Vikolwa 20:19 - KITABU KITAKATIFU

¹⁹ Mumanyi kuli ndatumikira Mwami ni liegehiza liosi, na maliga goosi ndakora miyinzi jange kuli mutumwa wumwami mu ing'inga yu vudinyu vunyingi uvwangwira kigira vuhimwa vwa Vayuda.

Vikolwa 20:19 Iomraidhean Croise

Zaburi 119:136

Zimoni ziange zidorokaa amaliga kuli migera ja amazi, kigira avandu si vahuliraa amalago googo mba.

Jeremia 13:17

Niiva simulahulira, inzi ndakaliri mu vwivisu kigira liegingira lienyu ndakaliri nuvululu kandi maliga gange galakidoreke, kigira avandu va Nyasaye vamali kuhirwa ihale mu avahambe.

Jeremia 9:1

Ndakayanzi niiva mutwi gwange gwakaveeye kidaho cha mazi, kandi zimoni ziange kisinukiru chamaliga, kunangwa ndakaliri mbasu nu vudiku, kigira avandu vange vamali kwitwa.

Luka 19:41

Lwa yaduuka ahimbi Jerusalemi yalora lidaala zana, nalililira,

Yohana 12:26

Uyu wenyaa kundumikira gamuduukira anonde, kandi hoosi ha mbeeye, niho hu mutumikiri wange ava, kandi mundu ku vosi undumikira, Baba wange alamuha uvukumi.

Vikolwa 17:13

Navuzwa lwa Avayuda va Tesalonike, vamanya Paolo yilwaza likuva lia Nyasaye mu Berea, vazia yo kandi, nivatanga kogoyanyia no kogemehiza viduma via avandu.

Vikolwa 17:5

Navuzwa Avayuda vakendeka; vavungiza harara avandu vadamanu, avaguunza mu chiitu, nivavungiza kiduma, nivakora kivihiri mu lidaala liosi. Vingira munyumba ya Jasoni, nivasuuvira ndi, valanyora mu Paolo na Sila, vavaleete ichova imbiri wa avandu.

Vikolwa 20:3

wa yamenya mieli jivaga. Lwa yaali niyetegeka kuzia Siria, yahulira ndi Avayuda vaali nivamugoneki vamwiti; ku lwa yago yamanya niyiirana navitira Makedonia.

Vikolwa 20:31

Ku lwa yago, mulindi nimwizuliza ndi ku ing'inga yi mihiga jivaga, uvudiku na mbasu, sindaaluha kwigiza vuli mundu ku munyi na maliga.

Vikolwa 21:27

Lwa madiku saba yago gaali himbi kumalirika, Avayuda vaali nivatuli Asia valora Paolo mu Litembeli. Vagemehiza kiduma choosi cha avandu nivamugumira.

Vikolwa 27:23

Uvudiku vwa lero engelosi wa Nyasaye, wa inze mbeeye mundu weve, kandi wa sigamira, yaazi ku inzi,

Varumi 1:1

Inzi Paolo, mutumikiri wa Kristo Yeso, mutumwa watovolwa kandi walangwa na Nyasaye kwilwaza Ivangeri ya makuva malahi kutura ku Nyasaye.

Varumi 1:9

Nyasaye wa inzi ndumikiraa numwoyo gwange gwosi mu Iilwaza Ivangeri yu Mwana weve, aveeye mulolekizi wange ku gambolaa kigira gaveeye giligali. Nyasaye amanyi vulahi ndi inzi nzizuliza munyi vuli kazozo.

Varumi 12:11

Mutava vagata, navuzwa muyinziri vudinyu. Mutumikiri Mwami numwoyo gwinyu gwosi.

2 Vakorintho 2:4

Ndaamung'odera ibarwa yeyo kuturana nu vudinyu vonene no vovereri mu mwoyo kandi namaliga manyingi. Lienya liange si liali kumuvereriza mba, navuzwa kokora munyi mumanye ndi ndaamuyaanza ligali vosi.

2 Vakorintho 3:5

Sigali kunyi koveeye avadukiru kokora umuyinzi yigu ku zinguru zietu aveene, navuzwa vunyali vwitu vuturaa ku Nyasaye.

2 Vakorintho 7:5

Lwa kwaduka Makedonia si kwaali kunyala kosoosa mba. Vudinyu vwali ho havundu hoosi; ovolembani na vandi, kandi uvuti vwali mu mioyo jietu.

Vagalatia 1:10

Muganaganaa ngerizaa koteeva vandu anoho Nyasaye kovora ndi agambooraa sigaveeye malungi? Anoho ngerizaa kuyaanziza avandu? Niiva ndakagerizi kuyaanziza avandu, si ndakaveeye mutumikiri wa Kristo mba.

Vafeso 6:7

Mukore miyinzi jinyu kuli vatugwa nu vuyanzi, kuli mwaali nimutumikira mwami; kandi gatava kuli mwatumikira mundu mba.

Vafilipi 3:18

Ndaamara kumuvolera amakuva gaavo haali kanyingi ulwimbiri, kandi kali kalunu nziraniraa kumuvolera na amaliga: vaveeye ho na avandu avanyingi avaveeye avasigu vu musalaba gwa Kristo.

Vakolosai 3:24

Mwizurizi ndi Nyasaye alakamuhe madanyi gayaviikila vandu veve, kigira Kristo niyie Mwami wiligali wamutumikiraa.

1 Vatesalonike 1:9

Avandu yavo vosi vamoloma kuli mwakwingiriza hagati hinyu lwa kwamugeniha. Kandi kuli mwaleka vifananyi nukuzia ku Nyasaye, kandi kutumikira Nyasaye wa giligali oveeye mwoyo,

Yakobo 1:2

Avaamitu vange, mwiganagane aveene kuva nu vusangali, lwa amagerizu zing'ano ziosi gaaza ku munyi.

1 Petro 1:6

Musangare ligali mu yaga, kali niiva gamudukira muve niliverera kigira magerizu manyingi aga munyoora

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

Likunula 7:15

Yiki nicho kigiri vasiingi imbiri wendeve yu vwami vwa Nyasaye, nu kumutumikira mbasu nu uvudiku mu Litembeli lilie. Uyu wikaye kondeve yu uvwami alavakinga ni lihema lilie.