

Mwene uyu kandi yaali nu mulimi gwigwe, naaguguliza. Yavugula mabese gagwo nagaleta kuvatumwa.

2 Vakorintho 8:14

Kigira muveeye nu vunyingi ku ing'inga ya kalunu, nivulahi mukoonye avaveeye no vogeheru. Kunangwa, lwa muveeye no vogeheru, navo nivaveeye nu vutugi, valakamukoonye mu vogeheru vwinyu. Munzira yiyi vombi mulakakoonyane keleng'ani.

Kwidzulitsa 2:7

“Mwizurizi kuli Yahova Nyasaye winyu amali kumugaasiza mu vindu viosi viamumali kokora. Yamulinda ku mihiga arubaini lwa mwagendagenda kuvitira mu changalangwe kenene yiki, na simwadaka kindu mba.

1 Vatesalonike 4:12

Munzira yiyi mulanyola lizominywa kutura ku vandu avasuuviraa kandi muvuli kuva ni lienya kindu kutura ku mundu woosi.

Yakobo 1:27

Lisuuvira lilahi litaveeye nu vudamanu imbiri wa Nyasaye Baba wiitu ni yili: kokonya avavisandu na vakunzakali mu likuba ikivi liavo, nu kwilinda ligali umwene avuli kwononywa ni ivindu vie kivala.