Vikolwa 28:3 - KITABU KITAKATIFU

³ Paolo yateenya lukanya lokekeeke lwi zingu naziviika mu muliru. Kigira uvuhiu vwu muliru, enzoka yatura mu zingu niyevohanyila ku mukono gwa Paolo nihanda ku.

Vikolwa 28:3 Iomraidhean Croise

Ayubu 20:16

Ichu mudamanu anuunaa keveeye kuli uvusungu vwe enzoka; na liluma lie kihiligoma lilamwiita.

Isaya 30:6

Yili ni Likuva lia Nyasaye ku zinyama zimenyi mu changarangwi chi Isavaalu kilangwa Negebu, “Avatumwa vagenda kuvitira mu vivara viveeye nu vuhimwa, wi Zisimba zimenyaa kandi wi Vihirigoma kandi Zinzoka ziburukaa ziuvusungu zimenyaa. Avatumwa yava vagingira uvutugi vwavo ku zibunda kandi zing'amia kuhilira ihiiri itaveeye novokonyi kuvo.

Isaya 41:24

Munyi simuveeye kindu mba, kandi viosi via mukoraa viveeye vuzwa. Vosi avamusigamiraa vaveeye vu kuvihiliriza.

Isaya 59:5

Mwalulaa mavuyu gi kihiligoma, nukunava miluvu ji zimbuvi. Oyo uliizaa mavuyu gazio alakuza, na nigatanywa zinzoka ziu vusungu zitulaa mu.

Amosi 5:19

Lilakave kuli mundu wiruka isimba, ma yagana ni iduba! Noho kuli mundu wingiraa munyumba yeeye ma adiira mukono gwigwe ku lidigi, navuzwa enzoka imuluma!

Matayo 12:34

Munyi avana vi zinzoka! Munyala kovora ndi ivindu vilahi, lwa muveeye avadamanu? Kigira munwa govoora amakuva gizuyi mu mwoyo.

Matayo 23:33

Zinzoka munyi! Avana vi vihirigoma munyi! Mu lihononoka ndi ku likalagirwa liu muliru gwe gehena?

Matayo 3:7

Navuzwa lwa Yohana yalora Vafarisayo na Vasadukayo vanyingi ni vazaa kuye avabatizi, yavavolera, “Munyi avana vi zinzoka! Nivwaha uwaamugerihiza mwiruki vutima vwa Nyasaye vuzaa?

Marko 16:18

Niiva valagumira ku zinzoka anoho ni vanwa ikindu choosi chukwita, sikilavasaliriza mba. Valaviika amakono ku valwaye, navo valahona.”

Vikolwa 28:2

Avandu va hene yaho vaali avalahi ligali ku kunyi. Imbura yaali nitangi kukuba, kandi vukindu vwali ku; vafaana muliru nivakwingiriza.

Vikolwa 28:4

Lwa avandu vahene yaho valora enzoka yeyo yeleraa ku mukono gwigwe, vavolerana aveene, “Ligali mundu uyu nu mulumindi na kali niiva ahononokaa kutura mu inyanza, munyasaye ulangwa, ‘Vulungi’ sivulamuleka azizagiliri kuva mwoyo mba!”

2 Vakorintho 11:23

Yavo vaveeye avatumikiri va Kristo? Inzi mbeeye mutumikiri mulahi wa Kristo ligali kuvavita; mboraa yaga kuli umulalu. Mali kuyinzira vudinyu ligali mali kuvikwa mu vuhambe haali kanyingi. Mali kukuywa haali kanyingi ligali, kandi mali kuva ahimbi ku likuza vuli ing'inga.

2 Vakorintho 6:9

Koveeye kuli avatamanyikani, navuzwa kwamanyikana vulahi vosi; kuli avakwaali ni kwakuza, navuzwa munyi muloraa kunyi kuli koveeye mwoyo. Kali nikoheevwa amageri, sikwitwaa mba;