Vikolwa 26:8 - KITABU KITAKATIFU

⁸ Kigira ki munyi muloraa ni vudinyu kandi siganyalika ligali kusuuvira ndi Nyasaye asimugukizaa avakuzu?

Vikolwa 26:8 Iomraidhean Croise

Litanga 18:14

Inzi mbeeye Yahova! Sihaveeye ho ni kindu keveeye kidinyu ku inzi mba. Ndirana muhiga guuzaa kuli mali kulaga, na Sara alakave naveeye nu mwana muyaayi.”

Luka 1:37

Kigira ku Nyasaye, si keveeye ho kindu ikitanyalikaa mba.”

Luka 18:27

Yeso yamutivulira, “Agatanyalika ku avandu, ganyalika ku Nyasaye.”

Vikolwa 23:6

Navuzwa lwa Paolo yalora ndi kiduma kilala nicha Avasadukayo ni ikindi cha Avafarisayo, yahanzuka imbiri wi kiyaalo navoora, “Avaamitu vange, inzi nu Mufarisayo, umwana wu Mufarisayo. Inzi mali koleetwa mu kiyaalo kigira lisuuvira liambeeye nalio ndi avakuzu valakasimuguki.”

Vikolwa 25:19

Nitali vaali vuzwa na mahangali lugano lugano ku lisuuvira liavo, nu ku mundu mulala ulangwa Yeso wakuza, navuzwa wa Paolo avoora aveeye mwoyo.

Vikolwa 4:2

Vavihilirwa ligali kigira avatumwa vaviri yavo vaali nivigiza kandi ni vilwazira avandu ndi Yeso yasimuguka kutura mu vakuzu, amakuva gamanyia havulavu ndi avakuzu valakasimuguki.

1 Vakorintho 15:34

Mwirane mu zing'anagani zienyu zinuungi kandi muleke kokora vwoni kazozo. Valala ku munyi simumanyi Nyasaye ligali mba. Mboraa yaga, ku muviika mu zisoni!

Vafilipi 3:21

Alakagirung'anyie imiviri jietu midedekere yiji nukujikola kuva kuli umuviri gwigwe umwene gwu vukumi; Alakatumikiri zinguru yizio koleta ivindu viosi isi wu vwamihi vwivwe.