Vikolwa 4:13 - KITABU KITAKATIFU

¹³ Lwa avakulundu vi kiyaalo valora vuluviliri vwa Petero na Yohana, vagenya ligali, kigira vamanya ndi vaveeye avandu va kazozo avatali ni lisoma liosi. Kandi vamanyiriza ndi avandu yava vaali harara na Yeso.

Vikolwa 4:13 Iomraidhean Croise

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Matayo 26:71

Lwa yaali natura ichova mu kiliango chu mugizi, mutumikiri mukaana wundi yamulola navolera avandu vasaza vaali ho, “Mundu uyu ligali yaali harara na Yeso wa Nazareti.”

Matayo 26:73

Ing'inga engekeeke, avandu vasaza avaari nivasingiyi ho vaza ku Petero ni vamuvolera, “Agiligali ivi oveeye mulala kuvo kigira livoora liilio limanyia ndio.”

Luka 22:8

Yeso yatuma Petero na Yohana, namalago yaga, “Muzie mukolombere lisavo lie Lipasaka nakunyi kuduuki kulia.”

Yohana 19:26

Lwa Yeso yalora mama weve, kandi, ahimbi naye, nasingiyi mwigizi wa yayanza, yavolera mama weve, “Mama uyu nu Mwana woovo.”

Yohana 7:15

Kunangwa, avanene va Avayuda vagenya ligali, nivavoora, “Mundu uyu anyoora hayi vogeri, naye siyasooma mba?”

Yohana 7:49

Nitali kiduma yiki kitamanyi Lilaga lia Musa Nyasaye umali kukilaama!”

Vikolwa 4:14

Navuzwa lwa valora mundu wahonywa uyu nasingiyi harara navo, si vaali vanyara kovora kindu choosi mulihing'ana mba.

Vikolwa 4:19

Navuzwa Petero na Yohana vavativulira, “Kalagi munyi aveene niiva agaveeye malungi imbiri wa Nyasaye, kutia munyi anoho kutia Nyasaye.

Vikolwa 4:29

Navuzwa kalunu, Mwami, henza ku litihiza liavo lia vamali kokora, ukuvugiliri kunyi avatumikiri vovo kwilwaze likuva liilio nu vuluviliri vwosi.

Vikolwa 4:31

Lwa vamala kusaala, havundu ha vavuganira harara hadegerizwa. Vosi vizura Roho Mutakatifu kandi ni vatanga kwilwaza likuva lia Nyasaye nuvuluviliri.

Vikolwa 9:27

Kunangwa Baranaba yaza navugura Saolo, naamuhira ku vatumwa, naviivalira kuli Saolo yalora Mwami kunzira, kandi kuli Mwami yavolerana naye. Yavavolera kuli yalora Saolo niyilwaza nuvuluviliri mu Damasiko.

Vikolwa 9:28

Maku Saolo yamenya harara navo, na avodong'anaa mu Jerusalemi mwosi ni yilwaza likuva liu Mwami vugira uvuti.

1 Vakorintho 1:27

Navuzwa Nyasaye yatovola ivindu vie lirova liganaganaa kuva uvusiru, aduuki kuhaana zisoni ku vageri. Nyasaye yatovola ivindu vie lirova liganaganaa kuva videdekere aduuki koleganyia yavo avaveeye nizinguru.

1 Vakorintho 14:25

Agaviswa gu mu mwoyo mwimwe galaloleka havulavu, naye alasigama nu kusaala Nyasaye nokovoora, “Agiligali Nyasaye aveeye hagati hinyu!”

2 Vakorintho 3:12

Kigira koveeye ni lisuuvirizwa kuli yili, kunyi koveeye nuvuluviliri ligali mu limoloma.