Vikolwa 26:2 - KITABU KITAKATIFU

² “Mwami Aguripa, ndolaa mbeeye ningavi lero kovora makuva gange imbiri woovo ku vindu viosi via Vayuda vanzaliraku.

Vikolwa 26:2 Iomraidhean Croise

Zaburi 119:46

Inzi ndalandiza amalago googo imbiri wa vami, Kandi si ndava ni zisoni mba.

Matayo 10:19

Lwa valimuhila mu viina kumuyaara, mutakahende mioyo ku aga mulitivula anoho kuli mulivoola; kigira ku ing'inga yeyo, mulakahevwe aga mulivoola.

Luka 12:11

“Lwa valimuhila imbiri wamasinagogi ni imbiri wa avami vanene, mutava nilihenda mwoyo kuganagana icha mulitivula, anoho icha mulivoola mba.

Luka 21:12

Navuzwa imbiri wi vindu yivi nivikikiri kwekoleka, valamugumira nukumudambiza. Valamuzaama nukumuyaala ku vanene va masinagogi kandi muvofe mu vuhambe. Mulahilwa imbiri wa avami vanene na avamihi kigira lieta liange.

Vikolwa 25:26

Inzi, simbeeye na makuva giligali aga nyara kong'odera Kaisari kolondekana na Paolo mba. Yiki nicho kivuni kigiri muleeti hano imbiri winyu, kandi imbiri woovo Mwami Aguripa, ninyenyaa ndi namali kuyavirwa, nyoore likuva lia nyara kong'oda.

Vikolwa 26:1

Maku, Aguripa yavolera Paolo, “Oveeye nu munwa kovora makuva googo mwene.” Kunangwa Paolo yanyira mukono gwigwe navoora makuva geege kuli ndi:

Vikolwa 26:19

“Ku lwa yago, O, Mwami Aguripa, sindahangaliza amalola gu mwigulu yago mba.

Vikolwa 26:26

Ivi mwami umanyi amakuva gi vindu yivi, kigira yaga, inzi nyara komoloma imbiri woovo vugira uvuti. Mbeeye ni lisuuvira ndi umanyi vulahi kigira likuva yili si liakolwa ahivisu mba.

Vikolwa 26:3

Mbitilira kigira ivi mwene wamanya miima ja Vayuda na makuva gaavo gu kuvula kuhulirizana mu limenya liavo. Yiki nicho kigira ningogoonya umbulirizi mu vwikuziri.

Vikolwa 26:7

Lilagana liene yilio nilio lie zihiiri zietu likomi na ziviri lwa vasuuvira konyoora nivasigamiraa Nyasaye nu mwoyo gwosi umbasu nu vudiku. O, Mwami, Avayuda vanzaala kigira lisuuvira yili!