Vikolwa 26:29 - KITABU KITAKATIFU

²⁹ Paolo yamutivulira, “Saalaa Nyasaye, ndi, mu ing'inga inyimbi anoho indambi, siaveeye ivi weng'ine, navuzwa vosi avambulirizaa lero, vaduuki kuva kuli inzi mbeeye, nitali vugira minyororo yiji.”

Vikolwa 26:29 Iomraidhean Croise

2 Samweli 18:33

Mwami Daudi yiizurwa nekevelera. Yanina kuduuka mu keng'oze keveeye kunzira yikirivwa. Lwa yaali nazizaa, yalira, “O, muyaayi wange! Muyaayi wange Abisolomu! Abisolomu, muyaayi wange! Ngano ninzi ukuzi mu vogono vuvwo muyaayi wange! O, muyaayi wange Abisolomu!”

2 Avami 5:3

Lidiku lilala, yavolera mukali wa Naamani “Ndakayanzi munene wange azie ku muporofeti umenyaa mu Samaria. Anyala kumuhonyia uvulwaye vwivwe.”

Kutwula 16:3

ni vavavolera, “Vwali vove vulahi Yahova alakwitira mu Egebeti. Uwene yeyo kwaali kwakikaaye hasi nukulia zinyama ni viukulia vindi vinyingi. Navuzwa munyi mukoleti mu changalangwi yiki kwosi kukuziri mu ninzara?”

Jeremia 13:17

Niiva simulahulira, inzi ndakaliri mu vwivisu kigira liegingira lienyu ndakaliri nuvululu kandi maliga gange galakidoreke, kigira avandu va Nyasaye vamali kuhirwa ihale mu avahambe.

Jeremia 38:20

Inzi ndaavoora, “Ivi siulavikwa mu zinguru zia avandu va Babiloni mba. Ngogonya utie likuva lia Yahova; hene yaho, goosi galava amalahi ku ivi, kandi ulava mwoyo.

Livalidza 11:29

Musa yativura, “Oveeye nilikendeka kigira inzi? Ndakayanzi niiva Yahova yakaviiki Roho weve ku vandu veve vosi nukuvakola vosi avaporofeti!”

Yohana 5:34

Sigaveeye nyenya lilolekiza lia avandu, navuzwa mboraa yaga kunangwa muduuki kohonywa.

Vikolwa 12:6

Vudiku yivwo, Herodi nakikiri kutuliza Petero muvuhambe amuleete mu kiyaalo aduuki kuyaalizwa, Petero yaali naagoni hagati ha avasikari vaviri. Yaali navoheywi ni minyororo giviri, kandi avalindi vaali nivalindi vulahi kiliango chu muvuhambe.

Vikolwa 21:33

Munene wu muganda yazia ku Paolo namugumira, nalaga avofwi ni minyororo giviri. Maku yateeva, “Mundu uyu ni vwaha, kandi akoli ki?”

Vikolwa 25:14

Nivakamenyayo madiku manyingi, Fesito yavolera mwami makuva gi liyaalwa lia Paolo: “Mundu mulala aveeye hano wa Felikisi yaleka mu vuhambe.

Varumi 10:1

Avaamitu vange, nzegomba numwoyo gwange gwosi avandu vange Isiraeli vanyoore vohonyi! Mbasaaliraa ku Nyasaye!

1 Vakorintho 4:8

Kandi ndio, mwamala konyoora vindu viosi via mwenya? Mwamala kugwa avatugi? Mumali kuva vami? Kali niiva sikoveeye vulahi, ndakayanzi niiva mwakaveeye avami, kunangwa kove vami halala ni munyi.

1 Vakorintho 7:7

Ndakayaanziliyi ndi munyi vosi muve kuli inzi mbeeye. Navuzwa mundu sa mulala aveeye ni kihanwa chiche kidukiru umwene kutura ku Nyasaye, umundu mulala kihanwa yiki, na wundi kihanwa kila.

2 Vakorintho 11:1

Ndakayanzi mwikuziri ninzi kali niiva mbeeye musiru. Mwaza yikuziri.

Vafeso 6:20

Kigira Ivangeri yiyi inzi mbeeye mutumwa kali niiva mbeeye muvuhambe kalunu. Musaliri nduuki kugevoola novuluviriri mu lilwaza Ivangeri kuli gandukira kovora.

Vakolosai 1:28

Kunangwa kwilwazaa Kristo ku vandu vosi kutumikira vogeri vwosi kuviganihiza kandi kuvigiza, kuduuki koleta vuli mundu imbiri wa Nyasaye, kuli mundu muduukiru mu Kristo.