Vikolwa 27:4 - KITABU KITAKATIFU

⁴ Kutura ahene yaho kwazizagilira no logendo, navuzwa kigira imbuza yaali nihuzaa vudinyu imbiri witu, kwavitira kolovega lwi kisulu cha Saipurasi, kigira imbuza inyingi si yaali yo mba.

Vikolwa 27:4 Iomraidhean Croise

Matayo 14:24

Ing'inga yene yeyo, liato liali ni limali kuduuka ihale hagati hinyanza ni lihunzulanyianywa yiyi na yiyi ni viguvuli kigira imbuza enene yahuuza nukuligoyaanyia.

Marko 6:48

Yalora aviigi veve nivanyang'anaa kuhila iliato kigira imbuza yaavahunzulanyia yiyi na yiyi. Lwa vwali nivuchezaa, hagati hi zisa tisa ni zisa likomi na ziviri zia mugamba, Yeso yazia kuvo na agendaa ku mazi ni yenya kuvavita.

Luka 8:22

Lidiku lilala Yeso yavolera aviigi veve, “Hambi kuzie engeleka, ku lovega lundi lwinyanza.” Ma vanina mu liato nivatanga kuzia.

Vikolwa 13:4

Lwa Baranaba na Saolo vaali nivakatumwa na Roho Mutakatifu vasulunguta kuduuka Seleukia; kutura uwene yeyo vanina mu liato nivazia mu kisulu chinyanza ichalangwa Saipurasi.

Vikolwa 15:39

Maku vaali na mahangali manene hagati haavo, kuduuka nivavukana. Baranaba yavugula Mariko, nivaniina mu liato nivazia Saipurasi.

Vikolwa 21:16

Avalala ku vandu vasuuvira kutura Kaisaria vazia harara ni kunyi, nivakuhila munyumba ya Munasoni wa kwaaziza komenya naye ku ing'inga iduuki. Munasoni yaali mundu Saipurasi, yaali mundu wasuuvira ku madiku manyingi.

Vikolwa 21:3

Lwa kwamala kuduuka ha kwalola kivala cha Saipurasi, kwavitira lovega lwacho lwi savaalu nikuzia Siria. Kwikira Tiro wi liato lienya kwikiza misigo jialio.

Vikolwa 27:7

Kwazia galaha madiku manyingi, nuvudinyu vonene na inyima kwaduka mu lidaala lia Nido. Kigira imbuza yaali nikikwigalira, kwazizagilira imbiri, nikuvitira lovega lwa Kerete ahimbi Salimoni, kigira imbuza inyingi si yaali yo mba.

Vikolwa 4:36

Yaali ho nu mundu mulala wi ihiiri ya Levi, walangwa Josefu, waali niyivulirwa Saipurasi wa avatumwa vagulika Baranaba, iliveeye kovora, “Mundu wo koleminya mioyo.”