Vikolwa 26:11 - KITABU KITAKATIFU

¹¹ Zing'inga zinyingi ndavodong'ana mu masinagogi goosi ni mbakola vahevwe amageri kandi ndaageriza kuvaniga vambakane lisuuvira liavo. Uvutima vwange kuvo vwali ovonene ligali. Ndaavadambiza ligali kali kuduuka mu madaala gaali ihale.

Vikolwa 26:11 Iomraidhean Croise

Zaburi 102:8

Avasigu vange vanyega umbasu gwosi; yavo avangoleraa kehenyahenye vatumikira lieta liange mu lilaama.

Kohelethu 9:3

Vosi valanyora kivi kilala chere, yiki ni kindu kidamanu kuli vindu viekoleka mu kivala yiki. Lwa vandu vakemenyi mu kivala yiki, zing'anagani ziavo ziayizula vudamanu nu vulalu, nonoho vakuza.

Matayo 10:17

Mugerihi ku avandu, kigira valamuhira mu viina, na valamukuyila mu masinagogi gaavo.

Marko 13:9

“Munyi aveene muve avageri. Avandu valakamuzaame, nukumugumira nukumuhira mu viyaalo. Kandi valakamukuyiri mu masinagogi. Mulakasingiri imbiri wa vamiihi na avami vanene vikivala kigira inzi, muduuki kuva avalolekizi vange kuvo.

Marko 3:28

“Ligali, ligali inzi muvooleraa, avandu vanyara kusamiifwa uvwoni vwavo vwosi harara na mahiolo gaavo goosi.

Luka 15:17

Lwa yaatanga konyoora vogeri nu ukwimanya mwene, yavoola, ‘Ni vanga ku avatumikiri vababa wange aveeye navo, avaveeye nichukulia kingi na inzi hano ninguza ninzara?

Luka 21:12

Navuzwa imbiri wi vindu yivi nivikikiri kwekoleka, valamugumira nukumudambiza. Valamuzaama nukumuyaala ku vanene va masinagogi kandi muvofe mu vuhambe. Mulahilwa imbiri wa avami vanene na avamihi kigira lieta liange.

Luka 6:11

Vizura uvutima vonene ligali nivavolerana aveene icha vanyara kokora ku Yeso.

Vikolwa 13:45

Navuzwa Avayuda lwa valora viduma via avandu, vizura embodoka, nivahangaliza makuva ga Paolo yavoola, nivamunyega.

Vikolwa 18:6

Lwa vahing'ana naye nivatanga kumunyega, yavungula luguchi kutura kuzinguvu zizie imbiri wavo navavoolera, “Masahi ginyu gave ku munyi aveene. Inzi mbula imbara mu makuva yaga. Na kutura kalunu nziza ku avandu vi Zihiiri zindi.”

Vikolwa 22:19

Ndaamutivulira, ‘Mwami, yavo aveene vamanyi vulahi ligali ndi inzi niyie uwavodong'ana mu masinagogi nimboha nu kukuya vandu avasuuviraa mu ivi.

Vikolwa 22:5

Musaalisi Munene ni kiyaalo choosi cha vakulundu vanyara kondolekiza ndi mboraa agiligali. Ndaavugura zibarwa kutura kuvo, ziang'oderwa avaamitu Vayuda vache vange avaari Damasiko. Ndaazia Damasiko kugumira avandu yavo, kandi ni mbaleeta Jerusalemi nivavoheywi vaduuki kohevwa mageri

Vikolwa 9:1

Ing'inga yeyo Saolo yameda litihiza liile linene liu kwita avalondi vu Mwami. Yazia ku Musaalisi Munene,

Yakobo 2:7

Yava nivo avanyegaa lieta lilahi lia mumali koheevwa.

2 Petro 2:16

Navuzwa yagondokerwa ku vwoni vwivwe. Ibarasi yeeye yamoloma nu mwoyo gwu mundu kigira uvwoni vwivwe nu kwigalira vulalu vwu muporofeti.