Vikolwa 18:5 - KITABU KITAKATIFU

⁵ Lwa Sila na Timateo virana kutura Makedonia, Paolo yatumikira vwiyangu vwivwe vwosi ku lilwaza, niyivaalira Avayuda ndi Yeso niyie Mesia.

Vikolwa 18:5 Iomraidhean Croise

Jeremia 20:9

Navuzwa lwa mboraa, “Ndivilira Yahova kandi si ndamoloma mu lieta lilie mba,” maku likuva liilio liveeye kuli muliru gusambanga mu inzi. Ngelizanga kwikuzira, navuzwa sinyalizanga mba.

Jeremia 6:11

Uvutima vuvwo kuvo vwaka kandi mu inzi, Yahova sinyala kuvuviika kandi mba.” Maku Yahova yambolera, “Manyia uvutima vwange ku avana muzinzira kandi kuviduma via vasoleri. Avasaza na vakali valahirwa ihale kandi avakulundu sivalahononoka mba.

Ezekieli 3:14

Roho yang'inga igulu ma mambila ihale, kandi ndaazia mu vululu nu vutima, zinguru zia Yahova ziali na inzi.

Mika 3:8

Navuzwa, ku lwa inzi, Yahova yizuliza mu inzi Roho weve kandi zinguru zizie, kandi yambeza likalaga liu vulungi nuvuluviliri ukwilwazira avandu va Isiraeli vwoni vwavo.

Luka 12:50

Mbeeye nilibatiza lia ndibatizwa ilidukanaa mbatizwi. Navuzwa mbeeye novovereri kuduuka ing'inga lwa yagalitwekiza.

Luka 16:28

uwa mbeeye na avamwavo vatano. Leka azie kuviganihiza gase navo kandi valaza yinu muvusaliri yivu.’

Yohana 1:41

Nonoho yanyoora amwavo weve Simoni ma namuvolera, “Konyooye Mesia.”

Yohana 10:24

Kunangwa Avayuda vamukumbiriza, nivamuteeva, “Ulavika mioyo jietu mulihayahaya kuduuka ng'inga ki? Niiva ivi niyie Mesia, kovolere agiligali.”

Yohana 15:27

Na munyi, kandi, mulakave valolekizi vange kigira inzi, kigira mwali harara nainzi kutura mulitanga.

Yohana 3:28

Munyi aveene muveeye avalolekizi vange ku aga ndavoora ndi, ‘Inzi simbeeye Mesia, navuzwa ndatumwa na Nyasaye kwimilira imbiri weve!’

Vikolwa 10:42

Yakulaga kwilwaziri avandu vosi Ivangeri ya Nyasaye, no kololekiza ndi uyu niyie wa Nyasaye yatovola ave mukalagi wa vaveeye mwoyo na vakuzu.

Vikolwa 15:22

Maku, Avatumwa, avakulundu, harara ni likanisa liosi, vayanzizwa kotovola avandu valala kuvo nukuvatuma kuzia Andiokia, harara na Paolo na Baranaba. Vamanya vatovole Yuda, uwalangwa kandi Barisaba, na Sila; vosi vaali avandu vamanyikana ligali hagati ha avaamitu.

Vikolwa 16:1

Kandi Paolo yaduuka ha Deribe na Lusitura. Yaali yo mwigizwi uwalangwa Timateo. Mama weve yaali Muyuda Mukristayo navuzwa baba weve yaali Muguriki.

Vikolwa 16:12

Kutura uwene yeyo kwazia ni kuduuka ha Filipi, lidaala linene lio losoma lwu kutanga lwa Makedonia, kandi liveeye lidaala liamifwa na Varumi. Kwamenya mu lidaala yilio madiku manyingi.

Vikolwa 16:9

Uvudiku yivwo Paolo yalora malola ndi aloli mundu mulala watura Makedonia usingiyi yo na amugoonya, “Yambuka, uzi Makedonia okokonye.”

Vikolwa 17:3

Yavivaalira Amang'oda Amatakatifu kandi na avamanyia ndi gaduukiraa Mesia asalirizwi nu kusimuguka kutura mu vakuzu. Yavavolera kandi, “Yeso uyu wa inzi nzilwazira munyi niyie Mesia.”

Vikolwa 18:28

Yaazizagilira komoloma nu vuluviliri nu kuguuta Vayuda imbiri wa avandu, navamanyia kuvitira mu Mang'oda Matakatifu ndi Yeso aveeye Mesia.

Vikolwa 2:36

“Avandu vosi ava Isiraeli gavadukiraa vamanye ligali ndi Yeso uyu wa munyi mwavamba, niyie wa Nyasaye amali kokora ave Mwami kandi Mesia.”

Vikolwa 20:21

Ndiganihiza avandu vosi Vayuda, na vandu vi zihiiri, viganiri ma viirane ku Nyasaye, nu kusuuvira Mwami wiitu Yeso Kristo.

Vikolwa 20:23

Navuzwa icha manyi ni yiki, Roho Mutakatifu yanziganihizaa ndi mu madaala goosi livofwa ni lidambizwa nivio vinindiliyi.

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vikolwa 4:20

Kigira kunyi si kunyala koleka kovora amakuva gi vindu via kwalola kandi via kwahulira mba.”

Vikolwa 9:22

Navuzwa lilwaza lia Saolo lialoleka kuva ni zinguru ligali, kandi lilolekiza lilie ndi Yeso niyie Mesia, liali lieligali ku Avayuda vamenya Damasiko ma kali sivali vanyara kutivula kindu mba.

2 Vakorintho 1:19

Yeso Kristo, Mwana wa Nyasaye, wilwaazwa na Sila, Timateo, harara ninzi, hagati hinyu siaveeye wa “Yee” anoho wa “Awa” mba; navuzwa gaali kazozo “Yee”;

2 Vakorintho 11:9

Lwa ndaali harara ni munyi nokogehera vindu, sindamunyangiza kigira vokonyi lwa ndaali nilienya mabese mba; avaamitu vaatura Makedonia vandetera viosi via ndaali ningeheywe. Kuli mu maziambiri kandi mu madiku gaaza: Sindava musigo kumunyi kandi mba.

2 Vakorintho 5:14

Vuyanzi vwa Kristo vukwamiihaa, kigira kumanya ligali ndi, umundu mulala yakuzira avandu vosi; agaveeye kovora ndi vosi vaasanga mu likuza lilie.

Vafilipi 1:23

Mbeeye hagati hi zimbega ziviri. Nyenya koleka livamwoyo yili kuzia komenya harara na Kristo, kigira yiki keveeye kindu kilahi ligali.

1 Vatesalonike 3:2

Kwatuma Timateo, amiitu wiitu kandi muyinziri wache kigira Nyasaye mu Ivangeri ya Kristo, yaaze yaho kumudinyiriza nokumukoonya mu lisuuvira lienyu.

1 Vatesalonike 3:6

Kalunu Timateo amali kuuza, kutura ku munyi na akovooleeye amakuva malahi gilisuuvira, novuyaanzi vwinyu. Amali kokovoolera kuli mwizulira kunyi kazozo, nu kwekomba kolola kunyi, kuli kunyi kandi kwegomba kolola munyi.

1 Petro 5:12

Ng'oderaa munyi ibarwa yiyi, Silivano naveeye umukonyeleri wange uwa inzi ndolaa kuva kuli amiitu oveeye umusuuvirifu mu Kristo. Nyenya kudinyiriza munyi nu kwizominya ndi yizi ni zimbavasi zia agiligali zia Nyasaye. Musingiri vudinyu mu zimbavasi yizi.