Vikolwa 2:42 - KITABU KITAKATIFU

⁴² Yava vosi vamenya harara nivigaa ku avatumwa, komenya harara mu vuhambani mu vusangi, komeganyia mugadi kandi mu lisaala.

Vikolwa 2:42 Iomraidhean Croise

Luka 24:30

Lwa yikala kulia viukulia harara navo, yavugula mugadi, nasandiza Nyasaye, nagomeganyia kandi natanga kuvaha.

Luka 24:35

Avaari vaviri yavo, vavivaalira vindu viakoleka kunzira, kandi kuli vamanyiriza Yeso lwa yameganyia mugadi.

Vikolwa 1:14

Yava vosi vavugana harara kazozo mu lisaala, kuli muganda, harara na vakali kandi Maria mama wa Yeso, na avamwavo veve.

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Vikolwa 2:46

Amadiku goosi vahongera kuvugana mu Litembeli, navuzwa ing'inga yo komeganyia mugadi, vavugana mu zinyumba ziavo, ni vasanga viukulia viavo nu vuyanzi kandi ni mioyo jaali ligali.

Vikolwa 20:11

Yanina igulu kandi, nameganyia mugadi, nalia. Yaazizagilira kwilwaza ku ing'inga indambi kuduuka lwa vwacha, ma nazia.

Vikolwa 20:7

Ku lidiku lia Jumamosi hamugorova, kwavugana harara komeganyia mugadi. Kigira Paolo yaali niyenyaa kuzia mugamba golonda ku, yiilwazira avandu, nazizagilira kwilwaza kuduuka vudiku hagati.

Vikolwa 4:23

Nonoho, lwa Petero na Yohana valakulwa, virana ku muganda gwaavo, nivavivaalira goosi aga avasaalisi vanene na vakulundu vaali nivavooye.

Vikolwa 4:31

Lwa vamala kusaala, havundu ha vavuganira harara hadegerizwa. Vosi vizura Roho Mutakatifu kandi ni vatanga kwilwaza likuva lia Nyasaye nuvuluviliri.

Vikolwa 6:4

Navuzwa kunyi kulahongera mu lisaala kandi mu lilwaza likuva lia Nyasaye.”

Varumi 12:12

Musangare mu lisuuvirizwa lienyu vuli kazozo. Muve aviikuziri mu lidambizwa. Muhongere ligali kusaala.

1 Vakorintho 10:21

Simunyala kunwera mu kekombe chu Mwami kandi munwere mu kekombe cha mademoni mba; simunyala kusanga iliilia komesa yu Mwami kandi komesa ya mademoni mba.

1 Vakorintho 11:2

Kalunu nzizominyaa munyi kigira munzizulizaa kazozo mu vindu viosi, kandi mulonda ligali amigizu ga ndaamuha.

1 Vakorintho 14:6

Kulwayago, avaamitu vange, niiva ndaaza ku munyi nimolomaa mu zinimi zing'eni, ndava na vokonyi ki niiva sindamuleetera likuva kutura ku Nyasaye lie limanya anoho ovoporofeti, anoho amigizu?

Vagalatia 1:6

Ng'enyera munyi! Mu ing'inga ngekeeke mulekaa vwangu Nyasaye uwamulanga ku zimbavasi zia Kristo, kandi mugirung'ani nukuvugilira Ivangeri yu lugano lundi.

Vafeso 2:20

Munyi kandi mwumbakiywi ku musingi ugwalombwa na avatumwa kandi avaporofeti, Kristo mwene naveeye ligina liu mukoona.

Vafeso 6:18

Musaale zing'inga ziosi kuli Roho amwimilira; nimusavaa vokonyi ku Nyasaye, kigira yaga goosi mwetegeke kandi mutakuzi mioyo mba. Muhongere mu lisalira vandu va Nyasaye kazozo.

Vafilipi 1:5

kigira ovokonyi vwinyu ku inzi mu miyinzi ju kulandiza Ivangeri kutura lidiku liukutanga kuduuka lero.

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.

Vakolosai 4:2

Mumenye ligali mu lisaala kazozo, muhongere mu lilinda nu mu lisandiza Nyasaye.

Vahebraina 10:25

Kutaleka mwimwa yigwo gwu kuvugana harara aveene naveene, kuli vandi vakora. Navuzwa mugende kudinyirizane mulala nuwache ligali, kigira kuli muloraa ndi Lidiku liu Mwami liveeye ahimbi.

Vahebraina 10:39

Kunyi sikoveeye avandu viranaa inyima kuduuka mulidiva mba; navuzwa koveeye ku yavo avaveeye ni lisuuvira kandi vahonywa.

1 Yohana 1:3

Kunyi kumwilwaazira cha kwalola kandi cha kwahulira, kunangwa muduuki kuva mu lisanga ni kunyi, kandi lisanga lietu liveeye harara na Baba, nu umwana weve Yeso Kristo.

1 Yohana 1:7

Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.

1 Yohana 2:19

Vaatura kukunyi, navuzwa sivali mu lisanga lietu mba. Valava nivaali mu lisanga lietu ngano vamenya ni kunyi. Navuzwa vaatura ku kunyi ku vaduuki kumanyikana havulavu kuva, vosi sivaveeye kukunyi mba.

Yudasi 1:20

Navuzwa munyi, avalina vange avayaanze, muzizagiliri kwiyumbaka aveene ku ilisuuvira lienyu litakatifu ligali. Musaale mu zinguru zia Roho Mutakatifu.