Vikolwa 23:12 - KITABU KITAKATIFU

¹² Lwa vwacha, Avayuda vavugana harara nivalohiza kuli vita Paolo. Visuuhizana nivavoora ndi, “Sikunyala kulia anoho kunwa niiva kukikiri kwita Paolo mba.”

Vikolwa 23:12 Iomraidhean Croise

Litanga 37:18

Lwa vamulolera ihale nakikiri kuduuka ha vaali, valohiza zing'anagani muvwivisu kumwita.

1 Avami 19:2

Jezebeli yatuma makuva ku Elija navoora, “Avanyasaye vanzite niiva mugamba kuduuka ku ing'inga yiyi sindakola ku ivi kindu kilala chere cho okoli ku avaporofeti mba.”

2 Avami 6:31

Yisuha, “Nyasaye anguyi nguzi niiva Elisha sialakalagwa mutwi lidiku linu ni likikiri kumalirika!”

Nehemia 10:29

kuhambanaa, na aviimiliri viitu mu liesuuha kandi isi wi linyola mageri gi kilaamo niiva kulavunaga liesuuha lietu, ndi kulamenya kolondekana ni Lilaga lia Nyasaye, lia yakuha ku Mutumikiri weve Musa; ndi kulahulira goosi aga Yahova, Nyasaye wiitu, akulagaa kokole, ma kandi malago geege goosi kandi nilienya lilie liosi.

Esther 2:22

Modekai yamanya amakuva yaga, ma navolera Esiteri umukali wu mwami, naye yamanya navolera umwami aga Modekai yaali nanyooye.

Zaburi 31:13

Mbulira avasigu vanyingi nivamonyana; uvutihizi vungumbirizi zimbega ziosi. Valohiza kunzita mu vwivisu.

Jeremia 11:19

Ndaali kuli kememe kehoma ikihilwa kwitwa. Navuzwa si ndaamanya ndi avasigu vange valohiza vindu vidamanu ku inzi mba. Vavoola ndi, “Koteme musaala yigu nigukikiri na amatu amavisi; kumwiti kunangwa mundu navuli kumwizuliza kali hakuzu.”

Jeremia 44:25

Yahova Wuvunyali, Nyasaye wa avandu va Isiraeli avoora, “Munyi harara na avakali vinyu mumali kwisuha ku mwami wi kikali wu mwigulu. Mwalaga ndi mulahaana visiuviliru kuye kandi mulahaana vihaanwa vie iwaini kuye. Maku mudinyerize kandi muduukizi lilagana lienyu.

Kyavalevi 27:29

Sihaveeyeho kali umundu wamala kuvikwa halovega kulwu vutumiki vwange mba, unyala kwirana kugulwa; kuduuka yiitwi.

Matayo 26:4

kandi vosi valohiza mu vosivisu kuli vagumira Yeso mu vwivisu, vaduuki kumwita.

Matayo 26:74

Maku Petero yaatanga kwilaama nu kwisuuha, na avoora, “Nzisuha ligali nokovoora agiligali! Gaduukanaa Nyasaye asalirizi niiva simbolaa agiligali! Inzi manyi umundu uyu mba!” Ahene yaho idaywa yalagula,

Matayo 27:25

Avandu vosi vavoola, “Amasahi geege gave ku kunyi, kandi ku vana viitu!”

Vikolwa 23:13

Vaali avandu kuvita arubaini avalohizaa yaga mu vwivisu.

Vikolwa 23:14

Maku vazia ku avasaalisi vanene na vakulundu nivavoora, “Kumali kwisuuha liesuuha linene ndi kutalia kindu nikukiri kwita Paolo mba.

Vikolwa 23:21

Navuzwa utavavugilira mba, kigira avandu kuvita arubaini vamugoneki. Vamali kwisuuha sivalalia anoho kunwa nivakikiri kumwita mba. Kalunu vamali kwetegeka kumwita navuzwa valindilira likaala ga liilio.”

Vikolwa 23:30

Lwa ndavuulirwa ndi Avayuda vandi valohizi kwita mundu uyu, ahene yaho ndaatovora kumuleeta ku lvi; Mali kulaga avandu vamuyaara valeete mayaalo gaavo imbiri woovo.”

Vikolwa 25:3

nayanza avakolere amalahi ku lileeta Paolo Jerusalemi. Vaali nivalohizi vamugoneke kunzira vamwiti ku.

Vikolwa 9:23

Lwa madiku manyingi gaavita, Avayuda vavugana nivalohiza zing'anagani ziu kwita Saolo.

Vikolwa 9:24

Navuzwa Saolo yanyoora amakuva gi zing'anagani ziavo. Mbasu nu vudiku valinda virivwa vingira mu lidaala kunangwa vaduuki kumwita.

1 Vakorintho 16:22

Ku vosi mundu natayaanza Umwami, alaamwe. Umwami wiitu hamba!

2 Vakorintho 11:26

Haali kanyingi mu zing'endo ziange, ndanyoora uvudinyu vwu kwambuka migera nijizuyi, vudinyu vwa vanuuri, vudinyu kutura ku Vayuda vudinyu kutura ku vandu vi Zihiiri zindi, vudinyu kutura mu madaala, vudinyu vwu mwigendanyama, kandi vudinyu kutura ku vaamitu vovovehi!

Vagalatia 3:13

Kristo yakohonyia kutura mu kilaamo chi Lilaga lwa yagwa kilaamo kigira kunyi; kuli Mang'oda Matakatifu gavoora, “Mundu woosi usungwa ku musaala Nyasaye amulaami.”

1 Vatesalonike 2:16

Kali vageriza kukugaya kuvuli kwilwaza ku avandu vi Zihiiri likuva linyala kuvaletera ovohonyi. Munzira yiyi vavungizaa uvwoni vwavo vwa vakora kazozo kandi kalunu vutima vwa Nyasaye vuduuki kuvo ligali mu limaliriza.

Joshua 6:26

Ing'inga yeyo, Joshua yahaana lieganihiza lie liesuuha. “Umundu woosi ogeriza kwumbaka vuhia lidaala linene lia Jeriko alaanwe imbiri wa Yahova!” “Mundu woosi uva naasingiriza misingi jalio alagotiza muyaayi weve wukutanga. Mundu woosi uwumbaka virivwa vialio alagotiza muyaayi weve mukogoti.”

Joshua 7:1

Avandu va Isiraeli sivalonda lilaga lia Yahova kolondekana ni vindu vienyeka vidivizwi ligali. Mundu walangwa Akani, muyaayi wa Kaumi, mwisukulu wa Zabadi, ekesoni cha Zera, uwi ihiiri ya Yuda, siyaatia lilaga yilio mba, kunangwa Yahova yavihilirwa avandu va Isiraeli ligali.

Joshua 7:15

Uyu otovolwa na anyoleke naveeye nivindu viakalagirwa alasaambwa harara na vandu vinyumba yeeye kandi nivindu vivie viosi viaveeye navio, kigira umali koleta zisoni ku Isiraeli kandi umali kuvunaga Lilagana liange.’ ”

1 Samweli 14:24

Avasaza va Isiraeli vadedekera ligali kigira inzara lidiku liene yilio, kigira Saolo yaali nahaani lilago lilulu: “Kilaamo keve ku mundu woosi ulia chukulia choosi ningikiri kuvaanza kisaalia ku vasigu vange.” Kunangwa sihaaliho nu mundu waali naaliyi kindu lidiku yilio mba.