Vikolwa 17:3 - KITABU KITAKATIFU

³ Yavivaalira Amang'oda Amatakatifu kandi na avamanyia ndi gaduukiraa Mesia asalirizwi nu kusimuguka kutura mu vakuzu. Yavavolera kandi, “Yeso uyu wa inzi nzilwazira munyi niyie Mesia.”

Vikolwa 17:3 Iomraidhean Croise

Luka 24:32

Vateevana mulala nu wundi, “Mioyo jitu, sijali nuvusangali vonene lwa komolomangi naye nikogenda kunzira, nakwivaliraa mang'oda matakatifu?”

Luka 24:44

Yavavolera, “Yaga namakuva ga ndamuvolera ulwa ndaali ningikiri ni munyi: Vindu viosi viang'odwa mu Lilaga lia Musa kandi mu mang'oda ga vaporofeti nu muzaburi kigira inzi, nivulahi viduukizwi.”

Luka 24:46

Yavavolera “Yaga nigo agang'odwa, ‘Kristo aliitwa na asimuguki kutura mu vakuzu ku lidiku lia kavaga,’

Yohana 20:9

Yeso umali kusimuguka. Navuzwa sivamanyiriza aga Mang'oda Matakatifu gavoora ndi kuduuka Yeso asimuguki kutura mu vakuzu mba.

Vikolwa 1:4

Lwa yavugana harara navo yavaha lilaga yili: “Mutatula mu Jerusalemi, navuzwa mulindi kihanwa cha Baba yasuuviriza, cha ndamuvolera makuva gacho.

Vikolwa 18:28

Yaazizagilira komoloma nu vuluviliri nu kuguuta Vayuda imbiri wa avandu, navamanyia kuvitira mu Mang'oda Matakatifu ndi Yeso aveeye Mesia.

Vikolwa 18:5

Lwa Sila na Timateo virana kutura Makedonia, Paolo yatumikira vwiyangu vwivwe vwosi ku lilwaza, niyivaalira Avayuda ndi Yeso niyie Mesia.

Vikolwa 3:18

Nyasaye yalandiza kale kuvitira mu vaporofeti vosi ndi; gaduukiraa Mesia weve asalirizwi kandi yagakola gaduuki kuva agiligali munzira yiyi.

Vikolwa 9:22

Navuzwa lilwaza lia Saolo lialoleka kuva ni zinguru ligali, kandi lilolekiza lilie ndi Yeso niyie Mesia, liali lieligali ku Avayuda vamenya Damasiko ma kali sivali vanyara kutivula kindu mba.

Vagalatia 3:1

Munyi Avagalatia vasiru! Nivwaha wamuloga? Imbiri wi zimoni zienyu ziene mwivaalirwa havulavu kuli Yeso Kristo yakuza ku musalaba.