Vikolwa 24:16 - KITABU KITAKATIFU

¹⁶ Ku yaga, nzidinyirizaa kazozo mbula nduuki kuva numwoyo kandi ni zing'anagani zitali nimbala imbiri wa Nyasaye kandi imbiri wa avandu.

Vikolwa 24:16 Iomraidhean Croise

Vikolwa 23:1

Paolo yumika avandu vi kiyaalo, ma navoora, “Avaamitu vange, inzi menyanga imbiri wa Nyasaye mu zing'anagani kandi numwoyo mulahi kuduuka lero.”

Varumi 2:15

Miima niliiva liavo vimanyia ndi, agi Lilaga lienyaa gang'odwa mu mioyo jaavo. Zing'anagani zie mioyo jaavo zilolekizaa giligali, kigira ing'inga ndala zivayaalaa, kandi ing'inga yindi zivaveraa.

Varumi 9:1

Inzi mboraa agiligali; simbehaa mba. Kigira mbeeye wa Kristo, zing'anagani ziange niziamiifwa na Roho Mutakatifu, kandi zisuuviriza ndi simbehaa mba.

1 Vakorintho 10:32

Mu liiva lienyu liosi, mutikigitalizi mundu woosi mba. Kali vave Avayuda anoho vandu vizihiiri anoho vaveeye mu likanisa lia Nyasaye.

1 Vakorintho 4:4

Zigangani ziange ziveeye zindahi, navuzwa yaga sigangolaa kuva vugira imbara mba. Mwami niyie uwaalagiraa.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

2 Vakorintho 4:2

Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu.

1 Vatesalonike 2:10

Munyi muveeye avalolekizi vitu, kandi Nyasaye ndio; miima jietu ku munyi vandu avasuuviraa jaali Mitakatifu, milungi kandi vugira imbara.

Tito 1:15

Ku yavo valungi, vindu viosi viveeye vilungi, navuzwa ku yavo vadamanu na ava vula kusuuvira, sihaveeyeho ni kindu kinifu kuvo mba. Kali ndio ovogeri vwavo ni zing'anagani zie mioyo jaavo, viombi vigwiyi vidamanu.

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

Vahebraina 13:18

Muzizagiliri kukusaalira. Kololaa ndi koveeye ni zing'anagani ziu mu mwoyo zindahi, kigira kwenyaa kokole agaveeye malungi kazozo mu vindu viosi.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

1 Petro 2:19

Nyasaye alamugasiza kigira yaga niiva mulikuzira ku vusaliri vutaveeye vwu vulungi kigira mioyo jaavo jiveeye ku vulaliri vwa Nyasaye.

1 Petro 3:16

navuzwa mukore yaga no vohoma kandi luyali. Muve ni zing'anagani zindahi kunangwa lwa munyegwa, yavo vamoloma nu kumunyega kigira miima jinyu milahi mu Kristo, vaduuki kuva mu zisoni.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,