Vikolwa 18:2 - KITABU KITAKATIFU

² Wene yeyo yanyoora yo Muyuda mulala walangwa Akwila wivulwa mu Ponto. Akwila harara nu mukali weve walangwa Berisila, vaali nivirani kutura Italia ing'inga yene yeyo, kigira Umwami Munene wa Rumi walangwa Kilaudia yaali natulizi lilago ndi Avayuda vosi vakungwi kutura mu kivala cha Rumi. Paolo yazia kuvalola.

Vikolwa 18:2 Iomraidhean Croise

Vikolwa 11:28

Kunangwa mulala kuvo walangwa Agabo yasingira; na ku zinguru zia Roho, yalolekiza ndi inzara enene ilaaza mu lirova liosi. Inzara yeyo yaza maku ing'inga ya Kilaudia yaali niyamiha.

Vikolwa 18:18

Inyima wa yaga, Paolo yaazizagilira komenya na vandu avasuuviraa mu Korinzo madiku manyingi. Inyima yavasivula, naniina mu liato kuzia Siria harara na Berisila na Akwila. Naveeye mu Kengurea, yavega liisu lilie kigira yaali na aviiki lilagana liokwisuuha ku Nyasaye.

Vikolwa 18:26

Lwa Berisila na Akwila vahulira namolomaa nu vuluviliri mu lisinagogi, vamuvugura nivamuhila yengo uwavo, nivamwivaalira miigizu ga Nyasaye vulahi ligali

Vikolwa 2:9

Avalala ku kunyi vaveeye Avaperezi, Avamedi na avandi ni avandu va Mesopotamia, Ivuyuda, Kapadokia, Ponto na Asia,

Vikolwa 27:1

Lwa vamala kusaavira kuniina mu liato kuzia Italia, vaviika Paolo harara na avahambe vandi hasi hu vulindi vwa Juliasi, uwaali munene wa avasikari mia mu muganda gwalangwa “Muganda gwa Kaisari.”

Vikolwa 27:6

Ahene yaho, munene wa avasikari mia yanyoora ho liato liatura Alekisandaria nilizizaa Italia; na yakuviika mu.

1 Vakorintho 16:19

Amakanisa goosi ga Asia gaamuchelizi. Akwila na Berisila, harara na vandu vosi vi likanisa lia Nyasaye avaveeye munyumba yaavo vamuchelizi mu Mwami nu mwoyo gwosi.

Vahebraina 13:24

Haani mirembe ku viimiliri vinyu vosi, harara na vatakatifu vosi. Avamwavo vinyu mu Kristo kutura Italia vahaani mirembe kumunyi.

1 Petro 1:1

Inzi Petero, mutumwa wa Yeso Kristo; ng'oderaa munyi avatovole va Nyasaye, avaasalana, avamenyaa muvivala vio vogeni via Ponto, Galatia, Kapadokia, Asia, numu Bizinia.