Vikolwa 22:4 - KITABU KITAKATIFU

⁴ Ndadambiza avandu valonda amigizu gu Mwami Yeso yaga. Ndaagumira, avasaza na vakali, nimbahila mu vuhambe.

Vikolwa 22:4 Iomraidhean Croise

Vikolwa 16:17

Kunangwa, mukaana oyo yalonda Paolo ni kunyi, nahanzuka, na avoora, “Avandu yava vaveeye avatumwa va Nyasaye Oveeye Yigulu Ligali. Vamwilwazira kuli munyala kohona.”

Vikolwa 18:26

Lwa Berisila na Akwila vahulira namolomaa nu vuluviliri mu lisinagogi, vamuvugura nivamuhila yengo uwavo, nivamwivaalira miigizu ga Nyasaye vulahi ligali

Vikolwa 19:23

Madiku yago nigo gi kivihiri kinyingi chaali mu Efeso, kigira miigizu gu Mwami Yeso.

Vikolwa 19:9

Navuzwa avalala kuvo ni kilage ni, vasuura kusuuvira; vatanga konyega miigizu gu Mwami Yeso imbiri wa avandu. Kunangwa Paolo yahuka kuvo, naahira halovega aviigi veve, namolomaa navo kazozo munyumba ya amasomo ya Tairano.

Vikolwa 24:14

Nitali inzi mbugilira yaga imbiri woovo: Inzi sigamira Nyasaye wa avaguuga viitu. Ku lilonda muganda gwa miigizu gumwami Yeso ugwa yavo vavoola sigoveeye gwiligali mba. Navuzwa inzi suuvira vindu viosi viang'odwa mu vitabu vie Lilaga lia Musa kandi vitabu via vaporofeti.

Vikolwa 7:58

nivamuzoma ichova wi lidaala linene, nivamulasa na amagina. Avaloli vatuliza makoti gaavo nivagaviika mu vulindi vwu musoleri mulala, walangwa Saolo.

Vikolwa 9:21

Avandu vosi avamuhulira vagenya ligali ni vavoola, “Mundu uyu siaveeye niyie witaa vandu avasigamiraa Yeso mu Jerusalemi? Siyaazi hano kandi ni kivuni chu kugumira avandu yavo kandi avahile ku avasaalisi vanene!”

1 Vakorintho 15:9

Inzi mbeeye mukekeke ligali ku vatumwa utadukanaa kulangwa mutumwa, kigira ndadambiza likanisa lia Nyasaye.

Vagalatia 1:13

Munyi mwamala kovolerwa kuli ndamenya kale lwa ndaali nindagumira lisuuvira lia Vayuda, kandi kuli ndavambaliza likanisa lia Nyasaye vugira ku livererera, kandi ningora goosi aga ndaanyaliza kulidiviza ligali.

Vafilipi 3:6

kandi ndaali nu uvugulu mu lidambiza likanisa ligali neembodoka. Kolondekana ni imiima ju vulungi vwi Lilaga, inzi sindanyoolwa ku nimbala kali hakuzu mba.

2 Petro 2:2

Kali ndio, avanyingi valalonda likora liavo lie kifavwi; na kigira vikolwa viavo, avandi valamoloma vudamanu ku miigizu gu Mwami Yeso ga giligali.