Vikolwa 26:16 - KITABU KITAKATIFU

¹⁶ Navuzwa kalunu vuka, singira vulungi. Inzi mali kololeka ku ivi nikivuni nduuki kokokola ove kuli mutumikiri wange. Ulavoolera avandu vandi vindu via ololi ku inzi lero, ni via ndikumanyia.

Vikolwa 26:16 Iomraidhean Croise

Ezekieli 2:1

Mundu uyu yambolera, “Mwana wu Mundu, singira nyenya komoloma ku ivi.”

Danyeli 10:11

Engelosi ya mbolera, “Danieli, Nyasaye yakuyaanza. Si ngila kandi uhulirizi vulahi ku ganzizaa kovora. Inzi mali kutumwa kuivi.” Lwa yaali yakamala kovora yaga, ndasingira vulungi, navuzwa ndaali ningikiri mu lidegera.

Luka 1:2

Vang'oda ivindu via kwavolerwa na yavo avaari avaloli va moni na moni vi vindu yivio kutura mulitanga, kandi avilwaazi vi likuva yilio.

Vikolwa 1:17

Yuda yaali mulala ku kunyi, kigira yatovolwa asange ni kunyi mu vutumwa vwitu.”

Vikolwa 1:25

avuguli vwiyangu uvwu vutumiki vu vutumwa yivu, vwa Yuda yaleka, nazia ha yenyeka ave.”

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vikolwa 21:19

Lwa Paolo yamala kuvacheliza, yavavolera amakuva goosi ga Nyasaye yaali niyaakola hagati hi zihiiri kuvitira mu vutumiki vwivwe.

Vikolwa 22:10

Ndateeva, ‘Ngola ki, Mwami?’ Mwami yambolera, ‘Vuka uzie Damasiko; na ulavoolerwa vindu viosi via Nyasaye yenya okole.’

Vikolwa 23:11

Uvudiku vwalonda ku; Mwami Yeso yasingira himbi na Paolo navoora, “Uleme mwoyo, kandi uluviliri; kigira kuli ulolekizi inzi mu Jerusalemi ulandolekiza kandi mu Rumi.”

Vikolwa 26:15

Ninzi ndateeva: ‘Ivi nivwaha, Mwami?’ Nu Mwami yativura: ‘Inzi ni Yeso wa ivi udambiza.

Vikolwa 6:4

Navuzwa kunyi kulahongera mu lisaala kandi mu lilwaza likuva lia Nyasaye.”

Varumi 1:5

Kuvitira muye, Nyasaye yahaana ku kunyi zimbavasi kuva avatumwa kigira Kristo, kuduuki kwimilira nukulanga avandu vi zihiiri ziosi vaduuki kusuuvira nukutia.

Varumi 15:16

nduuki kuva mutumikiri wa Yeso Kristo ku vandu vizihiiri. Ndumikaa kuli musaalisi mu lilwaza makuva malahi kutura ku Nyasaye, ku vandu vizihiiri vaduuki kuva isadaka ivugilirwa na Nyasaye, kandi kihanwa chatakaswa na Roho Mutakatifu.

2 Vakorintho 4:1

Mu zimbavasi zia Nyasaye, umali kuhaana ku kunyi muyinzi yigu kokole, kulwayago, sikunyala kukuza mwoyo mba.

2 Vakorintho 5:18

Yivi viosi vituraa ku Nyasaye, wakuhambanyia kuye mwene kuvitira mu Yeso Kristo. Yaaha kunyi uvutumwa vwi miyinzi ju kuhambanyia vandu kuye.

Vagalatia 1:12

Sindaagenyola kutura ku mundu woosi mba, kandi sindigizwa nu mundu woosi mba. Yaali Yeso Kristo mwene wavula makuva yaga ku inzi.

Vagalatia 2:2

Ndaazia kigira Nyasaye yambolera nzie yo. Mu livugana lia aviimiliri veng'ine, ndaavivaalira makuva gi Ivangeri ya ndilwaza ku vandu vizihiiri. Ndakora ndio kigira ndeenya miyinzi jange ja ndaali nindakola kale ni ja ngolaa kalunu jivuli kwoneka.

Vafeso 3:3

Nyasaye yambulira lilohiza lilie liu mu vwivisu kandi nalikora limanyikane ku inzi. Mali kong'oda mu vwimbi amakuva yaga,

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.

Vakolosai 1:25

Kandi mali kokolwa mutumikiri wi likanisa na Nyasaye uwahaana ku inzi muyinzi gwu vulindi yigu ngole kigira uvukala vwinyu. Goveeye muyinzi gwu kwilwaza likuva lia Nyasaye.

Vakolosai 1:7

Mwiga zimbavasi zia Nyasaye kutura ku Epafura mutumwa wiitu, oveeye muyinziri musuuvirifu wa Kristo mu vwiyangu vwitu.

1 Vatesalonike 3:2

Kwatuma Timateo, amiitu wiitu kandi muyinziri wache kigira Nyasaye mu Ivangeri ya Kristo, yaaze yaho kumudinyiriza nokumukoonya mu lisuuvira lienyu.