Vikolwa 4:29 - KITABU KITAKATIFU

²⁹ Navuzwa kalunu, Mwami, henza ku litihiza liavo lia vamali kokora, ukuvugiliri kunyi avatumikiri vovo kwilwaze likuva liilio nu vuluviliri vwosi.

Vikolwa 4:29 Iomraidhean Croise

Isaya 58:1

Yahova avoora, “Hanzuka vudinyu ligali kuli unyala! Kuba ulwanga kuli kisiriva! Wilwaziri avandu vange - Isiraeli mahiolo gaavo. Volera visukululwi via Yakobo uvwoni vwavo.

Isaya 63:15

Yahova, ohenze ku kunyi kutura mwigulu, uwa omenya mu vutakatifu kandi mu vukumi vuvwo. Lihendera kunyi mwoyo liilio linene liveeye haliha? Zinguru zizio ziveeye haliha? Uvuyanzi vuvwo ni zimbavasi zizio ziveeye haliha? Utahuhiza kunyi mba.

Lisyoma lya Jeremia 3:50

Kuduuka lwa Yahova ahenza hasi kutura mwigulu ma akolole.

Lisyoma lya Jeremia 5:1

Avandu va Jerusalemi vasaala: O, Yahova, wizulizi agaamali kokoleka ku kunyi. Ohenze okohenze ma olole zisoni zietu.

Ezekieli 2:6

“Navuzwa ivi, Mwana wu Mundu, utavatia, anoho utatia gavavoraa mba. Utatia mba, kali niiva vigunzanguva kandi amafa vikukumberizi kandi kali niiva omenyi hagati hi zinzoka. Utatia vandu vibaali yavo anoho kindu choosi chavavolaa mba.

Danyeli 9:18

Nyasaye hulira lisaala lietu, henza ku vudinyu vwa koveeye navwo, kandi vusaliri vwi lidaala liilio. Kusaala ku ivi kigira oveeye wi zimbavasi, navuzwa si gaveeye kigira kokora uvulungi mba.

Mika 3:8

Navuzwa, ku lwa inzi, Yahova yizuliza mu inzi Roho weve kandi zinguru zizie, kandi yambeza likalaga liu vulungi nuvuluviliri ukwilwazira avandu va Isiraeli vwoni vwavo.

Vikolwa 13:46

Navuzwa Paolo na Baranaba vamoloma nu vuluviliri vonene, nivavoora, “Liali linigwa likuva lia Nyasaye litange kuduuka ku munyi; navuzwa, kigira mulisuuyi, nu kwelola simuduukana ni livamwoyo litahera mba, heenzi, kunyi koleka munyi nu kuzia ku avandu vi Zihiiri zindi.

Vikolwa 14:3

Kunangwa Paolo na Baranaba vazizagilira komenya yo ku ing'inga indambi ni vilwaza nu vuluviliri makuva gu Mwami Yeso. Mwami naye yalolekiza agiligali gi likuva lia vilwaza, lie zimbavasi zizie, ku livaha zinguru zio kokora vilolekizu kandi viokogenyia.

Vikolwa 19:8

Ku ing'inga yi mieli jivaga Paolo yazizaa mu lisinagogi, na amolomaa nu vuluviliri nokogoonya avandu vavugiliri amakuva gu Vwami vwa Nyasaye.

Vikolwa 26:26

Ivi mwami umanyi amakuva gi vindu yivi, kigira yaga, inzi nyara komoloma imbiri woovo vugira uvuti. Mbeeye ni lisuuvira ndi umanyi vulahi kigira likuva yili si liakolwa ahivisu mba.

Vikolwa 28:31

Yilwaza Uvwami vwa Nyasaye nu kwigiza amakuva gu Mwami Yeso Kristo nu vuluviliri, kandi vugira kwigalirwa.

Vikolwa 4:13

Lwa avakulundu vi kiyaalo valora vuluviliri vwa Petero na Yohana, vagenya ligali, kigira vamanya ndi vaveeye avandu va kazozo avatali ni lisoma liosi. Kandi vamanyiriza ndi avandu yava vaali harara na Yeso.

Vikolwa 4:21

Kunangwa, avakulundu vi kiyaalo vavatihiza nukuviganihiza vudinyu, mani vavalakuula. Valora ndi nivudinyu ligali kuvaha amageri, kigira avandu vosi vaali ni vizominyaa Nyasaye kigira kekolwa yicho.

Vikolwa 4:31

Lwa vamala kusaala, havundu ha vavuganira harara hadegerizwa. Vosi vizura Roho Mutakatifu kandi ni vatanga kwilwaza likuva lia Nyasaye nuvuluviliri.

Vikolwa 9:27

Kunangwa Baranaba yaza navugura Saolo, naamuhira ku vatumwa, naviivalira kuli Saolo yalora Mwami kunzira, kandi kuli Mwami yavolerana naye. Yavavolera kuli yalora Saolo niyilwaza nuvuluviliri mu Damasiko.

Vikolwa 9:28

Maku Saolo yamenya harara navo, na avodong'anaa mu Jerusalemi mwosi ni yilwaza likuva liu Mwami vugira uvuti.

1 Vakorintho 14:13

Kunangwa oyo omoloma mu lulimi logeni, kuduuka asaale anyoore zingulu ziu kwivaala agaavoola.

2 Vakorintho 3:12

Kigira koveeye ni lisuuvirizwa kuli yili, kunyi koveeye nuvuluviliri ligali mu limoloma.

Vafilipi 1:14

Livofwa liange muvuhambe limali kuhaana lisuuvira linyingi ku vamiitu vange mu Mwami kandi vave nuvuluviliri ligali mu lilwaza ilikuva lia Nyasaye vugira uvuti.

1 Vatesalonike 2:2

Munyi mumanya kuli kwaali ni kusaliriziywi kandi ni konyegeywi mu Filipi nikukiri kuuza ku munyi mu resalonike. Kali niiva vuhing'ani vonene vwali ho, Nyasaye wiitu yakuha uvuluviliri kumuvolera Ivangeri yeeye.