Vikolwa 20:32 - KITABU KITAKATIFU

³² “Kunangwa kalunu ndi muviika mu vulindi vwa Nyasaye kandi mu likuva lie zimbavasi zizie, liveeye nu vunyali vwu kumwumbaka nu kumuha vugasu vwa yavikira avandu veve.

Vikolwa 20:32 Iomraidhean Croise

Litanga 50:24

Yavolera avamwavo veve, “Inzi mbeeye ahimbi kukuza, navuzwa Nyasaye alamulinda. Alamutuliza mukivala yiki nukumuhira mukivala chayisuhizira Aburahamu, Isaka, kandi Yakobo.”

Jeremia 3:19

Yahova avoora, “Munyi avandu va Isiraeli, ndali nilienya kumuvugilira kuli avana vange kandi nukumuha kivala chuvusangari, kivala kilahi ligali mulirova liosi. Ndaali nilienya munyi muunange baba, kandi muvuli kugirung'ana kutura ku inzi.

Jeremia 49:11

Muleke avavisandu vinyu, inzi ndavalinda kandi muleke avakunzakali vinyu veleede kuinzi.

Marko 10:17

Lwa Yeso yaatanga logendo lwilwe, umundu mulala yanyagula nasigama imbiri weve, ma na muteeva, “Mwigizi mulahi, ngola ndi nduuki konyoora livamwoyo litahera mba?”

Yohana 15:3

Munyi mumali kokolwa avanifu kigira makuva gandamuvorera.

Yohana 17:17

Uvatakase mu agiligali; likuva liilio liveeye lie ligali.

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

Vikolwa 14:23

Vaatovora avakulundu nivavaviika mu makanisa goosi aga vandu vasuuviri; kandi lwa vamala kusaala no kohonga lilia, vavaviika hasi mu vulindi vwu Mwami wa vaali ni vaviiki lisuuvira liavo muye.

Vikolwa 14:26

Kutura yo vanina mu liato nivirana Andiokia ya, wa Siria vaviikwa mu vulindi vwi zimbavasi zia Nyasaye ku miyinzi ja vaali nivamaliyi.

Vikolwa 14:3

Kunangwa Paolo na Baranaba vazizagilira komenya yo ku ing'inga indambi ni vilwaza nu vuluviliri makuva gu Mwami Yeso. Mwami naye yalolekiza agiligali gi likuva lia vilwaza, lie zimbavasi zizie, ku livaha zinguru zio kokora vilolekizu kandi viokogenyia.

Vikolwa 15:40

Navuzwa Paolo yatovola Sila. Lwa avaamitu va ahene yaho vamala kumuviika mu vulindi vwi zimbavasi ziu Mwami, vatanga logendo.

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Vikolwa 9:31

Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

Varumi 8:17

Na kigira koveeye avana va Nyasaye, kulanyoola imiandu josi ja Nyasaye yavikira avandu veve, kulasanga harara na Kristo miandu ja Nyasaye; kigira nikuva nikusanga mu vusaliri vwa Kristo, kulasanga kandi mu vukumi vwivwe harara.

1 Vakorintho 1:2

Kong'oderaa munyi avaveeye likanisa lia Nyasaye mu lidaala lia Korinzo, kandi ku vosi avalangwa kuva avandu vatakatifu va Nyasaye, avaveeye veeve mu lihambanywa harara na Kristo Yeso, harara na vandu vosi hoosi havundu hoosi vasigamira Mwami wiitu Yeso Kristo, Mwami wavo kandi mwami wiitu:

1 Vakorintho 6:10

anoho avanuuri, anoho avahuvali, anoho avahambiki, anoho yavehi, anoho aviivi; yava vosi sivalinyoola Uvwami vwa Nyasaye mba.

1 Vakorintho 6:11

Valala ku munyi mwaali kuli ndio. Navuzwa kalunu mwanihizwa kutura muvwoni. Mwakolwa avatakatifu ku Nyasaye, mwakolwa avalungi imbiri wa Nyasaye ku lieta liu Mwami wiitu Yeso Kristo kandi ku Roho wa Nyasaye wiitu.

1 Vakorintho 6:9

Si mumanyi ndi vandu vachamu sivalinyoola vwami vwa Nyasaye? Mutagadwa mba! Avandu vamenyaa mu kifavwi cho voheyi, avasigamiraa misaambwa, anoho avaheyi, malaya masaaza anoho avasaza vagonaa avasaza vache,

Vafeso 1:14

Roho Mutakatifu aveeye kihambiliru cho konyoora miandu jietu josi ja Nyasaye yalaga avandu veve kandi kuvasuuviriza ndi Nyasaye alakahaane ovovoholore vwosi ku vandu vosi avaveeye aveeve. Gendi kwizominyi vukumi vwivwe!

Vafeso 1:18

Saalaa ndi Nyasaye amukole muduuki kumanyiriza vulavu vwivwe, kunangwa muduuki kumanya lisuuvirizwa lia yamulangira kandi uvutugi vwuvukumi vwi miandu jije ku avandu veve

Vafeso 4:12

Yakola ndio kwetegekiza Avakristayo vosi ku miyinzi ju vutumwa vwu Vukristayo kunangwa aduuki kwumbaka muviri gwa Kristo.

Vafeso 4:16

Kuye vivero viosi viu muviri vihambanyiywi harara, kandi muviri gwosi gwahamanywa harara navuli chungu. Kunangwa, lwa vuli kevero kiyinziraa kuli gaduukanaa, muviri gwosi guvirukaa ma gwumbakwa kuvitira mu vuyanzi.

Vafeso 5:5

Kigira yaga muve nilimanya ligali ndi, umuheyi woosi anoho utaveeye munifu mu miima, muhuvaali, wi vifananyi mukayirwi, siaveeye nilisanga mu vwami vwa Kristo kandi vwa Nyasaye mba.

Vakolosai 1:12

musandiza Baba, umali kumuvugilira kusanga mu miandu juvugasu vwa Nyasaye yavikira Vakrisitayo veve mu vwami vwu vulavu.

Vakolosai 2:7

musingiri vudinyu, kandi mwumbakwe muye, nu kuvikwa zinguru mu lisuuvira lienyu, kuli mwigizwa. Muve kandi ni lisandiza linyingi.

Vakolosai 3:24

Mwizurizi ndi Nyasaye alakamuhe madanyi gayaviikila vandu veve, kigira Kristo niyie Mwami wiligali wamutumikiraa.

Vahebraina 10:14

Kigira kisiuviriru kilala yavakola avadukiru mihiga ni mihiga yavo avatakaswa kutura muvwoni vwavo.

Vahebraina 13:9

Mutahunzulanywi yiyi nayiyi kutura kunzira yuvulungi na migizu mageni gi zing'ano ziosi mba. Ni vulahi konyoora zinguru ziu mu mwoyo kutura ku zimbavasi zia Nyasaye, na sigaveeye ku lilonda amalago ni viukulia mba, yavo avalonda malago yago, sigavakonya mba.

Vahebraina 2:11

Oyo atakasaa vandu kutura muvwoni vwavo, kandi yavo avakolwa avatakase, vosi vaveeye na Baba mulala. Yiki nicho kigira Yeso nataveeye nizisoni kuvalanga avamwavo veve.

Vahebraina 9:15

Kigira yaga, Kristo niyie olohizaa lilagana lihia, kunangwa yavo ava Nyasaye amali kulanga vaduuki konyoora vugasu vwi mihiga ni mihiga, vwa Nyasaye yavasuuviriza. Yaga ganyala kokolwa kigira likuza limali kuva ho; ilivohololaa avandu kutura mu mahiolo gavakolaa lwa lilagana liukutanga liali nilikikiri ho.

Yudasi 1:1

Inzi Yuda, mutumikiri wa Yeso Kristo, kandi amwavo Yakobo Ng'oderaa munyi avalangwa na Nyasaye, avamenyaa mu vuyanzi vwa Nyasaye Baba, kandi mu likingwa lia Yeso Kristo.

Yudasi 1:20

Navuzwa munyi, avalina vange avayaanze, muzizagiliri kwiyumbaka aveene ku ilisuuvira lienyu litakatifu ligali. Musaale mu zinguru zia Roho Mutakatifu.