Vikolwa 4:1 - KITABU KITAKATIFU

¹ Petero na Yohana vaali nivakamoloma ku vandu wa avalala ku vasaalisi, munene wa valindi vi Litembeli, kandi avalala ku Avasudukayo vaduuka.

Vikolwa 4:1 Iomraidhean Croise

Matayo 16:12

Aviigi vamanya ndi siyavavolera vagerihi ku mamera gi milaango ji migadi mba, navuzwa vagerihi ku amigizu ga Avafarisayo na Vasadukayo.

Matayo 22:16

Kunangwa, vaatuma kuye valala ku aviigi vaavo harara na avasangi vu muganda gwa Herodi. Vamuteeva, “Mwigizi, kumanyia ivi oveeye umundu wiligali, kandi wigiza uvulariri vwa Nyasaye mu agiligali. Ivi siutiizaa mundu woosi mba, kigira ovonene vwu mundu anoho iligondo si viveeye ikindu ku ivi mba.

Matayo 27:20

Navuzwa avasaalisi vanene na vakulundu vavoolera avandu vateeve Baraba avoholorwi, na Yeso yiitwi.

Matayo 27:41

Avasaalisi vanene harara na avigizi vi Lilaga kandi avakulundu navo vamukolera ekehenyahenye nivavoora,

Matayo 3:7

Navuzwa lwa Yohana yalora Vafarisayo na Vasadukayo vanyingi ni vazaa kuye avabatizi, yavavolera, “Munyi avana vi zinzoka! Nivwaha uwaamugerihiza mwiruki vutima vwa Nyasaye vuzaa?

Luka 20:1

Lidiku lilala, lwa Yeso yaali ni yigizaa avandu mu Litembeli kandi niyilwaza Ivangeri, avasaalisi vanene, na avigizi vi Lilaga harara na vakulundu vaza kuye.

Luka 22:4

Kunangwa Yuda yatura ho nazia kovolerana na Vasaalisi vanene kandi na valindi vi Litembeli kuli yaali anyala kuzaama Yeso kuvo.

Yohana 15:20

Mwizurizi likuva lia ndamuvolera: ‘Mutumwa siaveeye munene ligali kuvita mwami weve mba.’ Niiva vadambiza inzi, valadambiza munyi kandi; niiva vahulira likuva liange, valahulira lienyu kandi.

Yohana 18:3

Kunangwa, Yuda yavugula muganda gwa avasikari va varumi na avalindi valala vi Litembeli avatumwa na Avafarisayo, navasaalisi nivaveeye nizitaaya, zimuri ni viugi.

Vikolwa 4:6

Vavugana harara na Anasi, Musaalisi Munene na Kayafa, Yohana, Alekisanda na avandi vosi avaari ku vinyumba yu Musaalisi Munene.

Vikolwa 5:17

Maku, Musaalisi Munene na avache veve, avasangi vumuganda gwa Vasadukayo vahene yaho, vakendekera avatumwa ligali.

Vikolwa 5:24

Lwa vasaalisi vanene kandi munene wa valindi vi Litembeli vahulira makuva yaga, vaali ni ligenya linene, ni vavura kumanya ichekoleki ku avatumwa.

Vikolwa 5:26

Kunangwa munene wa valindi vi Litembeli harara na avasikari veve vazia mu Litembeli, navaleeta. Sivavagumira ni zinguru mba, kigira vaatia gase avandu valavalasa na magina.

Vikolwa 6:12

Munzira yiyi vagemehiza avandu, avakulundu na avigizi vi Lilaga. Maku vazia ku Sitefano, ni vamugumira, kandi ni vamuhira imbiri wi kiyaalo kenene.

Vikolwa 6:7

Likuva lia Nyasaye liazizagilira kulaanda. Livaliza lia vandu avasuuviraa vameedeka ligali mu Jerusalemi; kandi avasaalisi vanyingi vavugilira lisuuvira yili.