Vikolwa 18:7 - KITABU KITAKATIFU

⁷ Kunangwa yavaleka nazia komenya munyumba yu mundu mulala uwatia Nyasaye, uwalangwa Tito Jusito. Inyumba yeeye yaali ahimbi ni lisinagogi.

Vikolwa 18:7 Iomraidhean Croise

Yohana 9:31

Kwamanya ndi Nyasaye siahuliraa avandu avoni mba, navuzwa ahuliraa mundu woosi umusigamiraa kandi okokora uvulariri vwivwe.

Vikolwa 10:2

Yaali mundu watia Nyasaye. Oyo harara na avinyumba yeeye vosi vasigamira Nyasaye; yahaana zisadaka ku avadaka va Vayuda avanyingi, nasaara kazozo.

Vikolwa 10:22

Navo vaamutivulira, “Munene wiitu Korinelio, mundu mulungi, uwatia Nyasaye, kandi oveeye ni lizominywa imbiri wa Vayuda vosi ukutumi. Yavolerwa nengelosi mutakatifu akulange uzie munyumba yeeye, aduuki kuhulira amakuva goosi aga oveeye nago.”

Vikolwa 13:42

Lwa Paolo na Baranaba vaali nivakaturaa mu lisinagogi, avandu vi zihiiri vavagoonya viirane lidiku lie Lisabato lialonda ku, vavavoolere kandi amakuva yaga.

Vikolwa 13:43

Lwi livugana liafwa, Avayuda vanyingi na avandu vi Zihiiri avaari nivavugura lisuuvira lia Vayuda valonda Paolo na Baranaba. Avatumwa yavo vavolerana navo, nivavadinyiriza vazizagiliri komenya mu zimbavasi zia Nyasaye.

Vikolwa 13:50

Navuzwa Avayuda vagemehiza avakali vi igulu avasigamira Nyasaye, avi Zihiiri zindi, kandi avasaza vanene vi lidaala yilio. Vatanga kudambiza Paolo na Baranaba, nivavakunga mu kadaala kavo yako.

Vikolwa 16:14

Mulala ku yavo avakuhulira yaali Lidia, kutura mu lidaala lia Ziatira, yaali mukoli wi viasara vie zinguvu zie rangi ya muzambarao. Yaali mukali uwaasigamiraa Nyasaye. Mwami yakunura mwoyo gwigwe kuhulira icha Paolo yavoola.

Vikolwa 17:4

Avalala kuvo vavugilira, nivahambana na Paolo na Sila. Avanyingi ku Vaguriki vaatia Nyasaye, na avakali vanene vanyingi vigulu, vahambana navo.

Vakolosai 4:11

Joshua, ulangwa Jusito umuchelizi. Vavaga yava nivo Vayuda Vakrisitayo, avakolaa miyinzi harara ninzi kigira uvwami vwa Nyasaye; kandi vaveeye novokoonyi ku inzi ligali.