Vikolwa 20:21 - KITABU KITAKATIFU

²¹ Ndiganihiza avandu vosi Vayuda, na vandu vi zihiiri, viganiri ma viirane ku Nyasaye, nu kusuuvira Mwami wiitu Yeso Kristo.

Vikolwa 20:21 Iomraidhean Croise

Matayo 3:2

“Mwiganiri, kigira Uvwami vwu mwigulu voveeye ahimbi.”

Matayo 4:17

Kutura ing'inga yeyo, Yeso yaatanga kwilwaza navoora, “Mwiganiri, kigira Uvwami vwu mwigulu voveeye ahimbi!”

Marko 1:15

Yavoola, “Ing'inga indahi iduuki, nu Uvwami vwa Nyasaye voveeye ahimbi! Mwiganiri kandi musuuviri Ivangeri.”

Marko 6:12

Kunangwa vaatura ni vilwazira avandu vaduuki kwiganira.

Luka 13:3

Muvooleraa sigaveeye ndio mba; navuzwa munyi nimutiganira mulakuza mwosi kuli ndio kandi.

Luka 13:5

Muvooleraa, sigali ndio mba; navuzwa munyi nimutiganira, mulakuza kuli ndio kandi!”

Luka 15:10

Kunangwa muvooleraa, nindio zingelosi va Nyasaye valisangala kigira kwiganira kwu mundu mwoni mulala.”

Luka 15:7

Kunangwa muvooleraa, munzira ndala nzere vulakave uvuyanzi vunyingi mwigulu mwoni mulala uwiganiyi kuvita avandu tisaini na tisa avaloleka avalungi, avatenyaa lieganira.

Luka 16:28

uwa mbeeye na avamwavo vatano. Leka azie kuviganihiza gase navo kandi valaza yinu muvusaliri yivu.’

Luka 24:47

kandi lieganira nilisamiifwa liu vwoni lililwazwa mu zihiiri ziosi mu lieta lilie kutangira mu Jerusalemi.

Yohana 20:31

Navuzwa yivi viang'odwa kunangwa munyi muduuki kusuuvira ndi Yeso ni Mesia. Mwana wa Nyasaye; na mu lisuuvira lienyu muye, mulava ni livamwoyo mu zie lieta lilie.

Yohana 3:36

Uyu usuviraa Mwana wa Nyasaye, aveeye ni livamwoyo litahera mba. Navuzwa uyu utatiza Mwana wa Nyasaye, sialilola livamwoyo kigira amaduywa ga Nyasaye galamenya kuye.

Vikolwa 10:43

Avaporofeti vosi vavoola amakuva geege, ndi mundu woosi ulimusuuvira alakasamiifwi uvwoni vwivwe kuvitira mu lieta lilie.”

Vikolwa 11:18

Lwa vahulira yaga, valeka amahangari gaavo, ni vizominya Nyasaye, vavoola, “Nyasaye umali kuhaana ku vandu vi Zihiiri zindi vwiyangu vwu kwiganira no konyoora livamwoyo!”

Vikolwa 16:31

Navo vaamutivulira, “Usuuviri Mwami Yeso, na ivi ulahonywa harara navinyumba yooyo vosi.”

Vikolwa 17:30

Nyasaye yayivilira zing'inga ziavandu vavura, kumumanya, Navuzwa kalunu, alaangaa avandu vosi, havundu hoosi, viganiri.

Vikolwa 19:17

Avandu vosi va Efeso, Avayuda na Avaguriki, vamanya makuva yaga. Vosi vaali nu vuti, nivakuminya Mwami Yeso.

Vikolwa 2:38

Petero yavativulira, “Mwiganiri mwosi, mubatizwi mu lieta lia Yeso Kristo, musamiifwi uvwoni vwinyu, kandi mulanyola kihanwa cha Roho Mutakatifu.

Vikolwa 2:40

Petero yiganihiza avandu na amakuva gandi manyingi, na avanigaa, navoora, “Mwehonyie ku likula lidamanu yili.”

Vikolwa 20:23

Navuzwa icha manyi ni yiki, Roho Mutakatifu yanziganihizaa ndi mu madaala goosi livofwa ni lidambizwa nivio vinindiliyi.

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vikolwa 24:24

Inyima wa madiku makekeeke, Felikisi yaza harara nu mukali weve Durusila uwaali mukaana wa Herodi Aguripa 1. Yalanga Paolo aleetwe; naahuliriza Paolo namolomaa ku makuva gi lisuuvira mu Kristo Yeso.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Vikolwa 26:20

Navuzwa ndatanga kwilwaza ku avandu va Damasiko, inyima ku ava Jerusalemi ni kivala choosi chi Vuyuda, kandi ku Avizihiiri. Ndaavilwazira vaduuki kwiganira kandi, viraniri Nyasaye nu kumanyia mu vikolwa viavo ndi vamali kugirung'anywa mu mioyo jaavo.

Vikolwa 28:23

Kunangwa valagana naye lidiku liu kuvugana, na avandu avanyingi ligali vaduuka kuye aha yamenya. Kutura mugamba kuduuka mugolova, Paolo yavivaalira nu kuvavuulira amakuva gu Vwami vwa Nyasaye, nageriza kuvakola vavugiliri amakuva ga Yeso ku litumikira Lilaga lia Musa na amang'oda ga avaporofeti.

Vikolwa 3:19

Kulwayago mwiganiri, kandi mwihaane ku Nyasaye, kunangwa aduuki kumusamiiha uvwoni vwinyu. Niiva mukora ndio,

Vikolwa 8:25

Kunangwa lwa Petero na Yohana vamala kololekiza nu kwilwaza likuva liu Mwami, virana Jerusalemi. Lwa vaali ni viranga vagenda ni vilwaza Ivangeri ya Nyasaye ku tudaala tunyingi twa Samaria.

Varumi 1:14

Mbeeye ni ligovi ku vandu vosi, Avaguriki vamanya malago ga Nyasaye na vandu vataveeye Vaguriki avakikiri kumanya malago ga Nyasaye, avageri na vataveeye nilimanya.

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

Varumi 10:9

Kunangwa, nuuva nuwiyama nu munwa gugwo ndi, Yeso aveeye Mwami, nu kusuuvira mu mwoyo gugwo ndi, Nyasaye yamusimugukiza kutura mu likuza ulahonywa.

Varumi 2:4

Anoho hawundi uchayaa zimbavasi zizie, uvwikuzihizi kandi uvwikuziri vwivwe. Ivi siumanyi ndi Nyasaye nuwizimbavasi kigira yivu vwenya koleta kuivi ligerizaa kukwimilira onyoore lieganira.

Varumi 4:24

Navuzwa likuva yili liveeye ku kunyi, avakusuuviraa ku Nyasaye wasimugukiza Yeso, Mwami wiitu kutura mu vakuzu.

Varumi 5:1

Kunangwa kumali kokolwa avalungi imbiri wa Nyasaye kuvitira mu lisuuvira, koveeye ni mirembe na Nyasaye kuvitira mu Mwami wiitu Yeso Kristo.

1 Vakorintho 1:22

Avayuda venya vilolekizu ku vasuuviri, Avaguriki navo venya vogeri.

2 Vakorintho 7:10

Vovereri vwa Nyasaye voletaa lieganira liu mwoyo kuduuka kovohonyi, navuzwa sivoleetaa liverera mba! Navuzwa ovovereri vwu mundu, voleta ilikuza.

Vagalatia 2:16

Navuzwa kunyi kumanyi ndi mundu akolwaa mulungi na Nyasaye kuvitira mu lisuuvira mu Yeso Kristo, na sigaveeye ku likora agi Lilaga lienyaa mba. Kunyi kandi, kumali kusuuvira mu Kristo Yeso kuduuki kokolwa avalungi imbiri wa Nyasaye ku lisuuvira lietu mu Kristo, kigira mu miyinzi ji Lilaga mundu sianyala kokolwa mulungi mba.

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Vagalatia 3:22

Navuzwa Mang'oda Matakatifu gavoora ndi, lirova liosi liveeye hasi hi zinguru ziu uvwoni, na ndio, kihanwa ichasuuvirizwa kigira lisuuvira mu Yeso Kristo, kihaanwaa ku yavo vosi avasuuviraa.

Vafeso 1:15

Kutura nimbulira lisuuvira lienyu mu Mwami Yeso, nu vuyanzi vwinyu vwa muveeye navwo ku vatakatifu vosi,

Vakolosai 2:5

Kali nindaveeye nimunyi mumuviri, navuzwa mbeeye harara nimunyi mu Roho. Inzi kandi sangala kolola vugulu vwinyu vonene, ni lisingira vudinyu lie lisuuvira lienyu mu Kristo

Filemona 1:5

kigira mbulira amakuva goosi guvuyaanzi vuvwo ku vandu va Nyasaye vosi kandi lisuuvira lia oveeye nalio mu Mwami Yeso.

1 Yohana 5:1

Mundu woosi usuviraa Yeso ni Kristo, uyu aveeye umwana wa Nyasaye, kandi mundu woosi uyanzaa Baba ayaanza umwana weve.

1 Yohana 5:5

Kunangwa nivwaha unyala kuguuta kivala? Ni uyu usuviraa, Yeso aveeye umwana wa Nyasaye.