Vikolwa 2:4 - KITABU KITAKATIFU

⁴ Vosi vizura Roho Mutakatifu, kandi ni vatanga komoloma mu zinimi zindi, kuli Roho yavaha livoora.

Vikolwa 2:4 Iomraidhean Croise

2 Samweli 23:2

Roho wa Nyasaye amolomaa kuvitira mu inzi: Makuva geege gaveeye mu munwa gwange.

Isaya 28:11

Niiva simulambuliriza, hene yaho Nyasaye alatumikira avandu vageni avamoloma zinimi zihulilikaa kuli zing'eni kumwigiza agamuduukira kumanya.

Isaya 59:21

Ndalomba lilagana liange ni munyi: Mali kumuha zinguru ziange kandi amigizu gange kuva aginyu mihiga ni mihiga. Kutura kalunu, gamudukira muhuliri inzi kandi mwigize avana vinyu kandi visukululwi vienyu vaambuliri zing'inga ziosi.”

Jeremia 6:11

Uvutima vuvwo kuvo vwaka kandi mu inzi, Yahova sinyala kuvuviika kandi mba.” Maku Yahova yambolera, “Manyia uvutima vwange ku avana muzinzira kandi kuviduma via vasoleri. Avasaza na vakali valahirwa ihale kandi avakulundu sivalahononoka mba.

Ezekieli 3:11

Uzie kalunu ku vandu vi kivala chienyu avaveeye mu lihaminywa ma omolome kuvo kandi. Uvavoolere, ndi Inzi Yahova Wuvunyali mboraa kuvo, kali niiva valahulira anoho valasura kuhulira.”

Mika 3:8

Navuzwa, ku lwa inzi, Yahova yizuliza mu inzi Roho weve kandi zinguru zizie, kandi yambeza likalaga liu vulungi nuvuluviliri ukwilwazira avandu va Isiraeli vwoni vwavo.

Matayo 10:19

Lwa valimuhila mu viina kumuyaara, mutakahende mioyo ku aga mulitivula anoho kuli mulivoola; kigira ku ing'inga yeyo, mulakahevwe aga mulivoola.

Marko 16:17

Avasuuviraa valahevwa izingulu kokora ivilolekizu. Mu lieta liange valakunga amademoni; valamoloma mu zinimi zimbia.

Luka 1:15

Alakave munene imbiri wu Mwami. Si alinwa iwaini anoho amalwa mba, naye aliizula Roho Mutakatifu kutura munda mwa mama weve.

Luka 1:41

Lwa Sabeti yahulira licheliza lia Maria, mwana yakina nuvuyanzi munda mwimwe. Sabeti yizula Roho Mutakatifu,

Luka 1:67

Zakaria, baba wu mwana, yizula Roho Mutakatifu na yaporofeta, navoora:

Luka 12:12

Ing'inga yeyo, Roho Mutakatifu alakamwigizi gaduukanaa muvoore.”

Luka 21:15

Kigira ndakahaane ku munyi amakuva kandi ovogeri vwa avasigu vinyu valivula kuhangaliza anoho kuhing'ana na aga muvooraa.

Luka 4:1

Yeso yirana kutura mu mugera gwa Jorodani niyizuuyi Roho Mutakatifu, yimilirwa na Roho kuzia mwigendanyama,

Yohana 14:26

Navuzwa, uyu Mukonyi, Roho Mutakatifu, wa Baba alituma mu lieta liange, alakamwigizi vindu viosi kandi kumwizuliza goosi aga ndamuvolera.

Yohana 20:22

Lwa yamala kovora yaga, yavaherera mwika navavoolera, “Vuguli Roho Mutakatifu.

Vikolwa 1:5

Yohana yabatizaa na amazi, navuzwa mulabatizwa mu Roho Mutakatifu inyima wamadiku makekeeke.”

Vikolwa 1:8

Navuzwa lwa Roho Mutakatifu aliiza ku munyi, mulizurwa ni zinguru kandi mulava avalolekizi vange mu Jerusalemi, Ivuyuda, Samaria, kandi kuduuka ku keheri chi lirova.”

Vikolwa 10:46

kigira vahulira ni vavoola mu zinimi lugano lugano, ni vizominya Nyasaye. Maku Petero yavoola,

Vikolwa 10:47

“Avandu yava vanyooye Roho Mutakatifu kuli kunyi kwamunyoola. Aveeye ho mundu woosi unyala kuvigalira vavuli kubatizwa mumazi?”

Vikolwa 11:15

Lwa ndatanga komoloma kuvo, Roho Mutakatifu yika kuvo kuli yika ku kunyi mulitanga.

Vikolwa 11:24

Baranaba yaali mundu mulahi, wizura Roho Mutakatifu ni lisuuvira. Avandu vanyingi vasuuvira mu Mwami Yeso.

Vikolwa 13:52

Navuzwa avalondi vizura uvuyanzi na Roho Mutakatifu.

Vikolwa 13:9

Maku, Saolo uwalangwa kandi Paolo, niyizuuyi Roho Mutakatifu, yumika musigitiri oyo,

Vikolwa 15:8

Nyasaye umanya zing'anagani zie mioyo ja avandu, yalolekiza ndi, umali kuvavugilira mu lihaa Roho Mutakatifu vave kuli yaaha kunyi.

Vikolwa 19:6

Maku Paolo yavika makono geege kuvo, Roho Mutakatifu yika kuvo, nivatanga livoora mu zinimi ziavukani na amakuva ga Nyasaye.

Vikolwa 2:11

Avayuda navandu vizamira lisuuvira lia Vayuda; avandi vaatura Kerete na Arebia. Kunyi kwosi ku vahulira ni vavoola mu zinimi zietu, iviveeye vikolwa vinene via Nyasaye.”

Vikolwa 2:3

Maku, valora ichaloleka kuli zinimi ziu muliru nizilandaa kandi zidiira mundu sa mulala uwaali mu nyumba yeyo.

Vikolwa 4:31

Lwa vamala kusaala, havundu ha vavuganira harara hadegerizwa. Vosi vizura Roho Mutakatifu kandi ni vatanga kwilwaza likuva lia Nyasaye nuvuluviliri.

Vikolwa 4:8

Maku, Petero, niyizuuyi Roho Mutakatifu, yavativulira, “Munyi aviimiliri navakulundu va vandu;

Vikolwa 6:3

Kunangwa, avaamitu, mutovole avandu saba ku munyi avaveeye nilizominywa lilahi, aviizula Roho Mutakatifu novogeri, kuvaviiki ku miyinzi yigu vagulindi.

Vikolwa 6:5

Livoora yili liayaanziza kiduma choosi cha vandu avasuuviri. Vatovora Sitefano, mundu wi lisuuvira linene kandi wizura Roho Mutakatifu, Filipo, Purokoroni, Nikanora, Timona, Paramena na Nikolao, uwatula Andiokia, uwaali ni yavugula lisuuvira lia Vayuda mu litanga.

Vikolwa 6:8

Sitefano, mundu wa Nyasaye yagasiza ligali kandi wizura zinguru zinyingi, yakola vilolekizu kandi vindu viokogenyia hagati ha avandu.

Vikolwa 7:55

Navuzwa Sitefano, ni yizuuyi Roho Mutakatifu mba, yumika mwigulu, nalora uvukumi vwa Nyasaye, kandi Yeso nasingiyi ha mukono mulungi gwa Nyasaye.

Vikolwa 8:17

Kunangwa Petero na Yohana vaviika amakono gaavo ku vandu vasuuvira yavo, ma nivanyoora Roho Mutakatifu.

Vikolwa 9:17

Kunangwa Anania yazia niyingira munyumba mwa Saolo yaali. Yavika amakono geege ku Saolo namuvolera, “Amiitu Saolo, Mwami Yeso mwene uwaloleka ku ivi lwa waali kunzira kuuza hano, niyie undumi ku ivi uduuki kolola kandi, kandi uduuki kwizura Roho Mutakatifu.”

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

1 Vakorintho 12:10

Roho ahaanaa ku mundu mulala zingulu zio kokora vilolekizu viokogenyia; ku wundi kihaanwa chu vwilwazi; ku wundi ahaanaa vunyali vwu kwavukanyia hagati ha Roho ni miroho. Ku mulala kihaanwa cho komoloma mu zinimi lugano lugano; na ku wundi kihaanwa chu kugirung'anyia zinimi.

1 Vakorintho 13:1

Kali nimba nimoloma mu zinimi zia vandu kandi zie zingelosi, navuzwa nindaveeye nu vuyanzi, mbeeye vuzwa kuli umugasa gulangiliraa anoho vikuli visaara vuzwa.

1 Vakorintho 13:8

Uvuyanzi sivoveeye ne keheri mba. Navuzwa voporofeti nivoveeyeho vulakahere, vihaanwa viokomoloma mu zinimi zing'eni, niviveeyeho, vilakahere; limanya niliveeyeho lilakahere.

1 Vakorintho 14:18

Sandizaa Nyasaye kigira molomaa mu zinimi zing'eni ligali kuvita umundu wundi woosi.

1 Vakorintho 14:5

Kunangwa ndakegombi munyi mwosi mumolome mu zinimi zing'eni, navuzwa ndakayanzi muve ni kihanwa cho koporofeta amakuva ga Nyasaye kigira umundu oporofetaa amakuva ga Nyasaye aveeye nu vukala vonene ligali kuvita oyo omoloma mu zinimi; kuduuka mundu aveeho unyala kwivaalira likanisa agaavoola, kunangwa ilivugana liosi liduuki kwumbakwa.

Vafeso 3:19

Yee, muduuki kumanya uvuyanzi vwa Kristo uvuvitaa limanya liosi, ndi muduuki kwizulwa ligali nu vuduukiru vwosi vwa Nyasaye.

Vafeso 5:18

Mutahambika iwaini mba kigira imanya imudivizi; navuzwa mwizuli Roho du.

Vafeso 6:18

Musaale zing'inga ziosi kuli Roho amwimilira; nimusavaa vokonyi ku Nyasaye, kigira yaga goosi mwetegeke kandi mutakuzi mioyo mba. Muhongere mu lisalira vandu va Nyasaye kazozo.

1 Petro 1:12

Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.

2 Petro 1:21

Voporofeti si vwaza ku vulaliri vwu mundu, navuzwa avandu vanyoola Roho Mutakatifu lwa vamoloma amakuva gaturaa ku Nyasaye.

1 Samweli 1:14

kandi yamuvolera, ulahambika kuduuka ng'inga ki? Lekera uvuhambiki vuvwo.

1 Samweli 10:10

Lwa Saolo nu mutumikiri weve vaduuka ha Gibea, muganda gwa avaporofeti gwagaana naye. Nonoho Roho wa Nyasaye yaza kuye nizinguru, kandi yahambana navo mu liporofeta liavo.