Vikolwa 2:47 - KITABU KITAKATIFU

⁴⁷ Vizominya Nyasaye, na vandu vosi vavyaanza. Vuli lidiku Mwami yavameedaa ku muganda yigu vandu vandi vahonywa.

Vikolwa 2:47 Iomraidhean Croise

Luka 19:48

Navuzwa sivanyoola inzira yoosi yokokola ndio mba, kigira avandu vosi vadinya kuye nivahulirizaa amakuva geege.

Luka 2:52

Yeso yameda kuviruka mu vogeri kandi mu muviri; nameeda kuyanzwa na Nyasaye kandi na avandu.

Vikolwa 11:21

Zinguru ziu Mwami Nyasaye ziali harara navo, na avandu vanyingi vasuuvira nivagirung'ana kuzia ku Mwami Yeso.

Vikolwa 11:24

Baranaba yaali mundu mulahi, wizura Roho Mutakatifu ni lisuuvira. Avandu vanyingi vasuuvira mu Mwami Yeso.

Vikolwa 13:48

Avandu vi Zihiiri lwa vahulira amakuva yaga vayaanza, nivizominya likuva lia Nyasaye; yavo avaari nivatovolwa konyoora livamwoyo litahera mba, vasuuvira.

Vikolwa 14:1

Kuli kazozo, Paolo na Baranaba vingira mu lisinagogi lia Vayuda ha Ikoniamu vilwaza nu vuluviliri kuduuka kiduma kenene cha Avayuda na Vaguriki nivasuuvira.

Vikolwa 14:21

Lwa vamala kwilwaza Ivangeri mu lidaala lia Deribe, vanyoola vandu avasuuviraa avanyingi, ni vatanga logendo kwirana Andiokia ya Pisidia, kuvitira Lusitura na Ikoniamu.

Vikolwa 16:5

Kunangwa makanisa gameeda kuva zinguru mu lisuuvira, ni livaliza lia vandu vasuuvira liameeda madiku goosi.

Vikolwa 17:12

Avanyingi kuvo vasuuvira; kandi avakali avi igulu va Vaguriki na avasaza kandi.

Vikolwa 2:39

Kigira lisuuvirizwa lia Nyasaye lialomberwa munyi, nu ku avana vinyu, kandi ku vosi avamenyaa ihale, nuku vosi avu Mwami Nyasaye wiitu alaangaa vaze kuye.”

Vikolwa 2:41

Kunangwa avanyingi vasuuvira amakuva geege, nivabatizwa lidiku liene yilio. Avandu vaduuka ahimbi zielefu zivaga komeeda livaliza liu muganda gwa avasuuviri.

Vikolwa 4:21

Kunangwa, avakulundu vi kiyaalo vavatihiza nukuviganihiza vudinyu, mani vavalakuula. Valora ndi nivudinyu ligali kuvaha amageri, kigira avandu vosi vaali ni vizominyaa Nyasaye kigira kekolwa yicho.

Vikolwa 4:33

Avatumwa valolekiza ni zinguru zinene lisimuguka liu Mwami Yeso, na Nyasaye yavaha vugasu vonene.

Vikolwa 4:4

Navuzwa avanyingi avahulira likuva, vasuuvira kandi livaliza lia avasuuviri liali ahimbi zielefu zitano.

Vikolwa 6:1

Mu madiku yago lwi livaliza lia vandu vasuuvira yaazizagilira komeedeka, lirembana liatulira hagati ha avasuuviri Vayuda avamolomaa Luguriki na yavo avamolomaa Luheburaina. Avayuda avamolomaa Luguriki vamonya ndi avakunzakali vaavo vivilirangwa mu ligavula lie viukulia via kase.

Vikolwa 6:7

Likuva lia Nyasaye liazizagilira kulaanda. Livaliza lia vandu avasuuviraa vameedeka ligali mu Jerusalemi; kandi avasaalisi vanyingi vavugilira lisuuvira yili.

Vikolwa 9:31

Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

Vikolwa 9:35

Vosi avamenya mu Liida nu mu Saroni valora Aineya, navo vosi vagirung'ana nivazia ku Mwami.

Varumi 14:18

Uyu utumikira Kristo kuli ndio ayaanzwa na Nyasaye, kandi avugilirwa na vandu.

Varumi 8:30

Kunangwa yavo ava Nyasaye yaahula, yavalanga; navo avayalanga, yavakola vave avalungi harara naye, kandi yaasanga uvukumi vwivwe harara navo.

Varumi 9:27

Isaya yahanzuka ku Isiraeli navoora ndi: “Kali niiva avandu va Isiraeli vaveeye vanyingi kuli muyeke gwu munyanza, ni vakekeeke vuzwa kuyavo avalihonywa;

1 Vakorintho 1:18

Likuva lie likuza lia Kristo ku musalaba liveeye uvusiru ku yavo avadivaa, navuzwa ku kunyi avahonywa, liveeye zinguru zia Nyasaye.