Vikolwa 23:9 - KITABU KITAKATIFU

⁹ Liyoga ni lihanzuka linene liameedeka ligali na avalala ku avigizi vi Lilaga vu muganda gwa Avafarisayo vasingira kuhing'ana mu liekinga nizinguru, nivavoora, “Sikololaa kindu kidamanu ku mundu uyu mba! Hawundi roho, anoho engelosi yavolerana naye ligali.”

Vikolwa 23:9 Iomraidhean Croise

Tsing'ano 16:7

Niiva ulayaanziza Yahova, ulalomba vasigu vovo kuva valina.

Jeremia 26:16

Maku aviimiliri navandu vavoolera avasaalisi navaporofeti, “Umundu uyu yamoloma ku kunyi mu lieta lia Yahova Nyasaye wiitu; atiitwa mba.”

Marko 2:16

Lwa avalala ku avigizi vi Lilaga vu muganda gwa Vafarisayo valora Yeso nalizaa na avoni kandi avasololi vuvusuuru, vateva aviigi veve, “Kigira ki aliiza harara na vasololi vuvusuuru kandi na avoni?”

Luka 23:22

Pilato yavavolera lwa kavaga, “Kigira ki? Mundu uyu akoli vudamanu ki? Inzi sindoli uvudamanu muye uvuduukanaa nilikuza mba. Kigira yaga, ndaleka akuywi ma muvoholore.”

Luka 23:4

Pilato yavolera avasaalisi vanene nividuma via vandu, “Sindora kindu kidamanu ku mundu uyu mba.”

Luka 5:30

Mu lilia, Avafarisayo valala na avigizi vi Lilaga valala vihambihiza Yeso nivavoora, “Kigira ki mulizaa nukunwa harara na vasololi vuvusuuru kandi na avoni?”

Yohana 12:29

Kiduma cha avandu avaari nivasingiyi ahene yaho vahulira mwoyo yigwo, na valala kuvo vavoola ndi liali lihiligana lie inguba, na vandi navo nivavoora, “Engelosi amolomi naye!”

Vikolwa 11:17

Niiva Nyasaye umali kuhaana ku avandu vi Zihiiri zindi kihanwa yicho cha yahaana ku kunyi lwa kwasuuvira ku Mwami Yeso Kristo, inzi nivwaha uhing'ana na Nyasaye?”

Vikolwa 22:6

“Kunangwa, lwa ndaali ninziza Damasiko, nimbeeye himbi kuduuka yo, niyenyaa kuduuka mbasu hagati, nonoho vulavu vonene vwatula mwigulu nivong'ereng'ana ku inzi zimbega ziosi.

Vikolwa 22:7

Ndaagwa hasi. Nimbulira mwoyo nigombolera, ‘Saolo, Saolo! Kigira ki undambizaa?’

Vikolwa 23:29

Ndanyoora ndi vamuyaara kolondekana na amateeva ku amalago gaavo, navuzwa sihaveeyeho ni kindu kuye cha vamuyaalira ikiduukanaa yiitwi anoho avofwe mba.

Vikolwa 23:8

Kigira Avasadukayo vavoola ndi, siaveeye ho ni lisimuka lia avandu kutura mu vakuzu, anoho zingelosi anoho miroho mba, navuzwa Avafarisayo vasuuvira mu viosi vivaga.

Vikolwa 25:25

Navuzwa inzi sindaalola yaali naakori kindu choosi kidamanu icha adukanaa kohevwa amageri gi likuza mba. Navuzwa, kigira Paolo mwene yateeva kuzia ku Mwami Munene, inzi ndatovora kumuhila kuye.

Vikolwa 26:31

Lwa vaali nivakamara kutura vavolerana, “Mundu uyu si yakola kindu choosi kidukanaa na amageri gi likuza anoho livofwa mba.”

Vikolwa 27:23

Uvudiku vwa lero engelosi wa Nyasaye, wa inze mbeeye mundu weve, kandi wa sigamira, yaazi ku inzi,

Vikolwa 5:39

Navuzwa nijiva ni jatula ku Nyasaye, munyi si munyala kuvaguuta mba. Kali mulanyola aveene ni mulwaanaa Nyasaye!” Kunangwa avakulundu vi kiyaalo vosi valonda ligerihiza lia Gamalieli.

Vikolwa 9:4

Yagwa hasi naahulira mwoyo nigumuvoolera, “Saolo, Saolo! Kigira ki undambizaa?”

1 Vakorintho 10:22

Anoho ilienya lietu liveeye ndi kokole mwami akendeke, kunyi si koveeye ni zinguru kumuvita mba.

1 Samweli 12:5

Samweli yavavolera, “Yahova kandi mwami wamali kotovola vaveeye avaloli lidiku lia lero ndi munyi si munyooye nimbara mba.” Vativura nivavoola, “Yee, Yahova aveeye muloli wiitu.”

1 Samweli 24:17

Maku yavolera Daudi, “Ivi oveeye mulungi, na inzi mbeeye vudamanu. Ivi waali mulahi ku inzi ligali, lwa ndakokolera vudamanu kuvita.