Vikolwa 2:23 - KITABU KITAKATIFU

²³ Kolondekana ni lilohiza lilie mwene, Nyasaye yaali ni yatovola ndi Yeso ahaanwi mu makono ginyu. Navuzwa munyi mwamwita kigira mwalekela avandu avoni navadamanu kumuvaamba.

Vikolwa 2:23 Iomraidhean Croise

Litanga 50:20

Munyi mwandohizira muvwivisu zing'anagani ziu vudamanu, navuzwa Nyasaye yazigirung'anyia kugwa uvulahi, kunangwa aduuki kohonyia avandu vanyingi kalunu kigira agekoleka.

Zaburi 76:10

Ivi okolaa avandu vu vutima kukwizominya ligali; yavo avavura kukuzira muvulwani, valizuliza ing'inga ya masavo googo manene.

Isaya 37:26

“Ivi ukikiri kuhulira ndi ndalohiza yaga goosi kutura madiku ga kale? Na kalunu inzi mali kugadukiza. Ndakuha zinguru ukugirung'anyia madaala manene gizimbinga kugwa vitumi via mang'anye.

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Matayo 20:19

Valamuhaana ku avandu vizihiiri zindi, akolerwe kehenyahenye, akuywi kandi avaambwi. Navuzwa ku lidiku lia kavaga, alasimugukizwa.”

Matayo 26:24

Yee, Umwana wa Adamu alakuza kuli gang'odwa kuye, mu Mang'oda Matakatifu, navuzwa, kilaamo keveeye ku oyo uzamaa Umwana wa Adamu! Vwali vwakaveeye vulahi musaza uyu alavula kwivulwa!”

Matayo 27:35

Lwa vaali nivakamuvamba, vagavulana izinguvu zizie mu likuba zikuura kuzio.

Marko 15:24

Maku vaamuvamba, kandi ni vagavulana izinguvu zizie, nivazikubira ikura valore iyavuli mundu anyoora.

Luka 22:22

Mwana wa Adamu azizaa kwitwa kuli Nyasaye yasavira kuye. Navuzwa, O, vayaye, kilaamo keveeye ku uyu umuzamaa!”

Luka 22:37

Kigira muvooleraa ndi Amang'oda Matakatifu agaavoola ndi, ‘Yavalizwa harara na avoni.’ Kuduuka gatwekizwe kuva agiligali ku inzi. Yee agang'odwa ku inzi gaaza kuva agiligali.”

Luka 23:33

Lwa vaduuka ahalangwa “Gologoza” - iliveeye kovora “Ha Kihaanga”, vavaambira Yeso ahene yaho, kandi vaviika vandu vaali vakoli vudamanu yavo, mulala ku mukono mulungi nu wundi ku mukono mumosi.

Luka 24:20

Avasaalisi vanene na vamiihi viitu vamuzaama mu makono gu mwami wa Varumi aduuki kumukalagira likuza, ma nukumuvamba.

Yohana 19:18

Ahene yaho niho ha vamuvambira, kandi harara naye vavambwa avandu vandi vaviri; mulala ku mukono mulungi nu wundi ku mukono mumosi, Yeso naveeye hagati.

Yohana 19:24

Avasikari yavo vavolerana aveene, “Kutagitandula mba, navuzwa kukubi ikura kolole ilava ya vwaha.” Yaga gekoleka ku gave agiligali kuli gang'odwa mu Mang'oda Matakatifu: “Vagavulana zinguvu ziange, kandi vakuba ikura ku iganza yange.” Kandi nindio avasikari yavo vakora.

Vikolwa 13:27

Kigira yava avamenya Jerusalemi, na avanene vaavo, sivamuvugilira aveeye Muhonyi mba. Sivamanya kandi amakuva ga avaporofeti agasomangwa mu amasabato goosi mba. Kali ndio, vaduukiza amakuva ga avoporofeti lwa vakalagira Yeso amaduywa gi likuza.

Vikolwa 15:18

Nindio Mwami, uwakola vindu yivi vimanyikane kutura kale, avoora ndio.’

Vikolwa 2:36

“Avandu vosi ava Isiraeli gavadukiraa vamanye ligali ndi Yeso uyu wa munyi mwavamba, niyie wa Nyasaye amali kokora ave Mwami kandi Mesia.”

Vikolwa 3:18

Nyasaye yalandiza kale kuvitira mu vaporofeti vosi ndi; gaduukiraa Mesia weve asalirizwi kandi yagakola gaduuki kuva agiligali munzira yiyi.

Vikolwa 4:28

Yee, vavugana harara vaduuki kokora vindu viosi via Ivi wasaavira kokora vindu viosi mu zinguru zizio kandi mu vulaliri vuvwo.

Vikolwa 5:28

“Kwamwiganihiza vudinyu ligali mutigiza ku lieta liu mundu uyu mba; na kalunu, heenzi aga mukoli! Mulandizi amigizu ginyu mu Jerusalemi mwosi, na mwenya koleta kisaalia chilikuza liu mundu uyu ku kunyi!”

Vikolwa 5:30

Nyasaye wa avaguuga viitu yasimugukiza Yeso wa munyi mwamwita, lwa mwamusunga ku musalaba.

Vikolwa 7:52

Yaali ku ho nu muporofeti wa avaguuga vinyu vavura kudambiza? Vita avatumwa va Nyasaye, avalandiza ku maziambiri iliiza liu Mutumikiri mulungi. Na kalunu, munyi mumali kumuzaama nu kumwita.

Varumi 2:12

Avandu vosi vamali kokora vwoni vugira kumanya Lilaga lia Musa valadiva vugira lilaga. Avandu vosi vakola vwoni nivamanya Lilaga, valakalagirwa kolondekana ku Lilaga.

Varumi 4:17

Kuli Mang'oda Matakatifu gavoora, “Mali kokora ivi baba wi zihiiri zinyingi.” Lisuuvirizwa yili liveeye lilahi imbiri wa Nyasaye, wa Aburahamu yasuuvira muye, Nyasaye uhaanaa livamwoyo ku vakuzu, kandi ku malago geege aleetaa vitaveeye ho, kuva ho.

1 Vatesalonike 2:15

aviita Mwami Yeso kandi vaporofeti kandi nivadambiza kunyi. Sivayaanziza Nyasaye mba, kandi vaveeye avasigu ku avandu vosi.

1 Petro 1:2

Mwatovolwa kolondekana kulienya lia Nyasaye Baba, kandi ni mutakaswa na Roho weve kutia Yeso Kristo kandi nimwogizwa na masahi geege. Zimbavasi ni mirembe vive ku munyi ligali.

1 Petro 1:20

Yatovolwa na Nyasaye ing'inga yi lirova liali ni likikiri kolombwa kandi yalolekizwa mu madiku gukumaliriza yaga kigira munyi.

1 Petro 2:8

Mang'oda Matakatifu gavoora, “Yili nilio ligina liu kwikigitariza avandu, ulwanda ululivalomba vagwi.” Vikigitara kigira sivasuuvira mu likuva yivwo vwali uvulariri vwa Nyasaye kuvo.

Yudasi 1:4

Avandu valala avataveeye nu uvunyasaye avilikaragirwa ni lidivizwa liavo lia ng'odwa zing'inga zia kale ligali, vamali koseeta nu kwingira hagati hiitu mu vwivisu, yava vaveeye avandu vavura kutia Nyasaye; avagirung'anyia amakuva gi zimbavasi zia Nyasaye wiitu ziduuki kuva kuli ikindu chukuvugilira vudamanu vwavo vwovoheyi, kandi avambakanaa Yeso Kristo, Munene kandi Mwami wiitu yeng'ine.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.