Vikolwa 26:13 - KITABU KITAKATIFU

¹³ O, mwami, lwa ndaali kunzira mbasu hagati, ndaalora vulavu vonene kuvita uvwi liuva; vwang'ereng'ana kutura mwigulu, nivong'ereng'ana ku inzi zimbega ziosi kandi ku vandu avaari kologendo harara ninzi.

Vikolwa 26:13 Iomraidhean Croise

Isaya 24:23

Umweli gulamwama tititi, kandi liuva sililaaka kandi mba, kigira Yahova Wuvunyali alava mwami. Alamiiha mu Jerusalemi, ku kiguru cha Ziyoni, kandi aviimiliri va vandu valalola uvukumi vwivwe.

Isaya 30:26

Uvulavu vwu mweli vulakave kuli uvulavu vwi liuva, na uvulavu vwi liuva vulakamedeke haali saba kuvita kazozo, kuli uvulavu vwa amadiku saba mu lidiku lilala. Yaga goosi galakekoleke lwa Yahova avoheleraa nokohonyia zing'oma ziamali kuha avandu veve.

Matayo 17:2

Nonoho Yeso yagirung'anywa ligondo imbiri wavo. Mumoni mwimwe mwaka kuli iliuva, kandi izinguvu zizie ziahemahema kuli uvulavu.

Vikolwa 22:6

“Kunangwa, lwa ndaali ninziza Damasiko, nimbeeye himbi kuduuka yo, niyenyaa kuduuka mbasu hagati, nonoho vulavu vonene vwatula mwigulu nivong'ereng'ana ku inzi zimbega ziosi.

Vikolwa 22:9

Avache vange vandaali navo valora uvulavu yivwo navuzwa sivahulira mwoyo gwa uyu wamoloma ninzi mba.

Vikolwa 26:12

“Gaali kigira kivuni zana yiki, ndaali ku logendo ninziza Damasiko lidiku lilala, nimbeeye nu vunyali kandi na malago kutura ku vasaalisi vanene.

Vikolwa 26:14

Kunyi kwosi kwagwa hasi. Ndaahulira mwoyo nigombolera mu lulimi lwu Luheburaina: ‘Saolo, Saolo! Kigira ki undambizaa? Ivi mwene wisaliriza vuzwa niiva ulasa luvasi kuli igiriki ilasaa luvasi ku vwugi vwi imbimbu yu mwene wagituga.’

Vikolwa 9:3

Navuzwa lwa yaali naveeye ahimbi kuduuka Damasiko, nonoho uvulavu vwatula mwigulu nivong'ereng'ana kuye zimbega ziosi.

Likunula 1:16

Mu mukono gwigwe umulungi yaali ni zing'ereng'ani saba. Kivavi ichuugi izimbega ziombi chatula mu munwa gwigwe. Na mu moni mwimwe mwang'ereng'ana kuli liuva mbasu hagati.

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.