Vikolwa 17:4 - KITABU KITAKATIFU

⁴ Avalala kuvo vavugilira, nivahambana na Paolo na Sila. Avanyingi ku Vaguriki vaatia Nyasaye, na avakali vanene vanyingi vigulu, vahambana navo.

Vikolwa 17:4 Iomraidhean Croise

Tsing'ano 13:20

Mundu ogendaa harara na vandu vageri, agerihaa, navuzwa niiva ahambana nu muganda gwa valina vasiru, aladivizwa.

Tsing'ano 9:6

Muleke muganda gwa vandu avasiru, na mulamenya. Mulonde kunzira yilimanya.”

Lwimbu lwa Solomoni 6:1

Munyi vakali valahi ligali, muyanze winyu aziyi hayi? Mukovolere inzira yu muyanze winyu aziliyi ku, kunangwa kuduuki kumukonya kumwenya.

Zekaria 2:11

Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi.

Yohana 7:35

Avanene va Avayuda vavolerana aveene naveene, “Mundu uyu aveeye ahimbi kuzia hayi aha kulivula kumunyoola? Anyala kuzia ku Avayuda vasalana hagati ha Avaguriki, yigizi Avaguriki?

Vikolwa 13:43

Lwi livugana liafwa, Avayuda vanyingi na avandu vi Zihiiri avaari nivavugura lisuuvira lia Vayuda valonda Paolo na Baranaba. Avatumwa yavo vavolerana navo, nivavadinyiriza vazizagiliri komenya mu zimbavasi zia Nyasaye.

Vikolwa 13:50

Navuzwa Avayuda vagemehiza avakali vi igulu avasigamira Nyasaye, avi Zihiiri zindi, kandi avasaza vanene vi lidaala yilio. Vatanga kudambiza Paolo na Baranaba, nivavakunga mu kadaala kavo yako.

Vikolwa 14:1

Kuli kazozo, Paolo na Baranaba vingira mu lisinagogi lia Vayuda ha Ikoniamu vilwaza nu vuluviliri kuduuka kiduma kenene cha Avayuda na Vaguriki nivasuuvira.

Vikolwa 14:4

Navuzwa avandu vi lidaala yilio vavukana: avalala vaali kolovega lwa Avayuda, na avandi nivava kolovega lwa avatumwa.

Vikolwa 15:22

Maku, Avatumwa, avakulundu, harara ni likanisa liosi, vayanzizwa kotovola avandu valala kuvo nukuvatuma kuzia Andiokia, harara na Paolo na Baranaba. Vamanya vatovole Yuda, uwalangwa kandi Barisaba, na Sila; vosi vaali avandu vamanyikana ligali hagati ha avaamitu.

Vikolwa 15:27

Ku lwa yago, kutumaa yaho Yuda na Sila ku munyi; yava valamuvoolera aveene vindu vilala viele via kumali kung'oda.

Vikolwa 15:32

Yuda na Sila, avaari avaporofeti vamoloma na avaamitu yavo ku ing'inga indambi nivavaleminya mioyo nu kuvadinyiriza.

Vikolwa 15:40

Navuzwa Paolo yatovola Sila. Lwa avaamitu va ahene yaho vamala kumuviika mu vulindi vwi zimbavasi ziu Mwami, vatanga logendo.

Vikolwa 16:3

Paolo yenya Timateo azie harara naye mu logendo, na kigira yaga yamukeva. Yakola ndio kigira Avayuda vosi avamenya hazana yaho vamanya ndi baba wa Timateo yaali Muguriki.

Vikolwa 17:10

Nonoho vudiku yivwo, avaamitu yavo vatuma Paolo na Sila vazie Berea. Lwa vamala kuduuka yo, vazia mu lisinagogi lia Vayuda.

Vikolwa 17:12

Avanyingi kuvo vasuuvira; kandi avakali avi igulu va Vaguriki na avasaza kandi.

Vikolwa 17:14

Avaamitu vamuhereka vwangu kuzia kunyanza; navuzwa Sila na Timateo vatigara Berea.

Vikolwa 17:17

Yahangalizana na Vayuda na avandu vandi vi zihiiri avasigamiraa Nyasaye wa Isiraeli; na kazozo yalange ni lihangalizana mu chiitu na avandu vosi ava yavugana navo.

Vikolwa 17:34

Navuzwa avandu valala vahambana naye nivasuuvira. Mulala kuvo yaali Dionisio mulala ku avikiyaalo cha Areopaga, kandi yaali ho mukali mulala walangwa Damari, na avandi avasuuviraa harara navo.

Vikolwa 18:4

Yamoloma nizinguru mu lisinagogi Masabato goosi, nageriza kokora Avayuda na Avaguriki vandu Vasuuvira.

Vikolwa 19:10

Yaazizagilira kokora yaga ku ing'inga yi mihiga giviri; kuduuka vandu vosi ku avamenyaa Asia, vombi Avayuda na Avaguriki, vahulira likuva liu Mwami.

Vikolwa 2:44

Avasuuviri vosi vazizagilira kuva nuvuhambani, ni vagavulana vindu viavo viosi harara.

Vikolwa 21:28

Vahanzuka nivavoora, “Avandu va Isiraeli, kokoonyi, kokoonyi! Uyu niyie mundu wigiza avandu muvivala viosi makuva gahing'ana na vandu va Isiraeli, agahing'anaa ni Lilaga lia Musa na Havundu Hatakatifu hano. Kali kalunu umali kwingiriza avandu vi Zihiiri zindi mu Litembeli, nu kwonogonyia ahatakatifu hano.”

Vikolwa 28:24

Avalala kuvo vasuuvira amakuva geege, navuzwa avandi sivasuuvira mba.

Vikolwa 4:23

Nonoho, lwa Petero na Yohana valakulwa, virana ku muganda gwaavo, nivavivaalira goosi aga avasaalisi vanene na vakulundu vaali nivavooye.

2 Vakorintho 8:5

Yicho si chaavita kindu cha kwasuuvira ligali mba! Kutanga vihaana aveene ku Mwami; kandi ku vulaliri vwa Nyasaye, vihaana veene ku kunyi kandi.