Vikolwa 26:20 - KITABU KITAKATIFU

²⁰ Navuzwa ndatanga kwilwaza ku avandu va Damasiko, inyima ku ava Jerusalemi ni kivala choosi chi Vuyuda, kandi ku Avizihiiri. Ndaavilwazira vaduuki kwiganira kandi, viraniri Nyasaye nu kumanyia mu vikolwa viavo ndi vamali kugirung'anywa mu mioyo jaavo.

Vikolwa 26:20 Iomraidhean Croise

Zaburi 22:27

Zihiiri ziosi zielirova valizuliza Yahova. Valagirung'ana kuyeeka kuye kutura havundu hoosi mu lirova avandu vizinimi ziosi kulirova valasigamira Yahova.

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Jeremia 18:11

Kunangwa kalunu, ovoolere avandu vi Ivuyuda na Jerusalemi ndi ndohizaa zing'anagani ziukuvingilila kandi nzetegekaa kuvaha amageri. Uvavoolere valeke komenya muvwoni - vagirung'anyie zinzira ziavo ni vindu viavakola.

Jeremia 35:15

Nzizagilira kumutumira avaporofeti avatumikiri vange vosi, kandi vamali ku muvooleraa muleke likora lienyu liuvuchamu na mukore agaveeye malungi. Vaamwiganihizaa kuvula kusigamira nukutumikira avanyasaye vandi, kunangwa muzizagiliri komenya mukivala cha ndamuha navaaguuga vinyu. Navuzwa simwahulira inzi mba.

Lisyoma lya Jeremia 3:40

Leki kogelizi kandi kwehenzelizi zinzira zietu, kandi kwirane ku Yahova!

Hosea 12:6

Kunangwa munyi visukululwi via Isiraeli, musuuviri mu Nyasaye winyu kandi mwirane kuye. Muve avasuuvirifu kandi vilikalaga lirungi, ma ku mulindiliri Nyasaye winyu kazozo.

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Matayo 3:2

“Mwiganiri, kigira Uvwami vwu mwigulu voveeye ahimbi.”

Matayo 3:8

Gamudukira mukore ivikolwa vimanyia ndi mumali kwiganira.

Matayo 4:17

Kutura ing'inga yeyo, Yeso yaatanga kwilwaza navoora, “Mwiganiri, kigira Uvwami vwu mwigulu voveeye ahimbi!”

Matayo 9:13

Muzie kwiga kivuni cha amakuva yaga: ‘Nyenya zimbavasi, si nyenya visiuviliru mba.’ Sindaaza kulanga avandu avalungi, navuzwa avoni.”

Marko 6:12

Kunangwa vaatura ni vilwazira avandu vaduuki kwiganira.

Luka 1:16

Aliranyia avanyingi ku avandu va Isiraeli ku Mwami Nyasaye wavo.

Luka 13:3

Muvooleraa sigaveeye ndio mba; navuzwa munyi nimutiganira mulakuza mwosi kuli ndio kandi.

Luka 13:5

Muvooleraa, sigali ndio mba; navuzwa munyi nimutiganira, mulakuza kuli ndio kandi!”

Luka 15:10

Kunangwa muvooleraa, nindio zingelosi va Nyasaye valisangala kigira kwiganira kwu mundu mwoni mulala.”

Luka 15:7

Kunangwa muvooleraa, munzira ndala nzere vulakave uvuyanzi vunyingi mwigulu mwoni mulala uwiganiyi kuvita avandu tisaini na tisa avaloleka avalungi, avatenyaa lieganira.

Vikolwa 11:18

Lwa vahulira yaga, valeka amahangari gaavo, ni vizominya Nyasaye, vavoola, “Nyasaye umali kuhaana ku vandu vi Zihiiri zindi vwiyangu vwu kwiganira no konyoora livamwoyo!”

Vikolwa 15:19

“Kulwayago, likalaga liange ni yili, kutanyangiza Avizihiiri avagirung'ana kuuza ku Nyasaye.

Vikolwa 17:30

Nyasaye yayivilira zing'inga ziavandu vavura, kumumanya, Navuzwa kalunu, alaangaa avandu vosi, havundu hoosi, viganiri.

Vikolwa 2:38

Petero yavativulira, “Mwiganiri mwosi, mubatizwi mu lieta lia Yeso Kristo, musamiifwi uvwoni vwinyu, kandi mulanyola kihanwa cha Roho Mutakatifu.

Vikolwa 20:21

Ndiganihiza avandu vosi Vayuda, na vandu vi zihiiri, viganiri ma viirane ku Nyasaye, nu kusuuvira Mwami wiitu Yeso Kristo.

Vikolwa 26:17

Ndakohonyia ku avandu va Isiraeli nu ku vandu vi Zihiiri, avandikutuma ku

Vikolwa 26:19

“Ku lwa yago, O, Mwami Aguripa, sindahangaliza amalola gu mwigulu yago mba.

Vikolwa 3:19

Kulwayago mwiganiri, kandi mwihaane ku Nyasaye, kunangwa aduuki kumusamiiha uvwoni vwinyu. Niiva mukora ndio,

Vikolwa 9:15

Navuzwa Mwami yamuvolera, “Zia vuzwa, kigira ndovoye uyu ave kiju change, yiilwaaze lieta liange ku zihiiri na avami vaavo, kandi ku avandu va Isiraeli.

Vikolwa 9:35

Vosi avamenya mu Liida nu mu Saroni valora Aineya, navo vosi vagirung'ana nivazia ku Mwami.

Varumi 2:4

Anoho hawundi uchayaa zimbavasi zizie, uvwikuzihizi kandi uvwikuziri vwivwe. Ivi siumanyi ndi Nyasaye nuwizimbavasi kigira yivu vwenya koleta kuivi ligerizaa kukwimilira onyoore lieganira.

2 Vakorintho 3:16

Navuzwa, ing'inga yu mundu agirung'anaa kuuza ku Mwami, ikitambaya yicho kitulizwaho.

2 Vakorintho 7:10

Vovereri vwa Nyasaye voletaa lieganira liu mwoyo kuduuka kovohonyi, navuzwa sivoleetaa liverera mba! Navuzwa ovovereri vwu mundu, voleta ilikuza.

Vafeso 4:17

Mu lieta liu Mwami, nziganihizaa munyi ndi: Mutazizagilira komenya kuli avandu vatamanyi Nyasaye mba vamenyaa mba; aviziganagani ziavo zindamanu ziveeye izia vuzwa

1 Vatesalonike 1:9

Avandu yavo vosi vamoloma kuli mwakwingiriza hagati hinyu lwa kwamugeniha. Kandi kuli mwaleka vifananyi nukuzia ku Nyasaye, kandi kutumikira Nyasaye wa giligali oveeye mwoyo,

Likunula 16:11

Kigira uvusaliri, ni lizuunwa lie zingwagu ziavo, vaanyega Nyasaye wu mwigulu, navuzwa siviganira mba.

Likunula 2:21

Mali kumuha vwiyangu aduuki kwiganira ovoheyi vwivwe, naye siyenya kwiganira no koleka ovoheyi mba.

Likunula 2:5

Wizulizi ha watura niwaguluka. Wiganiri na oleke uvwoni vuvwo, ma wirane kokora miyinzi ja wakola mulitanga. Niiva si uliganira, ndaaza ku ivi vwangu, nu kutuliza ikinara chicho chi zitaya aha keveeye.

Likunula 3:3

Kunangwa wizulizi amigizu agiligali ga wavugula, kandi agawahulira nu kwiganira. Navuzwa nuvula kulinda nu kusaala, ndaaza ku ivi kuli umwiivi, na ivi siulamanya ing'inga ya nziza ku ivi mba.