Vikolwa 24:25 - KITABU KITAKATIFU

²⁵ Navuzwa lwa Paolo yaatanga kwivaala ku uvulungi, uvwilindi kandi likalaga lizaa, Felikisi yizula uvuti vunyingi, kandi yativura navoora, “Tanga uzie kulwa kalunu. Lwa nanyoole vwiyangu, naangulange.”

Vikolwa 24:25 Iomraidhean Croise

2 Samweli 23:3

Nyasaye wa Isiraeli umali komoloma; mukingi wa Isiraeli yambolera: “Mwami wamihaa nuvulungi, uwamiha mu liitia Nyasaye.

1 Avami 21:27

Lwa Elija yamala komoloma, Ahabu yatandula zinguvu zizie, niyinavuula kandi niyiviika zinguvu zia magunia. Yasura kulia, naagona mu zinguvu zia magumia, nokogendagenda novovereri kandi mwoyo ni guukuzi.

2 Avami 22:19

nu wiganira kandi nu wegehiza umwene imbiri wange, nutandula zinguvu zizio nu kulira, lwa wahulira kuli ndatihiza kuhaana mageri ku Jerusalemi kandi ku vandu valio. Ndakalikole live lio kutihiza mu zimoni ziavo, havundu ha vandu valitumikira lieta liaho kuli kilaamo. Navuzwa mali kuhulira lisaala nukwidoloka maliga (kukwo), lwa wahulira kuli ndatihiza kuhaana mageri ku Jerusalemi kandi ku vandu valio. Ndalikola live liokodegeriza kandi chukuhuga ligali ku yavo avehenza kuli havundu ha vandu vatumikira lieta lialio kuli kilaamo. Navuzwa inzi mali kuhulira lisaala liilio

Ezara 10:3

Kalunu, gakuduukiraa kolombe lilagana na Nyasaye wiitu ndi kulakunga avakali yava vosi harara na vana vaavo. Kulakola aga ivi kandi aga yavo avatia malago ga Nyasaye vakovolera kokole. Kulakola kolondekana ni lilaga lia Nyasaye.

Ezara 10:9

Ku madiku gavaga, ku lidiku lia 20 liu mweli gwa tisa, avasaza vosi avaari nivamenyi mu kivala chi Ivuyuda kandi Benjamini vaza mu Jerusalemi kandi vavugana mu mugizi imbiri wi Litembeli lia Nyasaye. Vaali ni lidegera kigira makuva yaga kandi kigira imbura inyingi yaali nikubaa.

Ayubu 29:14

Vutakatifu vwange vwangunika kuli inguvu, kandi uvulungi vwange vwali kuli iganza ni igudwa.

Zaburi 11:7

Yahova aveeye mulungi, kandi ayaanza vikolwa viveeye viu vulungi; avaveeye avalungi, valamenya harara naye, mihiga ni mihiga.

Zaburi 119:120

Mbeeye nuvuti vonene kigira ivi; nzizuuyi uvuti kigira likalaga liilio.

Zaburi 45:7

Ivi uyaanzaa uvulungi, udunyiraa uvuchamu. Kigira yaga, yiki ni kigira Yahova, Nyasaye woovo umali kukotovola. Kandi umali kuzuka uvugasu vunyingi ku ivi kuvita mwami wundi woosi.

Zaburi 72:2

kunangwa aduuki kwamiiha avandu vovo ni likalaga liuvulungi, kandi kwamiiha avadambizwaa nuvulungi.

Zaburi 99:1

Yahova aveeye mwami; leka avandu vadegere. Yikalaa kondeve yeeye yu vwami igulu wi vilombe vie zimbaha, na lirova lidengeyaa!

Tsing'ano 16:12

Avami sivayanzaa vudamanu mba, kigira agiligali nigo galombaa vwamihi kuva ni zinguru.

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Kohelethu 12:14

Nyasaye azizaa kukalagira vuli kindu choosi cha kokoraa, keve kilahi anoho kidamanu, kali vindu viekoleka mu vwivisu.

Kohelethu 5:8

Utagenya lwa olola vwamihi nivudambizaa vadaka kandi ni vuvagayaa konyoola vulungi ni lienya liavo mba. Mwimiliri oveeye munene akingaa vuli mwimiliri wundi oveeye hasi kuye, na vimiliri yava vombi vakingwa nu mwimiliri oveeye igulu kuvo.

Isaya 1:18

Yahova avoora, “Kalunu, hambi kuhulirizane mu makuva yaga. Kali uvwoni vwinyu nivoveeye vwakanyu ligali ndamwogiza mulave kuli likonza; kali nivoveeye vwakanyu ligali kuli masahi, mulava avalavu kuli ipamba.

Isaya 1:21

Lidaala linene iliali ing'inga indala lisuuvirifu kalunu liveeye ni miima kuli ji liraya! Ing'inga ndala liizula vandu valungi, navuzwa kalunu avalumindi vatigaye mulio.

Isaya 16:5

Maku mulala ku visukululwi via Daudi alava mwami, kandi alamiiha avandu nu vusuuvirifu kandi nuvuyanzi. Alava mwangu kokora agaveeye malungi, kandi alalola ndi likalaga liuvulungi likoleywe.

Isaya 32:11

Munyi mwamenyangi mulielemeliza, litaveeye ni lihenda mwoyo, navuzwa kalunu, mudegere nu uvuti! Mutulizi zinguvu zienyu, kandi mwevohe zinguvu ziamagunia mu vikenge vienyu.

Isaya 41:21

Yahova, mwami wa avandu va Isiraeli avoora ndi; “Munyi avanyasaye vi zihiiri, muvoore amakuva ginyu. Kandi muhaane vivuni vilahi via makuva ginyu.

Isaya 55:6

Mugirung'ane muzie ku Yahova na musaale kuye, lwaveeye ahimbi.

Isaya 61:8

Yahova avoora, “Inzi ndayaanza likalaga liu vulungi, kandi ndunyiraa likora uvudamanu ndahaana amadanyi ku avandu vange mu vusuuvirifu. ndaalomba lilagana liange navo lie mihiga ni mihiga.

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Jeremia 22:3

“Inzi Yahova, mulaga mukore likalaga liveeye lirungi kandi liu vulungi. Mukingi mundu umali kunuurwa kutura ku munuri. Mutakola uvudamanu anoho mutadambiza avageni, avavisandu anoho avakunzakali mba. Mutiita avandu vataveeye nimbara havundu yaaha mba.

Jeremia 23:29

Likuva liange liveeye kuli muliru kandi kuli inyundu ivunanyiaa zinyanda muvidonye.

Jeremia 36:16

Inyima wa Baruki yaali niyakasoma, vaahenzana aveene kuvene nuvuti, kandi vavoolera Baruki, “Gakuduukiraa kovolere mwami makuva yaga goosi.”

Ezekieli 45:9

Yahova Wuvunyali yavoola, “Munyi avamihi va Isiraeli, mwakora uvwoni ku ing'inga indambi! Mulekere kolola kilage kandi lidambiza. Mukore agaveeye amalungi kandi likalaga lirungi. Mutakungi avandu vange vatuli mu kivala chavo kandi mba. Inzi Mwami Munene Yahova muvooleraa yaga.

Danyeli 12:2

Avanyingi kuvo avaliva nivakuzi valakasimuguki; valala kuvo valakasangaliri livamwoyo lie mihiga ni mihiga, na vandi valakaduuki mu zisioni zie mihiga ni mihiga.

Danyeli 4:27

Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Danyeli 5:30

Vudiku vwene yivwo, mwami Belishaza wa Babiloni yitwa.

Hosea 10:12

Inzi ndaavoora, ‘Mwenyelerizi kokora uvulungi munyi aveene, na mulanyola uvuyanzi vutaveeye nekeheri. Mutulizi vudamanu vwinyu, kigira ing'inga yiduuki yu kwenya Yahova, aduuki koleta ovohonyi ku munyi.’

Hosea 10:4

Avandu yava vamoloma mang'ana gavuzwa, kandi valomba lilagana liavuzwa kandi indagano yavuzwa. Kunangwa vakoli likalaga lirungi kuva likalaga litaveeye lirungi kuli indiva yi sumu ku vitagwa mu mulimi.

Hosea 7:5

Ku lidiku lieliilia liumwami valomba umwami harara na vatumikiri vene kuhambika iwaini kisiru.

Amosi 5:24

Mu vogono vwi vindu yivio muleke likalaga lirungi lidoloke kuli mugera gwa mazi, na uvulungi kuli mugera munene gwa mazi agalivula kukama.

Amosi 6:12

Zibarasi zinyala kunyagula ku lwanda? Noho, avandu vanyara kulima zinyanza ni zing'ombe zilimaa? Navuzwa mumali kugirung'anyia likalaga lirungi kugwa limoloma lie isumu, na uvulungi kugwa uvudamanu.

Habakuk 3:16

Lwa mbulira yaga goosi, ndegeraa ligali, minwa jange jidegeraa nu vuti. Muviri gwange gwatanga kuguunda kandi ndikigitara vilenge viange. Ndaalindilira galaha ku ing'inga iduuki, lwa Nyasaye ahaanaa mageri ku vandu vakwingilira.

Haggai 1:2

Yahova Wuvunyali yavolera Hagai, “Avandu yava vavoola ndi yiyi si eveeye ing'inga indahi yu kwumbaka Litembeli vuhia.”

Matayo 22:5

Navuzwa sivavugula mu ologendo mba. Vihambira imiyinzi: mulala mu mulimi gwigwe, wundi mu liduka lilie;

Yohana 16:8

Naye lwa aliiza, alalungikiza avumukivala agaveeye gu vwoni, nagaveeye amalungi, kandi agilikalaga lia Nyasaye.

Vikolwa 10:42

Yakulaga kwilwaziri avandu vosi Ivangeri ya Nyasaye, no kololekiza ndi uyu niyie wa Nyasaye yatovola ave mukalagi wa vaveeye mwoyo na vakuzu.

Vikolwa 17:13

Navuzwa lwa Avayuda va Tesalonike, vamanya Paolo yilwaza likuva lia Nyasaye mu Berea, vazia yo kandi, nivatanga kogoyanyia no kogemehiza viduma via avandu.

Vikolwa 17:2

Paolo yingira mu, kuli gwaali mwima gwigwe, na avoolerana navo ku madiku gavaga gi Lisabato galondekani, natumikira Mang'oda Matakatifu.

Vikolwa 17:32

Navuzwa lwa vahulira Paolo navoora makuva gi lisimuguka lia avakuzu, avalala kuvo eseko yaali ivamale; navuzwa avandi vavoola, “Kulayaanza kukuhulira kandi ku likuva yili!”

Vikolwa 2:37

Lwa avandu vahulira yaga, vatumitwa mu mioyo jaavo, nivateeva Petero na avatumwa vandi, “Avaamitu, kokora ki?”

Vikolwa 24:15

Mbeeye nilisuuvirizwa lilala liere mu Nyasaye kuli avandu vene yava vaveeye nalio ndi, avandu vosi, vombi avalungi na avadamanu valakasimugukizwi.

Vikolwa 24:26

Ku ing'inga ndala nzere, Felikisi yasuuvira ndi Paolo alamuha mabese. Kigira agene yaga, yahongera kulanga Paolo vuli ing'inga amolome naye.

Vikolwa 26:28

Mwami Aguripa yavolera Paolo, “ Mu ing'inga engekeeke yiyi usuviraa unyala kongola Mukristayo?”

Vikolwa 9:6

Navuzwa kalunu vuka, wingiri mu lidaala uwa umanya ovoolerwe amakuva aga udukana okole.”

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 14:12

Kunangwa, sa mulala ku kunyi alakivaale makuva geege mwene, imbiri wa Nyasaye.

Varumi 2:16

Ku lwa yago, kolondekana ku Ivangeri ya nzilwazaa, nindio galiva ku Lidiku yilio lwa Nyasaye kuvitira mu Kristo Yeso, alikalagira zing'anagani ziaviswa ziosi zia vandu.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Vakorintho 5:10

Gakuduukiraa kunyi kwosi kusingira imbiri wendeve ya Kristo yi likalaga, na mundu sa mulala aduuki konyoora likalagirwa kolondekana na malahi, anoho amadamanu ga yakola mu livamwoyo liu muviri gwigwe.

2 Vakorintho 6:2

Nyasaye avoora ndi: “Lwing'inga yaduuka yukumumanyia livugilirwa, ndaamuhulira; Lwi lidiku liaduuka liu kumuhonyia, ndamukonya.” Huliriza yiyi niyio ing'inga yakonyoola livugililwa lia Nyasaye kalunu ni lidiku liokohonywa.

Vagalatia 3:22

Navuzwa Mang'oda Matakatifu gavoora ndi, lirova liosi liveeye hasi hi zinguru ziu uvwoni, na ndio, kihanwa ichasuuvirizwa kigira lisuuvira mu Yeso Kristo, kihaanwaa ku yavo vosi avasuuviraa.

Vagalatia 5:23

ovohocha, kandi ukwilinda. Sihaveeye ho ni lilaga lisuulanaa na makuva kuli yaga mba.

Tito 1:8

Gamudukira ave mwingirizi wa vageni kandi uyanzaa gaveeye malahi. Gamudukira ave mwilindi wuvulungi, umutakatifu, kandi wi miima milahi.

Vahebraina 12:21

Havundu yaho haali hukutihiza ligali, kuduuka kali Musa navoora, “Kandi mbeeye nuvuti.”

Vahebraina 3:13

Navuzwa mulala ku munyi avuli kugadwa nu vwoni kandi agwi mwigingiri. Kuduuka mukonyane aveene naveene vuli lidiku, ku lohono lwi likuva “Kalunu” mu Mang'oda Matakatifu limolomaa ku kunyi.

Vahebraina 4:1

Kunangwa, Nyasaye yakuha lisuuvirizwa ndi kunyala konyoora vosoosi vwa yamoloma amakuva gavwo. Gakuduukiraa kohenze vulahi, gase mulala ku munyi alanyooleka natanyooye vosoosi vwasuuvirizwa yivwo.

Vahebraina 6:2

kandi gwa migizu gi libatiza na gi livikwa ku makono mba; nagilisimuguka lia vakuzu kandi likalagirwa lie mihiga ni mihiga.

Vahebraina 9:27

Mundu woosi kuduuka akuzi lulala vuzwa, kandi lwinyima aduuki kukalagirwa na Nyasaye.

Yakobo 2:19

Usuviraa Nyasaye aveeye mulala yenyine? Vulahi! Amademoni nago kandi gasuuviraa ni gadegeraa nu vuti.

1 Petro 3:15

Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo,

2 Petro 1:6

kulimanya lienyu, mumeede ku ilielinda; ku lielinda lienyu mumeede ku liekuzira; na kuliekuzira lienyu, mumeede ku vunyasaye;

1 Yohana 3:10

Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.

1 Yohana 3:7

Avana vayanze vange, mutaleki mundu kali mulala amugaade mba. Mundu woosi okolaa agaveeye malungi aveeye umulungi, kuli Kristo mwene aveeye mulungi ligali.

1 Samweli 12:7

Kalunu singiri aha muveeye, na inzi ndamuyaala imbiri wa Yahova ku limwizuliza vindu vilungi viezingulu viosi via Yahova yakola kohonyia munyi na vaguuga vinyu.