Vikolwa 19:22 - KITABU KITAKATIFU

²² Kunangwa avandu vaviri kuvo avaari avatumikiri veve, Timateo na Erasito, yavatuma kuzia Makedonia, naye mwene yaatigara na amenyaa Asia ku ing'inga idukanaa.

Vikolwa 19:22 Iomraidhean Croise

Vikolwa 13:5

Lwa vaduuka ha Salami, vilwaza likuva lia Nyasaye mu masinagogi ga Vayuda. Yohana walangwa Mariko yaali mutumikiri wavo.

Vikolwa 16:1

Kandi Paolo yaduuka ha Deribe na Lusitura. Yaali yo mwigizwi uwalangwa Timateo. Mama weve yaali Muyuda Mukristayo navuzwa baba weve yaali Muguriki.

Vikolwa 16:3

Paolo yenya Timateo azie harara naye mu logendo, na kigira yaga yamukeva. Yakola ndio kigira Avayuda vosi avamenya hazana yaho vamanya ndi baba wa Timateo yaali Muguriki.

Vikolwa 18:5

Lwa Sila na Timateo virana kutura Makedonia, Paolo yatumikira vwiyangu vwivwe vwosi ku lilwaza, niyivaalira Avayuda ndi Yeso niyie Mesia.

Vikolwa 19:10

Yaazizagilira kokora yaga ku ing'inga yi mihiga giviri; kuduuka vandu vosi ku avamenyaa Asia, vombi Avayuda na Avaguriki, vahulira likuva liu Mwami.

Vikolwa 19:21

Inyima wa makuva yago, Paolo yatovola kuzia Jerusalemi, naavitira Makedonia na Akaya. Yavoola, “Nimali kuduuka yo, galaniga kuzia Rumi kandi.”

Vikolwa 19:29

Lidaala liosi lizula kivihiri. Vamanya nivagumira Gayo na Arisitariko, avandu va Makedonia, avagendaa harara na Paolo, nivavakwesa vwangu nivingira munyumba yi mikinu.

Vikolwa 20:1

Lwa ikivihiri chaali Efeso chakiring'ana, Paolo yalanga vandu, avasuuviraa harara na avadinyiriza. Maku yavasivula, natanga logendo kuzia Makedonia.

Vikolwa 20:34

Munyi aveene mumanyi ndayinzira na makono gange mwene, nduuki konyoora lienya liange, ni lia yavo avaari harara ninzi.

Varumi 16:23

Mugenihizi wange Gayu, kandi wi likanisa livuganiraa munyumba yeeye, amuchelizi. Erasito, umuviiki wi miandu ji lidaala linu, harara na Kwaritasi amiitu wiitu, vamuchelizi. [

2 Vakorintho 1:16

Ndaalohiza kumuluuta mu logendo lwange lwu kuzia Makedonia, na lwanzirana nduuki konyoora limanulwa kutura ku munyi kigira logendo lwange lwu kuzia Ivuyuda.

2 Vakorintho 11:9

Lwa ndaali harara ni munyi nokogehera vindu, sindamunyangiza kigira vokonyi lwa ndaali nilienya mabese mba; avaamitu vaatura Makedonia vandetera viosi via ndaali ningeheywe. Kuli mu maziambiri kandi mu madiku gaaza: Sindava musigo kumunyi kandi mba.

2 Vakorintho 2:13

Navuzwa ndaadegela ligali, kigira sindanyoola amwavo wiitu Tito mba. Kunangwa ndavasivula vosi ninzia Makedonia.

2 Vakorintho 8:1

Avaamitu, kwenyaa munyi mumanye chi zimbavasi zia Nyasaye zimali kokora mu makanisa ga Makedonia.

2 Vakorintho 8:19

Komeeda ku yago kandi, amali kotovolwa na makanisa kuzia harara ni kunyi lwa nakuhili kihanwa chu Vukristayo yiki. Kigira vukumi vwu Mwami, vuduuki kumanyikana ndi kwenyaa kokoonye.

1 Vatesalonike 1:8

Siliali kigira likuva liu Mwami lienyine kutura ku munyi ilialanda mu Makedonia na Akaya mba, navuzwa amakuva gi lisuuvira lienyu mu Nyasaye gamali kuhulirika havundu hoosi. Kunangwa sikunyala kuva ni kindu cha kovora mba.