Vikolwa 24:5 - KITABU KITAKATIFU

⁵ “Kunyi kumali konyoora mundu uyu kuva wikivihiri kuvita kegero, umugemehizi mu Vuyuda, mu lirova liosi, kandi mwimiliri munene wu muganda gwa Avanazareti.

Vikolwa 24:5 Iomraidhean Croise

Esther 3:8

Maku Hamani yavolera umwami, “Ihiiri ndala eveeye ho iyasalanywa mu vuli kivala cha ivi wamihaa. Amalago gaavo gaveeye lugano kutura ku aga vandu vandi. Kuvita goosi sivahulira amalago gu vwamihi mba. Kunangwa sivoveeye vulahi ivi wikuziri ku avandu yava mba.

Jeremia 37:13

Navuzwa lwa ndaaduuka mu kirivwa cha Benjamini, umundu walangwa Irija, mwana wa Shelemia mwisukulu wa Hanani, munene ulindaa avasikari vaaliho ku miyinzi, yasingiriza navoora, “Ivi ung'anyaa kuzia mu vandu va Babiloni!”

Jeremia 38:4

Maku vatumikiri vazia ku mwami ni vamuvolera, “Mundu uyu gaduukanaa yiitwi. Limoloma makuva kuli yaga liloomba avasikari mu lidaala kohenda mwoyo, kandi avoora makuva malala mere ku avandu vosi avatigara mu lidaala yili. Siagelizaa kokonya avandu mba, navuzwa agelizanga kuvasaliriza.”

Amosi 7:10

Kunangwa Amazia, Musaalisi wa Bezeli, yatuma likuva ku Jeroboamu, mwami wa Isiraeli, navoora, “Amosi akokoleeye zimbemba hagati ha avandu va Isiraeli. Limoloma lilie lilononyia kivala cha avandu va Isiraeli.

Matayo 10:25

Gaduukiraa umwigi ave kuli mwigizi weve, nu mutugwa kuli mutugi weve. Niiva valangi mwene nyumba Belizebuli, na valalanga ndi avandu vinyumba yeeye? Avandu vandi si valalangwa amita amadamanu mbitilira mba!

Matayo 2:23

Yazia komenya mu lidaala lialangwa Nazareti. Na ndio gaduukizwa makuva gavoolwa kuvitira mu vaporofeti: “Alalaangwa Munazareti.”

Marko 1:24

“Ukwenya ki, Yeso wa Nazareti? Wenyaa kukudiviza? Inzi ngumanyi vulahi vwene. Ivi oveeye mutumwa mutakatifu wa Nyasaye!”

Luka 23:19

Baraba yaali ni yavofwa kigira ligemehiza liakolwa mu lidaala kandi liita.

Luka 23:2

Vatanga kumuyaara nivavoora, “Kwanyoora mundu uyu nagirung'anyia ihiiri yitu. Yagaya avandu vavuli kutunga uvusuru ku Mwami Munene wa Rumi kandi umwene yevoola ndi aveeye Kristo, umwami.”

Luka 23:25

Yavoholora Baraba uwavofwa muvuhambe kigira ligemehiza vulwani nu vwiti. Uyu niyie wa yenya kuzinguru. Navuzwa yahaana Yeso kuvo vamukolere kuli venya.

Luka 23:5

Navuzwa vanigiliza ligali nivavoora, “Mundu uyu agemehizaa avandu na amigizu geege mu Vuyuda mwosi. Yatangila Galilaya na kalunu uduuki hano.”

Vikolwa 15:5

Navuzwa avalala ku vandu avasuuviraa avaatura ku muganda gwa Vafarisayo, vasingira nivavoora, “Gaduukiraa avandu vi Zihiiri vakevwe; kandi gadukanaa vigizwi kugumira Lilaga lia Musa.”

Vikolwa 21:28

Vahanzuka nivavoora, “Avandu va Isiraeli, kokoonyi, kokoonyi! Uyu niyie mundu wigiza avandu muvivala viosi makuva gahing'ana na vandu va Isiraeli, agahing'anaa ni Lilaga lia Musa na Havundu Hatakatifu hano. Kali kalunu umali kwingiriza avandu vi Zihiiri zindi mu Litembeli, nu kwonogonyia ahatakatifu hano.”

Vikolwa 22:22

Avandu yavo vahuliriza Paolo kuduuka lwa yavoola likuva liu kuzia ku avandu vi zihiiri. Navuzwa vatanga kuhanzuka nivavoora, “Tulizi mundu ku lirova; mundu wu lugano yilu siaduukanaa kuva mwoyo mba; mwiti.”

Vikolwa 24:14

Nitali inzi mbugilira yaga imbiri woovo: Inzi sigamira Nyasaye wa avaguuga viitu. Ku lilonda muganda gwa miigizu gumwami Yeso ugwa yavo vavoola sigoveeye gwiligali mba. Navuzwa inzi suuvira vindu viosi viang'odwa mu vitabu vie Lilaga lia Musa kandi vitabu via vaporofeti.

Vikolwa 24:4

Navuzwa vugira kukuluhiza, ngusaala, nuyanza ukuhulirizi ku ing'inga ngekeeke.

Vikolwa 25:7

Lwa Paolo yaduuka, Avayuda avaari nivatuli Jerusalemi vamukumbiriza nivatanga kumuyaara na makuva malulu ga vaali si vakanyali kovora agiligali gago mba.

Vikolwa 26:5

Vamanyi ku madiku manyingi; kandi nivakayaanzi, vanyara kololekiza, ndi kutura mu litanga ndamenya kuli mulala ku avumuganda mudinyu ligali gwi idini yitu, ndaamenya kuli Vafarisayo.

Vikolwa 28:22

Navuzwa kwegomba kuhulira kutura ku ivi mwene agaveeye mu zing'anagani zizio. Kunyi kumanyi ndi muganda gwa oveeye mu yigu, avandu vaguhangalizaa havundu hoosi.”

Vikolwa 5:17

Maku, Musaalisi Munene na avache veve, avasangi vumuganda gwa Vasadukayo vahene yaho, vakendekera avatumwa ligali.

Vikolwa 6:13

Maku valeta mu kiyaalo avaloli vo vovehi avavoora, “Mundu uyu sialekaa kovora amakuva go konyega Litembeli litakatifu, kandi Lilaga lia Musa mba.

1 Vakorintho 11:19

Mu giligali, gaduukanaa liavukana live hagati hinyu kunangwa yavo avaveeye vasuuvirifu ku Nyasaye vaduuki kumanyikana havulavu.

1 Vakorintho 4:13

Lwa kuginangwa, kutivula vulahi novogoosi. Kuduuka lero, kokoleywe vuzwa kuli amandu gi lirova. Kufananyiywi kuli vandu vataveeye no vokonyi kandi avadamanu ligali.

1 Petro 2:19

Nyasaye alamugasiza kigira yaga niiva mulikuzira ku vusaliri vutaveeye vwu vulungi kigira mioyo jaavo jiveeye ku vulaliri vwa Nyasaye.