Vikolwa 21:20 - KITABU KITAKATIFU

²⁰ Lwa vagahulira, vizominya Nyasaye. Maku nivavolera Paolo, “Amiitu, olola ni zielefu zia Vayuda vanga avamala kugwa vandu avasuuviraa kalunu; na vosi vagumira Lilaga lia Musa nu vugulu.

Vikolwa 21:20 Iomraidhean Croise

Zaburi 22:23

“Mwizominye Yahova, munyi avatumikiri veve! Mumuhe luyali, munyi visukululwi via Yakobo! Mumusigamiri, munyi avandu va Isiraeli!

Zaburi 22:27

Zihiiri ziosi zielirova valizuliza Yahova. Valagirung'ana kuyeeka kuye kutura havundu hoosi mu lirova avandu vizinimi ziosi kulirova valasigamira Yahova.

Matayo 9:8

Lwi kiduma kenene cha avandu valora yaga, vagenya, nivatia ligali; ni vaakuminya Nyasaye uwahaana ku avandu zinguru kuli yizi.

Luka 12:1

Lwi kiduma kenene cha avandu chavunga harara nivaduvagana, Yeso yavolera aviigi veve kutanga, “Mugerihi ku mamera ga Avafarisayo, agaveeye uvugadi.

Luka 15:32

Gaduukani kolombe lilia kandi kusangale, kigira amwavo woovo uyu yaali niyakuza, navuzwa kalunu aveeye mwoyo; yaali niyagota, navuzwa kalunu anyoleki.’ ”

Yohana 12:24

Muvooleraa agiligali, enzori yi ingano itigalaa yenyine vuzwa nitagiywi mu marova ma ikuze, itigalaa yeng'ine. Navuzwa niiva ilakuza, yaama ingano inyingi.

Vikolwa 11:18

Lwa vahulira yaga, valeka amahangari gaavo, ni vizominya Nyasaye, vavoola, “Nyasaye umali kuhaana ku vandu vi Zihiiri zindi vwiyangu vwu kwiganira no konyoora livamwoyo!”

Vikolwa 15:1

Avandu valala vaza Andiokia kutura Ivuyuda nivatanga kwigiza avaamitu, nivavoora ndi: “Nimutakevwa kolondekana ni miima ji Lilaga lia Musa, simunyala kohonywa mba.”

Vikolwa 15:24

Kunyi kuhuliyi ndi avandu vandi kutura mu muganda gwitu vamunyangiza na makuva gaavo, nivamuhendiza mioyo jinyu. Navuzwa vakora ndio vugira munwa kutura ku kunyi.

Vikolwa 15:5

Navuzwa avalala ku vandu avasuuviraa avaatura ku muganda gwa Vafarisayo, vasingira nivavoora, “Gaduukiraa avandu vi Zihiiri vakevwe; kandi gadukanaa vigizwi kugumira Lilaga lia Musa.”

Vikolwa 2:41

Kunangwa avanyingi vasuuvira amakuva geege, nivabatizwa lidiku liene yilio. Avandu vaduuka ahimbi zielefu zivaga komeeda livaliza liu muganda gwa avasuuviri.

Vikolwa 22:3

“Inzi mbeeye Muyuda, wivulirwa Tariso lidaala lia Kilikia. Navuzwa ndavirukira mu lidaala lia Jerusalemi, ninzigizwa hasi hu mwigizi Gamalieli. Ndigizwa vulahi ligali kolonda ligali Lilaga lia avaguuga viitu. Ndihaana nu mwoyo gwosi ku Nyasaye, kuli munyi mwosi muveeye kalunu.

Vikolwa 4:21

Kunangwa, avakulundu vi kiyaalo vavatihiza nukuviganihiza vudinyu, mani vavalakuula. Valora ndi nivudinyu ligali kuvaha amageri, kigira avandu vosi vaali ni vizominyaa Nyasaye kigira kekolwa yicho.

Vikolwa 4:4

Navuzwa avanyingi avahulira likuva, vasuuvira kandi livaliza lia avasuuviri liali ahimbi zielefu zitano.

Vikolwa 6:7

Likuva lia Nyasaye liazizagilira kulaanda. Livaliza lia vandu avasuuviraa vameedeka ligali mu Jerusalemi; kandi avasaalisi vanyingi vavugilira lisuuvira yili.

Varumi 10:2

Nyara kukusuuviriza ndi vaveeye nu vuha vonene vwu kwenya kutumikira Nyasaye; navuzwa uvuha yivwo sivwayumbakwa ku limanya liagiligali mba.

Vagalatia 1:14

Ndaavita avanyingi ku Vayuda vache vange avi likula liange mu ligumira no kolonda lisuuvira lia Vayuda, niimba nu vugulu ligali kolonda miima ja avaguuga viitu.

Vagalatia 1:24

Maku vaakuminya Nyasaye kigira inzi.

2 Vatesalonike 1:10

Lwa aliiza ku Lidiku yilio konyoora uvukumi kutura ku vatakatifu veve, harara nu luyali kutura ku yavo vosi avasuuviraa, munyi kandi mulakave harara naye kigira mwamala kusuuvira amakuva ga kwamuvolera.