Vikolwa 21:3 - KITABU KITAKATIFU

³ Lwa kwamala kuduuka ha kwalola kivala cha Saipurasi, kwavitira lovega lwacho lwi savaalu nikuzia Siria. Kwikira Tiro wi liato lienya kwikiza misigo jialio.

Vikolwa 21:3 Iomraidhean Croise

2 Samweli 8:6

Ahene yaho Daudi yalomba hokososa ha amahi geege mu kivala chavo kandi vaagwa avatumikiri veve, nivatunga uvusuru kuye. Yahova yaaha Daudi uvuguuti havundu hoosi nahoosi.

Zaburi 45:12

Avandu kutura mu kivala cha Tiro valakoletera vihaanwa; avandu vatugi valageriza kwenya liyanzilira liilio.

Zaburi 87:4

“Lwa ndakang'ode zihiiri zimbuliraa, ndakameede ku avandu va Egebeti na Babiloni; Ndakavalizi avandu va Filisitia, Tiro na Ezopia, harara na vandu va Jerusalemi.”

Isaya 7:2

Lwi likuva liaduuka ku mwami wi Ivuyuda ndi, amahi ga Siria gaali ni gaveeye mu kivala cha Isiraeli, oyo harara na vandu veve vosi vatimukwa engolo nokodegera kuli misaala jihunguzwa nimbuuza.

Matayo 11:21

“O, walaamwa ivi Korazini! O, walaamwa ivi, Bezisaida! Vilolekizu viakolwa mu munyi, viiva ni viakolwa mu Tiro na Sidoni, ngano avandu va madaala yago viganira ahene yaho niviviiki zinguvu zia magunia kandi ni viivaki iligoke.

Matayo 4:24

Kunangwa, ulusuma lwa Yeso lwalanda mu Siria mwosi. Avalwaye vosi avaari ni zinguzu zie zing'ano ziosi nu vusaliri lugano, avaari na mademoni nindulumi kandi avaalema vaahirwa kuye, naye yavahonyia vosi.

Luka 10:13

“O, vayaye, kilaamo keveeye ku ivi Korazini! O, vayaye kilaamo keveeye ku ivi Bezisaida! Miyinzi minene jivilolekizu ijakolwa mu munyi, jilava nijakolwa mumadala ga Tiro na Sidoni, ngano avandu yavo vigamira kale, ni viviiki amagunia kandi nivikaye mu ligoke.

Luka 2:2

Yili liali livalizwa liu kutanga lwa Kwirinio yaali mwami wa Siria.

Vikolwa 11:19

Kolondekana ku lidambizwa liatulira ing'inga ya Sitefano yitwa, vandu avasuuviraa avanyingi vasalanywa. Avalala vazia kuduuka kali Foenisia, Saipurasi na Andiokia, na vilwaza likuva ku Vayuda venyine.

Vikolwa 12:20

Herodi yaali nuvutima vonene ligali ku avandu va Tiro na Sidoni. Kunangwa vazia kuye nu muganda nivenya komoloma naye. Mulitanga vagoonya Bulasito mundu wasingilira inyumba yu mwami avakonye. Maku vazia ku Herodi nivamuteeva murembe gove hagati haavo kigira kivala chavo chanyoola viukulia kutura mu kivala chu mwami Herodi.

Vikolwa 13:4

Lwa Baranaba na Saolo vaali nivakatumwa na Roho Mutakatifu vasulunguta kuduuka Seleukia; kutura uwene yeyo vanina mu liato nivazia mu kisulu chinyanza ichalangwa Saipurasi.

Vikolwa 15:23

Vaavaha ibarwa yang'odwa kuli ndi: “Kunyi, avatumwa navakulundu, avaamitu vinyu. Kuchelizaa munyi avaamitu vi Zihiiri zindi avamuveeye mu Andiokia, Siria na Kilikia.

Vikolwa 15:39

Maku vaali na mahangali manene hagati haavo, kuduuka nivavukana. Baranaba yavugula Mariko, nivaniina mu liato nivazia Saipurasi.

Vikolwa 15:41

Vavitira Siria na Kilikia nivadinyirizaa amakanisa.

Vikolwa 18:18

Inyima wa yaga, Paolo yaazizagilira komenya na vandu avasuuviraa mu Korinzo madiku manyingi. Inyima yavasivula, naniina mu liato kuzia Siria harara na Berisila na Akwila. Naveeye mu Kengurea, yavega liisu lilie kigira yaali na aviiki lilagana liokwisuuha ku Nyasaye.

Vikolwa 21:16

Avalala ku vandu vasuuvira kutura Kaisaria vazia harara ni kunyi, nivakuhila munyumba ya Munasoni wa kwaaziza komenya naye ku ing'inga iduuki. Munasoni yaali mundu Saipurasi, yaali mundu wasuuvira ku madiku manyingi.

Vikolwa 21:2

Hene yaho kwanyoora ho liato liali nilizizaa Foenisia, kwanina mu, nikuzia.

Vikolwa 21:7

Kwazizagilira no logendo lwiitu kutura Tiro nikuduuka Petolemai, nikucheliza yo avaamitu viitu nikogona yo lidiku lilala.

Vikolwa 27:4

Kutura ahene yaho kwazizagilira no logendo, navuzwa kigira imbuza yaali nihuzaa vudinyu imbiri witu, kwavitira kolovega lwi kisulu cha Saipurasi, kigira imbuza inyingi si yaali yo mba.

Vikolwa 4:36

Yaali ho nu mundu mulala wi ihiiri ya Levi, walangwa Josefu, waali niyivulirwa Saipurasi wa avatumwa vagulika Baranaba, iliveeye kovora, “Mundu wo koleminya mioyo.”

Vakalagi 10:6

Avandu va Isiraeli vaakora uvwoni imbiri wa Yahova lwa vasigamira vanyasaye va Baali kandi Asitate, harara na vanyasaye va Sidoni, Moabu, Amoni na vanyasaye va Filisitia. Vivilira Yahova nivaleka kumusigamira.