Vikolwa 22:3 - KITABU KITAKATIFU

³ “Inzi mbeeye Muyuda, wivulirwa Tariso lidaala lia Kilikia. Navuzwa ndavirukira mu lidaala lia Jerusalemi, ninzigizwa hasi hu mwigizi Gamalieli. Ndigizwa vulahi ligali kolonda ligali Lilaga lia avaguuga viitu. Ndihaana nu mwoyo gwosi ku Nyasaye, kuli munyi mwosi muveeye kalunu.

Vikolwa 22:3 Iomraidhean Croise

2 Samweli 21:2

Avandu va Gibeoni sivali vandu va Isiraeli mba, vaali muganda mukekeeke vandu va Amori ava vandu Isiraeli vasuuviriza kuvakinga; navuzwa Saolo yaageriza kuvadiviza kigira uvuha vonene vwivwe kigira avandu va Isiraeli ni Ivuyuda.

2 Avami 4:38

Ing'inga indala, lwe etozo yaali ho mu kivala choosi, Elisha yirana Giligali. Lwa yaali ni yigizaa muganda gwa avaporofeti, yavolera mutumikiri weve atengeke isika ku mahiga na avadekere umunyu gwi zinguza ninyama.

Luka 10:39

Yaali na amwavo weve walangwa Maria. Maria yikala ha virenge viu Mwami Yeso naahuliriza amigizu geege.

Luka 2:46

Inyima wa madiku gavaga vamunyoola mu Litembeli, niyikaye hagati ha avigizi va Vayuda, navahulirizaa nukuvateeva mateeva.

Luka 8:35

Avandu vazia kolola agaali ni gekoleki. Lwa vaduuka ku Yeso, vanyoola mundu wa mademoni gaali nigatuliziywi muye niyikaye ha virenge via Yeso; niyiviiki zinguvu, kandi niyituliyi. Vaatia ligali.

Vikolwa 11:25

Kunangwa Baranaba yazia Tariso kwenya Saolo.

Vikolwa 15:23

Vaavaha ibarwa yang'odwa kuli ndi: “Kunyi, avatumwa navakulundu, avaamitu vinyu. Kuchelizaa munyi avaamitu vi Zihiiri zindi avamuveeye mu Andiokia, Siria na Kilikia.

Vikolwa 15:41

Vavitira Siria na Kilikia nivadinyirizaa amakanisa.

Vikolwa 21:20

Lwa vagahulira, vizominya Nyasaye. Maku nivavolera Paolo, “Amiitu, olola ni zielefu zia Vayuda vanga avamala kugwa vandu avasuuviraa kalunu; na vosi vagumira Lilaga lia Musa nu vugulu.

Vikolwa 21:39

Paolo yativura, “Inzi mbeeye Muyuda, mundu wa Tariso lidaala lia Kilikia, mundu wi lidaala liamanyikana ligali. Yaanza, ombe munwa molome ku vandu yava.”

Vikolwa 23:34

Lwu Mwamihi yasoma ibarwa, yateeva Paolo atulaa mu kivala ki. Lwa yamanya ndi Paolo atulaa mu kivala cha Kilikia,

Vikolwa 23:6

Navuzwa lwa Paolo yalora ndi kiduma kilala nicha Avasadukayo ni ikindi cha Avafarisayo, yahanzuka imbiri wi kiyaalo navoora, “Avaamitu vange, inzi nu Mufarisayo, umwana wu Mufarisayo. Inzi mali koleetwa mu kiyaalo kigira lisuuvira liambeeye nalio ndi avakuzu valakasimuguki.”

Vikolwa 26:5

Vamanyi ku madiku manyingi; kandi nivakayaanzi, vanyara kololekiza, ndi kutura mu litanga ndamenya kuli mulala ku avumuganda mudinyu ligali gwi idini yitu, ndaamenya kuli Vafarisayo.

Vikolwa 26:9

“Inzi mwene ndaaganagana ndi, gandukira ngole aganyaliza goosi kuhing'ana ni lieta lia Yeso wa Nazareti.

Vikolwa 5:34

Navuzwa Mufarisayo mulala walangwa Gamalieli, uwaali mwigizi wi Lilaga, kandi wa avandu vosi vaaha luyali ligali, yasingira imbiri wi kiyaalo, ni yenya avatumwa vatulizwi ichova ku ing'inga engekeeke.

Vikolwa 6:9

Navuzwa avandu valala vatanga kuhangala na Sitefano. Valala ku avandu yavo vaali avi lisinagogi lilala ilialangwa, “Lisinagogi lia Avandu Vavoholore” navo vaatura Kurene na Alekisandaria. Avandi vaatula Kilikia na Asia.

Vikolwa 9:1

Ing'inga yeyo Saolo yameda litihiza liile linene liu kwita avalondi vu Mwami. Yazia ku Musaalisi Munene,

Vikolwa 9:11

Mwami yamuvolera, “Singira, uzie kunzira ilangwa Inzira Inungi, na munyumba ya Yuda, oteeve mundu mulala kutura Tariso, ulangwa Saolo. Kalunu ndi asaalaa;

Vikolwa 9:30

Lwa vandu avasuuviraa vamanya amakuva yago, vavugura Saolo, nivamuhila Kaisaria, ni vamuleka azie Tariso.

Varumi 11:1

Kunangwa, ndeva: Nyasaye yasura avandu veve? Sigaveeye ndio mba! Inzi mwene mbeeye mundu wa Isiraeli wi kisukururwi cha Aburahamu, wihiiri ya Benjamini.

2 Vakorintho 11:22

Yavo ni Avaheburaina? Kali inzi mbeeye. Vaveeye avandu va Isiraeli? Kali mbeeye. Vaveeye avandu va Isiraeli? Ku inzi mbeeye. Vaveeye visukululwi via Aburahamu? Kali inzi mbeeye.

Vagalatia 1:14

Ndaavita avanyingi ku Vayuda vache vange avi likula liange mu ligumira no kolonda lisuuvira lia Vayuda, niimba nu vugulu ligali kolonda miima ja avaguuga viitu.

Vagalatia 1:21

Inyima wa yaga ndaazia muvivala via Siria na Kilikia.

Kwidzulitsa 33:3

Yahova ayaanza avandu veve kandi akingaa yavo avaveeye aveeve. Kunangwa kusigama ha virenge vivie, nukuhulira malago geege.