Vikolwa 17:30 - KITABU KITAKATIFU

³⁰ Nyasaye yayivilira zing'inga ziavandu vavura, kumumanya, Navuzwa kalunu, alaangaa avandu vosi, havundu hoosi, viganiri.

Vikolwa 17:30 Iomraidhean Croise

Zaburi 50:21

Munyi mwakora yaga goosi, na inzi si ndavoora kindu ku munyi mba, mwaganagana ndi inzi ndaali kuli munyi. Navuzwa kalunu, inzi mugondokeraa, kandi nu kuhaana likalaga imbiri winyu.

Isaya 21:12

Ndaativura, “Umugamba guzaa, navuzwa uvudiku vulilana kandi. Niiva wenyaa koteeva kandi, wirane ma oteeve.”

Matayo 20:7

Navo vaamutivulira. ‘Kigira sikoveeye nu mundu okoheeye miyinzi mba.’ Naye yavavolera, ‘Kali munyi muzie muyinziri mu mulimi gwange gwi mizabibu.’

Matayo 3:2

“Mwiganiri, kigira Uvwami vwu mwigulu voveeye ahimbi.”

Matayo 4:17

Kutura ing'inga yeyo, Yeso yaatanga kwilwaza navoora, “Mwiganiri, kigira Uvwami vwu mwigulu voveeye ahimbi!”

Marko 1:15

Yavoola, “Ing'inga indahi iduuki, nu Uvwami vwa Nyasaye voveeye ahimbi! Mwiganiri kandi musuuviri Ivangeri.”

Marko 6:12

Kunangwa vaatura ni vilwazira avandu vaduuki kwiganira.

Luka 13:5

Muvooleraa, sigali ndio mba; navuzwa munyi nimutiganira, mulakuza kuli ndio kandi!”

Luka 15:10

Kunangwa muvooleraa, nindio zingelosi va Nyasaye valisangala kigira kwiganira kwu mundu mwoni mulala.”

Luka 24:47

kandi lieganira nilisamiifwa liu vwoni lililwazwa mu zihiiri ziosi mu lieta lilie kutangira mu Jerusalemi.

Vikolwa 11:18

Lwa vahulira yaga, valeka amahangari gaavo, ni vizominya Nyasaye, vavoola, “Nyasaye umali kuhaana ku vandu vi Zihiiri zindi vwiyangu vwu kwiganira no konyoora livamwoyo!”

Vikolwa 14:16

Mu zing'inga ziavita Nyasaye yahaana vovoholore ku zihiiri ziosi zikole aga ziyaanzaa ziene.

Vikolwa 17:23

Lwa ndavita mu lidaala lienyu linene nimbenza ahukusigamira hinyu, ndanyoora uvwali vwang'odwa ku amakuva yaga, ‘Ku Nyasaye utamanyikani’ uyu wa musigamiraa vugira kumumanya niyie wa inzi nzilwazira munyi.

Vikolwa 20:21

Ndiganihiza avandu vosi Vayuda, na vandu vi zihiiri, viganiri ma viirane ku Nyasaye, nu kusuuvira Mwami wiitu Yeso Kristo.

Vikolwa 3:19

Kulwayago mwiganiri, kandi mwihaane ku Nyasaye, kunangwa aduuki kumusamiiha uvwoni vwinyu. Niiva mukora ndio,

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

Varumi 2:4

Anoho hawundi uchayaa zimbavasi zizie, uvwikuzihizi kandi uvwikuziri vwivwe. Ivi siumanyi ndi Nyasaye nuwizimbavasi kigira yivu vwenya koleta kuivi ligerizaa kukwimilira onyoore lieganira.

Varumi 3:23

Avandu vosi vaakora vwoni, kandi vavura kuduuka ku vukumi vwa Nyasaye.

Varumi 3:25

Nyasaye yahaana Kristo aduuki kuva ichu kwisayasayira ku kigira vwoni kuvitira mu lisuuvira ku masahi geege. Yakola ndio kumanyia uvulungi vwa Nyasaye, kigira mu vwikuziri vwu vunyasaye vwivwe si yavaliza ku vandu uvwoni vwi imbiri mba.

2 Vakorintho 7:10

Vovereri vwa Nyasaye voletaa lieganira liu mwoyo kuduuka kovohonyi, navuzwa sivoleetaa liverera mba! Navuzwa ovovereri vwu mundu, voleta ilikuza.

1 Petro 4:3

Mwamenya ing'inga indambi mu madiku gaavita nimwagotera mu likora aga avi kivala vayaanza kokora. Ilimenya lienyu liali lie miima midamanu, liegomba lidamanu, uvuhambiki, ilisieva, uvuhambiki vwu mu viduma, ni lisigamira liu kuvihiliriza lie vifananyi.