Vikolwa 22:14 - KITABU KITAKATIFU

¹⁴ Anania yavoola, ‘Nyasaye wa avaguuga viitu umali kokotovola uduuki kumanya uvulariri vwivwe, no kolola Mutumikiri mulungi weve, nu kumuhulira na amolomaa numwoyo gwigwe.

Vikolwa 22:14 Iomraidhean Croise

2 Avami 21:22

Yasura Yahova, Nyasaye wa vaguuga veve, kandi natinguha lilaga lia Yahova.

1 Kyetsinyinga 12:17

Daudi yazia ku vaaganira navoora, “Niiva muzaa kuli avalina kongonya, mwingiliziywi hano nu murembe. Navuzwa niiva muzaa kunzaama nu kumbika ku vasigu vange, kali niiva si ndageriza kumusaliriza, Nyasaye wa vaguuga viitu alamanya amakuva yaga na alamuha amageri.”

1 Kyetsinyinga 29:18

O, Yahova Nyasaye wa vaguuga viitu Aburahamu, Isaka na Yakobo, viika liehaana yili mu mwoyo, live Lie zinguru mu mioyo ja avandu vovo ku mihiga ni mihiga, na ugikole give misuuvirifu ku ivi kazozo.

2 Kyetsinyinga 28:25

Mu vuli lidaala linene kandi vuli tudaala mu Ivuyuda, yumbaka havundu hukusigamira misambwa, ahi kimuli kidukanaa kisambirwi ku vanyasaye vandi. Munzira yiyi yeletera kuye mwene uvutima vululu vwa Yahova, Nyasaye wa vaguuga veve.

2 Kyetsinyinga 30:19

“O, Yahova, Nyasaye wa vaguuga viitu, mu vulahi vuvwo yaanza usamihi yavo avasigamiraa ivi ni mioyo jaavo josi kali niiva si vaveeye avatakase kolondekana na malago ga hatakatifu.”

Ezara 7:27

Ezara yavoola, “Yahova yizominywi, Nyasaye wa vaguuga viitu! Amali kokora mwami kuvugilira kuhaana luyali ku Litembeli lia Yahova mu Jerusalemi.

Kutwula 15:2

Yahova aveeye mukingi wange wi zinguru; niyie yenyine umali kombonyia. Aveeye Nyasaye wange, nainzi ndamwizominya, aveeye Nyasaye wa vaguuga vange, kandi ndimba kigira ovonene vwivwe

Jeremia 1:5

“Ndaakotovola imbiri wa ndaali ningikiri kokolomba munda mwa mama woovo, kandi ndaaku takasa imbiri wa waali nukikiri kwivulwa. Ndaakotovola kuva muporofeti kuzihiiri.”

Danyeli 2:23

Ngwizominya nu kuhaana luyali kuivi Nyasaye wa vaguuga vange; umali kumba vogeri kandi zinguru; umali kuhaana mativuli gilisaala liange, kandi umali kukumanyia aga kovoolera mwami.”

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Vikolwa 13:17

Nyasaye wa avandu va Isiraeli yatovola avaguuga viitu navakola vave ihiiri enene lwa vamenya mu kivala cha Egebeti. Nyasaye yavatuliza mu ni zinguru zizie zinene.

Vikolwa 22:15

Ulamulolekiza ku vandu vosi; uvavoolere vindu via walola nu kuvihulira.

Vikolwa 22:18

Ndaalora Mwami niyambolera, ‘Kola vwangu! Tula mu Jerusalemi zimbiru, kigira avandu va hano sivalavugilira lilolekiza liilio ku inzi mba.’

Vikolwa 24:14

Nitali inzi mbugilira yaga imbiri woovo: Inzi sigamira Nyasaye wa avaguuga viitu. Ku lilonda muganda gwa miigizu gumwami Yeso ugwa yavo vavoola sigoveeye gwiligali mba. Navuzwa inzi suuvira vindu viosi viang'odwa mu vitabu vie Lilaga lia Musa kandi vitabu via vaporofeti.

Vikolwa 26:16

Navuzwa kalunu vuka, singira vulungi. Inzi mali kololeka ku ivi nikivuni nduuki kokokola ove kuli mutumikiri wange. Ulavoolera avandu vandi vindu via ololi ku inzi lero, ni via ndikumanyia.

Vikolwa 5:30

Nyasaye wa avaguuga viitu yasimugukiza Yeso wa munyi mwamwita, lwa mwamusunga ku musalaba.

Vikolwa 7:52

Yaali ku ho nu muporofeti wa avaguuga vinyu vavura kudambiza? Vita avatumwa va Nyasaye, avalandiza ku maziambiri iliiza liu Mutumikiri mulungi. Na kalunu, munyi mumali kumuzaama nu kumwita.

Vikolwa 9:15

Navuzwa Mwami yamuvolera, “Zia vuzwa, kigira ndovoye uyu ave kiju change, yiilwaaze lieta liange ku zihiiri na avami vaavo, kandi ku avandu va Isiraeli.

Vikolwa 9:17

Kunangwa Anania yazia niyingira munyumba mwa Saolo yaali. Yavika amakono geege ku Saolo namuvolera, “Amiitu Saolo, Mwami Yeso mwene uwaloleka ku ivi lwa waali kunzira kuuza hano, niyie undumi ku ivi uduuki kolola kandi, kandi uduuki kwizura Roho Mutakatifu.”

Varumi 1:1

Inzi Paolo, mutumikiri wa Kristo Yeso, mutumwa watovolwa kandi walangwa na Nyasaye kwilwaza Ivangeri ya makuva malahi kutura ku Nyasaye.

1 Vakorintho 11:23

Inzi ndaanyoora amigizu kutura ku Mwami agambezaa munyi: ndi Mwami Yeso, mu vudiku yivwo vwa yazaamwa, yavugula mugadi,

1 Vakorintho 15:3

Inzi ndaahana ku munyi makuva gandanyoola gaali manene kandi madukiru ligali, ndi Kristo yakuzira vwoni vwitu kuli gang'odwa mu Mang'oda Matakatifu;

1 Vakorintho 15:8

Mu limalirika, yaloleka kandi ku inzi kali niiva ndaaloleka kuva kuli mundu wi liivulwa liange liali lugano kutura ku vandu vandi vosi.

1 Vakorintho 9:1

Inzi mbeeye muvoholore ligali, kandi mbeeye mutumwa. Inzi ndaalora Yeso Mwami wiitu, munyi muveeye mativuli gi miyinzi jange kigira ndilwaza Ivangeri.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

Vagalatia 1:12

Sindaagenyola kutura ku mundu woosi mba, kandi sindigizwa nu mundu woosi mba. Yaali Yeso Kristo mwene wavula makuva yaga ku inzi.

Vagalatia 1:15

Navuzwa zimbavasi zia Nyasaye zizie, yandovola kali ningikiri kwivulwa, kandi yananga kuvitira mu zimbavasi zizie nduuki kumutumikira. Kandi lwa yatovola

Tito 1:1

Inzi Paolo, umutumikiri wa Nyasaye kandi mutumwa wa Yeso Kristo ng'oda ibarwa yiyi. Inzi ndaatovolwa nukutumwa kokonya lisuuvira lia avandu vatovole va Nyasaye, kandi kuvimilira ku agiligali gi dini yitu yigizaa.

1 Petro 2:22

Siyakola uvwoni, kandi siyanyooleka nu vugadi kutura mu munwa gwigwe mba.

1 Yohana 2:1

Avana vange vayanze, mung'oderaa amakuva yaga; kunangwa muvuli kokora uvwoni. Navuzwa mulala naava naakora uvwoni, koveeye nu mulala okomolomeraa ku Baba, naye ni Yeso Kristo, oveeye umulungi yenyine.