Vikolwa 24:24 - KITABU KITAKATIFU

²⁴ Inyima wa madiku makekeeke, Felikisi yaza harara nu mukali weve Durusila uwaali mukaana wa Herodi Aguripa 1. Yalanga Paolo aleetwe; naahuliriza Paolo namolomaa ku makuva gi lisuuvira mu Kristo Yeso.

Vikolwa 24:24 Iomraidhean Croise

Marko 6:20

yaali ni yatia Yohana kigira yamanya aveeye umundu umulahi kandi umutakatifu. Kulwayago yamukinga vulahi. Herodi yayanza kuhuliriza aga Yohana yavoola, kali niiva yaahenda umwoyo ligali ing'inga yoosi yayamuhulirizaa.

Luka 19:3

Yaali nuvuha kolola Yeso, navuzwa kigira yaali mwimbi ligali, siyaali unyala kumulora mba, kigira uvunyingi vwi kiduma cha vandu.

Luka 23:8

Herodi yayanza ligali lwa yalora Yeso, kigira yaali niyahulira amakuva geege kandi yegomba kolola Yeso kutura kale. Kolondekana na agayaali ni yahulira ku Yeso, Herodi yasuuviraa alalola Yeso nakora kelolekizu.

Vikolwa 16:31

Navo vaamutivulira, “Usuuviri Mwami Yeso, na ivi ulahonywa harara navinyumba yooyo vosi.”

Vikolwa 20:21

Ndiganihiza avandu vosi Vayuda, na vandu vi zihiiri, viganiri ma viirane ku Nyasaye, nu kusuuvira Mwami wiitu Yeso Kristo.

Vikolwa 24:25

Navuzwa lwa Paolo yaatanga kwivaala ku uvulungi, uvwilindi kandi likalaga lizaa, Felikisi yizula uvuti vunyingi, kandi yativura navoora, “Tanga uzie kulwa kalunu. Lwa nanyoole vwiyangu, naangulange.”

Vikolwa 26:22

Navuzwa ndanyoora vokonyi kutura ku Nyasaye kuduuka lidiku lia lero, ku lwa yago singiyi vudinyu kulolekizira vosi, avakeekeke na vanene. Icha inzi mboraa ni yicho kilala chere cha avaporofeti kandi Musa yavoola ndi kizizaa kwekoleka:

Vagalatia 2:16

Navuzwa kunyi kumanyi ndi mundu akolwaa mulungi na Nyasaye kuvitira mu lisuuvira mu Yeso Kristo, na sigaveeye ku likora agi Lilaga lienyaa mba. Kunyi kandi, kumali kusuuvira mu Kristo Yeso kuduuki kokolwa avalungi imbiri wa Nyasaye ku lisuuvira lietu mu Kristo, kigira mu miyinzi ji Lilaga mundu sianyala kokolwa mulungi mba.

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Vagalatia 3:2

Nyenya kumanya vuzwa kindu kilala kutura ku munyi. Mwavugula Roho wa Nyasaye ku likora agi Lilaga lienyaa, anoho ku lihulira Ivangeri nu kugisuuvira?

1 Yohana 5:1

Mundu woosi usuviraa Yeso ni Kristo, uyu aveeye umwana wa Nyasaye, kandi mundu woosi uyanzaa Baba ayaanza umwana weve.

Yudasi 1:3

Avalina vange avayaanze, ndaali nu vuha ligali kumung'odera amakuva kigira vohonyi vwa kwosi kusangaa mu, lwa ndalora ndi gandukira mung'odere vwangu kumudinyiriza muzizagiliri kulwaanira lisuuvira lia Nyasaye amali kuhaana ku vandu veve.

Likunula 14:12

Yivu nivwo uvwikuziri vwa vandu va Nyasaye avagumira amalago geege ni lisuuvira lia Yeso,